നമ്മുടെയെല്ലാം വാലുകള്‍
വാലന്‍ടൈനെ നമ്മള്‍ വാലാട്ടി സ്വീകരിച്ചു.
ഒരുപാട്.
വാലിന്‍റെ അറ്റം ഒരുപാട് വളച്ച്
എല്ലാ ഓടക്കുഴലും ഓടിച്ചു.
ആരും വാലന്‍ ടൈനിലെ
വാലോ ടൈലോ കണ്ടില്ല.
പത്രങ്ങളും ചാനലുകളും അത്
പരമാവധി ആഘോഷിച്ചു.
പരമാവധി പരസ്യം പിടിച്ചു.
പരമാവധി വില്പന നടത്തി.
സ്വര്‍ണം വാങ്ങാന്‍
നല്ല ദിനം
കണ്ടെത്തിയവര്‍ തന്നെ
പ്രണയത്തിനും
സ്നേഹത്തിനും
സൌഹൃദത്തിനും
സ്വന്തം ദിനം കണ്ടെത്തി.
കവികള്‍ കവിതകള്‍ എഴുതി.
കഥാകാരന്മാര്‍ കഥകളും.
ലേഖകര്‍ ലേഖനങ്ങളും വാര്‍ത്തകളും.
ആരും ഒന്നും കുറച്ചില്ല.
പാശ്ചാത്യമായ പ്രണയസങ്കല്‍പം
എത്ര വേഗമാണ് ഇവിടെ വില്‍ക്കപ്പെട്ടത്.
ഒന്നിച്ചു നടക്കുന്ന ആണിനേയും പെണ്ണിനേയും
ബലമായി കെട്ടിച്ചു വിടുന്നവരുടെ
എതിര്‍ സംസ്കാരം തന്നെ ഇത്.
നമ്മുടെയെല്ലാം വാലുകള്‍
അവിടെ തന്നെ ഉണ്ടോ???
ഒരോട കുഴല്‍ വളക്കാന്‍!!!
No comments:
Post a Comment