മലപ്പുറം: ലോട്ടറി മാഫിയയുമായി കേരളം ഒത്തുതീര്പ്പിലെത്തണമെന്നാണ് കേന്ദ്രം ആഗ്രഹിക്കുന്നതെന്ന് ധനമന്ത്രി ഡോ. തോമസ് ഐസക്. മലപ്പുറം പ്രസ്ക്ലബില് മാധ്യമ പ്രവര്ത്തകരുടെ ചോദ്യങ്ങള്ക്ക് മറുപടി പറയുകയായിരുന്നു അദ്ദേഹം. ദല്ഹിയില് ആഭ്യന്തരവകുപ്പിന്റെ മധ്യസ്ഥതയില് നടന്ന നികുതിവകുപ്പ് ഉദ്യോഗസ്ഥരുടെയും സിക്കിം - ഭൂട്ടാന് ലോട്ടറി നടത്തിപ്പുകാരുടെയും യോഗത്തില് നിയമലംഘനത്തിന് നടപടിയെടുക്കണമെന്ന് കേരളം എഴുതി നല്കി. എന്നാല് നിയമം നിലവില് വരും മുമ്പ് ചെയ്ത തെറ്റാണെന്ന നിലപാടാണ് കേന്ദ്രസര്ക്കാര് സ്വീകരിച്ചത്. ചെയ്ത തെറ്റിന് ശിക്ഷിക്കാനല്ല, മാപ്പ് വാങ്ങിക്കൊടുത്ത് വീണ്ടും ലോട്ടറി നടത്തിക്കാനാണ് കേന്ദ്ര സര്ക്കാര് ശ്രമിക്കുന്നതെന്ന് പ്രതിപക്ഷ നേതാവ് ഉമ്മന്ചാണ്ടിയും രമേശ് ചെന്നിത്തലയും മനസ്സിലാക്കണം. സംസ്ഥാന സര്ക്കാര് നല്കിയ വിയോജനകുറിപ്പിന് വിരുദ്ധമായാണ് മിനുട്സില് രേഖപ്പെടുത്തിയത്. കേരളത്തിന്റെ നിലപാട് അതല്ലെന്ന് അറിയിച്ചിട്ടുമുണ്ട്. വിയോജന കുറിപ്പ് ഹാജരാക്കാന് തയാറാണ്. കേരളം തത്ത്വത്തില് ലോട്ടറി നടത്തിപ്പിന് അനുമതി നല്കുന്നു എന്ന രൂപത്തില് പ്രചാരണം നടക്കുന്നു. എന്നാല് അത് അനുവദിക്കുന്ന പ്രശ്നമില്ല. നിയമലംഘകര്ക്ക് ശിക്ഷ നല്കാന് കേന്ദ്ര സര്ക്കാര് തയാറുണ്ടോ എന്നും തോമസ് ഐസക് ചോദിച്ചു.
No comments:
Post a Comment