തിരുവനന്തപുരം: കലാ-സാഹിത്യ-സാംസ്‌കാരിക രംഗത്തെ പ്രമുഖര്‍ അന്തരിക്കുമ്പോള്‍ അനുവര്‍ത്തിക്കേണ്ട ഔദ്യോഗിക ബഹുമതിയെ സംബന്ധിച്ച് മാര്‍ഗനിര്‍ദേശങ്ങള്‍ മന്ത്രിസഭ അംഗീകരിച്ചു. ഔദ്യോഗിക ബഹുമതി പൊലീസിന്റെ വെടിവെപ്പ് ഒഴിവാക്കി ബ്യൂഗിള്‍ വാദനം മാത്രമാക്കും. ജില്ലാ കലക്ടറോ, കലക്ടര്‍ ചുമതലപ്പെടുത്തുന്ന വ്യക്തിയോ മുഖ്യമന്ത്രിക്ക് വേണ്ടി/സര്‍ക്കാറിന് വേണ്ടി പുഷ്പചക്രം സമര്‍പ്പിക്കും. കേന്ദ്ര, സംസ്ഥാന സര്‍ക്കാര്‍ ബഹുമതികള്‍, കേന്ദ്ര, സംസ്ഥാന അക്കാദമി ബഹുമതികള്‍, പ്രമുഖ സാംസ്‌കാരിക സ്ഥാപനങ്ങള്‍ നല്‍കുന്ന ബഹുമതികള്‍/അവാര്‍ഡുകള്‍ ലഭിച്ചിട്ടുള്ളവര്‍ക്കാണ് മരണാനന്തരം ഔദ്യോഗിക ബഹുമതി നല്‍കുക.
ഔദ്യോഗിക അവാര്‍ഡുകളോ ബഹുമതികളോ ലഭിച്ചിട്ടില്ലെങ്കിലും സമഗ്ര സംഭാവനകള്‍ പരിഗണിച്ച് മരണാനന്തരം ഔദ്യോഗിക ബഹുമതി നല്‍കുന്നതിനുള്ള തീരുമാനം മുഖ്യമന്ത്രിക്ക് കൈക്കൊള്ളാം.
No comments:
Post a Comment