ഭൂമിവാതുക്കല്‍

Pharmaceutical unit sealed FIA arrests three drug makers

2012-01-25T03:03:00.001-08:00

Pharmaceutical unit sealed FIA arrests three drug makers

Dawn Report | Metropolitan > Lahore | From the Newspaper

The PIC authorities were directed to provide the FIA with pathological analysis of the suspected drugs, reports on clinical investigation relating to the patients and number of casualties took place so far owing to the use of the medicines. - File photo

LAHORE: The Federal Investigation Agency (FIA) on Monday arrested three owners of as many companies for manufacturing drugs that allegedly caused the death of 63 cardiac patients registered with the Punjab Institute of Cardiology.
The FIA has taken the action against the ‘will’ of the Punjab government. “Seeing the non-seriousness of the provincial government to lay hands on the people responsible for the deaths, the federal government directed the FIA to go for a direct action,” a senior official of the agency told Dawn.
He said the agency would also expose negligent and corrupt provincial government officials, including doctors and drug inspectors.
According to FIA spokesman Haroon Rashid, Tahir Agha of Mega Pharma, Wasim Chaudhry of Alfalah Pharma and Chaudhry Nadir Khan of Pharma-wise, have been arrested and a case under section 23/27 of Drug Act 1976 has been registered against them.
He said the FIA initiated the probe on the direction of interior ministry. “Action will also be initiated against the provincial drug inspectors and officials of the drug testing laboratories,” he said.
Meanwhile, PML-Q central information secretary Kamil Ali Agha said in a statement that Chief Minister Shahbaz Sharif holding the portfolio of health was responsible for the deaths. He said Mr Sharif had failed to form a team in four years to deal with the
health issues in the province. Mr Agha said first the chief minister was exposed in dengue epidemic and now the deaths owing to free suspected drugs reaction was another “feather” in his (Sharif) cap.
Earlier, the Drug Testing Laboratory (DTL) of the Punjab government on Monday sealed a factory of a local pharmaceutical company — Mega Pharma — after analysis of a medicine – Cardiovestin — and declared it spurious.
Meanwhile, the Federal Investigating Agency (FIA) launched on Monday a probe and directed the Punjab Institute of Cardiology administration to provide the agency with some information about the incident of drugs reaction to cardiac patients.
The PIC authorities were directed to provide the FIA with pathological analysis of the suspected drugs, reports on clinical investigation relating to the patients and number of casualties took place so far owing to the use of the medicines.
A source said Cardiovestin declared spurious by DTL was among those four medicines which had been kept under observation, including Alfagril, Concort and Soloprin, on the complaints of patients and consultants of various hospitals.
These medicines were supplied to the PIC last month for distribution among the registered poor patients suffering from multiple cardiac diseases.
According to a source, the DTL analysed 20mg Cardiovestin and allegedly detected a certain quantity of substandard substance.
However, some experts were of the view that the DTL had no authority to declare any medicine substandard.
“The DTL can only examine bio availability of the salt, efficacy of the salt and expiry of the salt of any medicine,” an expert told this reporter requesting anonymity. He said the DTL had no mandate to intervene in the process of the manufacturing of
medicines at any cost. Samples of the suspected drugs should be either pathologically analysed at the PCSIR laboratory or from abroad.
The PIC has been distributing a combination of the four medicines among its registered cardiac patients for the last three weeks or so.
Later, a good number of these patients were hospitalised owing to the reaction of the suspected drugs.

സൌജന്യ ഹൃദ്രോഗ മരുന്ന് കഴിച്ച 23 പേര്‍ മരിച്ചു

2012-01-22T09:47:00.000-08:00

സൌജന്യമായി വിതരണം ചെയ്ത ഹൃാഗ മരുന്നു കഴിച്ച് പാക്കിസ്താനില്‍ 23

പേര്‍ മരിച്ചു. 110 പേര്‍ വിവിധ ആശുപത്രികളില്‍ ചികിത്സയിലാണ്. ഇതില്‍

അമ്പതോളം പേരുടെ നില ഗുരുതരം. വിലകുറഞ്ഞ ഹൃദ്രോഗമരുന്ന്

സൌജന്യമായി വിതരണം ചെയ്തത് പഞ്ചാബ് ഇന്‍സ്റ്റിട്യൂട്ട് ഓഫ്

കാര്‍ഡിയോളജി എന്ന ആശുപത്രയാണ്. സര്‍ക്കാര്‍ ഉടമയിലുള്ള ഈ

സ്ഥാപനത്തില്‍ നിന്ന് വിതരണം ചെയ്ത നാലു മരുന്നുകളില്‍ ഏതോ ഒന്നില്‍

ഘനലോഹങ്ങള്‍ കലര്‍ന്നതാകാം അപകടത്തിനു കാരണമെന്നാണ്

ഇതുസംബന്ധിച്ച് അന്വേഷണം നടത്തുന്ന കമ്മിറ്റിയുടെ തലവന്‍ ഡോ. ജാവേദ്

അക്രം പറഞ്ഞത്. കാല്‍ ലക്ഷത്തോളം രോഗികള്‍ക്ക് ഇത്തരം മരുന്നു വിതരണം

ചെയ്തു കഴിഞ്ഞതായാണ് വിവരം. അതിനാല്‍ മരണസംഖ്യ ഇനിയും

കൂടാനാണ് സാധ്യത. മരുന്നു കഴിച്ചവരുടെ മജ്ജയില്‍ ഘനലോഹങ്ങള്‍

സാന്ദ്രീകരിച്ച് പ്രതിരോധ ശേഷി നഷ്ടപ്പെട്ടതാകാം അപകടകാരണമായതെന്ന്

കരുതുന്നു. മൌക്കിലൌടെയും ചെവിയിലൂടെയും രക്തം വരുന്ന

ലക്ഷണവുമായി നിരവധി ഹൃദ്രോഗികള്‍ ആശുപത്രികളില്‍

എത്തിയതോടെയാണ് ഇതുസംബന്ധിച്ച് അന്വേഷണം തുടങ്ങയത്.

ബ്ളോഗര്‍ നബീല്‍ ജയില്‍മോചിതനാകും. ഈജിപ്ത് വിപ്ളവ വാര്‍ഷികാഘോഷത്തിലേക്ക്

2012-01-22T08:00:00.000-08:00

നബീലിന്റെ മോചനത്തിനായി നടക്കുന്ന പ്രതിഷേധ പ്രകടനം

ഒരു വര്‍ഷമായി ഈജിപ്ത് ജയിലില്‍ കഴിയുന്ന ബ്ളോഗര്‍ മൈഖേല്‍ നബീല്‍

ഉടനെ മോചിതനാകും. ഈജിപ്തിലെ ജനകീയ വിപ്ളവത്തെ തുടര്‍ന്ന്

പ്രസിഡണ്ട് മുബാറക്കിനെ പുറത്താക്കിയ ശേഷം അധികാരം കയ്യടക്കി

വെച്ചിരിക്കുന്ന സൈനിക നേതൃത്വമാണ് നബീല്‍ അടക്കം നിരവധി പേരെ

തടവിലാക്കിയത്. നബീലിനെ സൈനികഭരണകൂടം മൂന്ന് കൊല്ലത്തെ ജയില്‍ ശിക്ഷ

വിധിച്ചിരുന്നു. സൈനിക ഭരണത്തെ തന്റെ ബ്ളോഗില്‍ വിമര്‍ശിച്ചതിനാണ്

നബീല്‍ ശിക്ഷിക്കപ്പെട്ടത്. ഇതിനെതിരെ ജയിലിനകത്ത് തുര്‍ച്ചയായി

നിരാഹാരസമരം നടത്തിയതിനെ തുടര്‍ന്നന് കഴിഞ്ഞ മാസം നബീലിന്റെ ശിക്ഷ

രണ്ടു വര്‍ഷമാക്കി ചുരുക്കിയിരുന്നു. ഇതിനെതിരെ വീണ്ടും നിരാഹാരസമരം

നടത്തുകയുണ്ടായി. അന്താരാഷ്ട്രതലത്തില്‍ തന്നെ നിൈകഭരണകൂടത്തിനു

വിമര്‍ശനമേല്‍ക്കേണ്ടി വന്നു. ഈജിപ്തിലെ വിപ്ളവത്തിന്റെ ഒന്നാം

വാര്‍ഷികം ആഘോഷിക്കുന്നസമയത്താണ് നബീലിനെ മോചിപ്പിക്കാന്‍

തീരുമാനിച്ചതായി സൈനിക മേധാവി അറിയിച്ചത്. നബീലിനൊപ്പം

ഒരുവര്‍ഷത്തിനിടെ ജയിലിലായ 1959 പേര്‍ക്ക് മാപ്പു നല്‍കാനും ജയില്‍

മോചിതരാക്കാനും തീരുമാനിച്ചതായാണ് സൈനിക മേധാവിമുഹമ്മദ്

ഹുസൈന്‍ തന്റാവി അറിയിച്ചിരിക്കുന്നത്. എന്നാല്‍ നബീലടക്കമുള്ള

വിപ്ളവകാരികളെ നിയമവിരുദ്ധമായി ജയിലിലടച്ച സൈനിക മേധാവികളാണ്

തെറ്റു ചെയ്തതെന്ന് വിപ്ളവകാരികള്‍ പറയുന്നു. എല്ലാ കുറ്റങ്ങള്‍ക്കും

സൈന്യം ജനകീയ സര്‍ക്കാരിനോട് മറുപടി പറയേണ്ടി വരുമെന്ന്

തെരഞ്ഞെടുപ്പില്‍ പകുതിയോളം സീറ്റു നേടിയ ഇസ്ലാമിക സംഘടനയുടെ

നേതൃത്വം മുന്നറിയിപ്പു നല്‍കിയതിനു ശേഷമാണ് ഇങ്ങിനെയൊരു നീക്കം

സൈനിക പക്ഷത്തു നിന്നുണ്ടായത്. വിപ്ളവവാര്‍ഷികത്തിഴന്റെ ഭാഗമായി

ജനുവരി 25 ന് വന്‍തോതില്‍ ആഘോഷ പരിപാടികള്‍ സംഘടിപ്പിക്കാന്‍

തീരുമാനിച്ചിട്ടുമുണ്ട്.

ദാല്‍തടാകം മഞ്ഞുകട്ടയായി ഉറഞ്ഞു

2012-01-21T22:07:00.000-08:00

A boatman uses his oar to break through ice on Dal Lake in Srinagar

ലോകത്തെ ഏറ്റവും ആകര്‍ഷമായ പ്രകൃതി സൌന്ദര്യങ്ങളില്‍ ഒന്ന് കശ്മീറാണ്.

അതില്‍ പ്രധാനം ദാല്‍തടാകവും. കഴിഞ്ഞ വര്‍ഷം ജമ്മു-കശ്മീര്‍ സന്ദര്‍ശിച്ച

സമയത്ത് ഞങ്ങള്‍ താമസിച്ചത് ശ്രീനഗറില്‍ ദാല്‍തടാകത്തിലെ ഒരു ഹൌസ്

ബോട്ടിലായിരുന്നു. അന്ന് കശ്മീരില്‍ ചൂടുകാലം. ഇന്ന് ജമ്മുവും കശ്മീരുമെല്ലാം

മഞ്ഞില്‍ പുതഞ്ഞു കിടക്കുന്നു. ദാല്‍തടാകത്തിലെ വെള്ളം മഞ്ഞുകട്ടയായി

ഉറഞ്ഞിരിക്കുന്നു. ആ കാഴ്ച കാണാന്‍ അനുഭവിക്കാന്‍ സത്യമായും

കൊതിതോന്നുന്നു. മഞ്ഞുറഞ്ഞ ദാല്‍തടാകത്തിന്റെ ചിത്രങ്ങളും കഴിഞ്ഞ

യാത്രയിലെ മഞ്ഞുറയാത്ത ദാല്‍തടാകവും. ദാല്‍തടാകത്തിന്റെ രണ്ടുമുഖങ്ങള്‍.

കാണുക. ഭൂമിയില്‍ ജീവിതം ഒന്നേയുള്ളൂ. ഇവിടം വിടും മുമ്പ് ഹിമാലയത്തെ

കാണുക. അറിയുക. ഹിമാലയത്തെ അറിയാതെ അനുഭവിക്കാതെ ഇന്ത്യയെ

അതിന്റെ സമഗ്രതയില്‍ അറിയാനാകില്ല. അനുഭവിക്കാനാവില്ല. മഞ്ഞില്‍

പുതഞ്ഞ മണാലിയും കുളുവുമെല്ലാം ഇപ്പോഴും ഓര്‍മയില്‍ സൂക്ഷിച്ചു കൊണ്ട്

ഈ ചിത്രങ്ങള്‍ എന്റെ പ്രിയ മിത്രങ്ങള്‍ക്ക്.

Without snow and kingfisher

Playing through snow covered Dallake

snow covered Dallake

Housing boats

boat and shop-_ Dal lake

Boats

Dal lake with snow

Walking through Dal lake

gulmargh with snow

Gulmargh with snow

--------------------------------------------------------------------------------

+

.

മാറാട്: സി.ബി.ഐ അന്വേഷണത്തിന് മുഖ്യമന്ത്രിയെ ഉപദേശിച്ചിരുന്നു -മുന്‍ ഡി.ജി.പി

2012-01-21T11:59:00.000-08:00

കോഴിക്കോട്: രണ്ടാം മാറാട് കലാപത്തിനു പിന്നിലെ ഗൂഢാലോചന പുറത്തുകൊണ്ടുവരാന്‍ സി.ബി.ഐയെക്കൊണ്ട് പ്രത്യേകം അന്വേഷിപ്പിക്കണമെന്ന് മുന്‍ മുഖ്യമന്ത്രി എ.കെ. ആന്‍റണിയെ ഉപദേശിച്ചിരുന്നതായി അന്നത്തെ ഡി.ജി.പി കെ.ജെ. ജോസഫ്. ആന്‍റണിക്ക് താല്‍പര്യമുണ്ടായിരുന്നെങ്കിലും യു.ഡി.എഫ് മന്ത്രിസഭയിലെ ചിലരുടെ കടുത്ത സമ്മര്‍ദംമൂലം സി.ബി.ഐ അന്വേഷണം അട്ടിമറിക്കപ്പെട്ടു. ‘മാധ്യമ’ത്തിനു നല്‍കിയ ടെലിഫോണ്‍ അഭിമുഖത്തില്‍, രണ്ടാം മാറാട് കലാപസമയത്ത് സംസ്ഥാന പൊലീസ് മേധാവിയായിരുന്ന ജോസഫ് പറഞ്ഞു.
2003 മേയില്‍ നടന്ന രണ്ടാംമാറാട് കലാപം സംബന്ധിച്ച് കോഴിക്കോട് സിറ്റി പൊലീസ് കമീഷണറില്‍നിന്ന് അപ്പപ്പോള്‍ വിവരം ലഭിച്ചിരുന്നു. അത്യാവശ്യ കാര്യങ്ങള്‍ ഞാന്‍ മുഖ്യമന്ത്രിയെ അറിയിച്ചു. മൊത്തം കേസ് സി.ബി.ഐ അന്വേഷിക്കണമെന്ന അഭിപ്രായം പലരില്‍നിന്നുമുണ്ടായി. കൊലപാതകം, അക്രമം സംബന്ധിച്ച കേസുകള്‍ കേരള പൊലീസ് തന്നെ അന്വേഷിച്ചാല്‍ മതിയെന്ന് ഞാന്‍ ശഠിച്ചു. ഈ കേസില്‍ പ്രതികളെ അറസ്റ്റുചെയ്ത് മാറാട് സമാധാനാന്തരീക്ഷം കൊണ്ടുവരാന്‍ കേരള പൊലീസ് മതിയാവുമെന്നും മുഖ്യമന്ത്രിയോടു പറഞ്ഞു. എന്നാല്‍, രണ്ടാം മാറാടിനുപിന്നിലെ ഗൂഢാലോചന സി.ബി.ഐക്ക് വിടുന്നതാണ് ഉചിതമെന്നും മുഖ്യമന്ത്രിയെ ധരിപ്പിച്ചു.
രണ്ടാം മാറാട് കലാപം ആസൂത്രിതമാണെന്ന് പൊലീസ് ഇന്‍റലിജന്‍സ് അറിയിച്ചിരുന്നു. വിദേശബന്ധത്തെക്കുറിച്ചും സംശയങ്ങള്‍ ഉയര്‍ത്തി. ആ നിലക്കാണ് അക്രമവും ഗൂഢാലോചനയും രണ്ടായി അന്വേഷിക്കണമെന്നും ഗൂഢാലോചന കേന്ദ്ര ഏജന്‍സിക്ക് വിടണമെന്നും മുഖ്യമന്ത്രിയെ ഉപദേശിച്ചത്. അദ്ദേഹത്തിന് താല്‍പര്യമുണ്ടായിരുന്നു. പക്ഷേ, കനത്ത സമ്മര്‍ദംമൂലം തീരുമാനമെടുക്കാനായില്ല. അദ്ദേഹം പലരോടും നിസ്സഹായത പ്രകടിപ്പിച്ചത് ഞാനോര്‍ക്കുന്നു. മാറാട് അക്രമകേസില്‍ അറസ്റ്റും ആയുധം പിടികൂടലും മറ്റും ദ്രുതഗതിയില്‍ നടന്നു, 2003 മേയ് 31ന് ഞാന്‍ റിട്ടയറുമായി.
പിന്നീടുവന്ന ഇടതുസര്‍ക്കാര്‍ സി.ബി.ഐ അന്വേഷണത്തിന് ശ്രമിച്ച വിവരം പത്രത്തില്‍ വായിച്ചു. അന്നും ആരൊക്കെയോ എതിര്‍ത്തല്ളോ. എതിര്‍പ്പിന് കാരണം കണ്ടെത്താന്‍, മനസ്സുവച്ചാല്‍ കേരള പൊലീസിനു കഴിയും. ഇടപെടല്‍ അനുവദിക്കാന്‍ പാടില്ല. ഞാനത് അനുവദിച്ചിരുന്നില്ല. ഇനി ആയാലും സി.ബി.ഐ അന്വേഷിക്കട്ടെ, ഗൂഢാലോചന പുറത്തുവരേണ്ടേ -ജോസഫ് വ്യക്തമാക്കി. കണ്ണൂര്‍, പരിയാരം മെഡിക്കല്‍ കോളജിനടുത്ത ‘വിശ്രാന്തി’യില്‍ വിശ്രമജീവിതം നയിക്കുകയാണ് ദൃഢനിശ്ചയത്തിന് ഉടമയായി അറിയപ്പെടുന്ന ഈ മുന്‍ ഡി.ജി.പി.

MADHYAMAM DAILY 22.01.12

മുഖ്യമന്ത്രി ഉമ്മന്‍ചാണ്ടിയുടെയും ഡി.ജി.പിയുടെയും വാദങ്ങള്‍ പൊളിയുന്നു.

2012-01-21T11:39:00.000-08:00

മുഖ്യമന്ത്രി ഉമ്മന്‍ചാണ്ടിയുടെയും

ഡി.ജി.പിയുടെയും വാദങ്ങള്‍ പൊളിയുന്നു.

ഒരാളുടെ ഇ.മെയിലും തുറന്നിട്ടില്ലെന്നും മാധ്യമം

വര്‍ഗീയത കളിക്കുകയാണെന്നും

പറഞ്ഞവര്‍ ഇതിനു മറുപടി പറയേണ്ടതുണ്ട്.

കോഴിക്കോട്: കേരള പൊലീസ് ഹൈ ടെക് സെല്‍

ആവശ്യപ്പെട്ടതനുസരിച്ച് ഗൂഗ്ളും യാഹൂവുമടക്കം 23 ഇ-

മെയില്‍ സേവനദാതാക്കള്‍ വിവാദ പട്ടികയില്‍പെട്ട 268

പേരുടെ വിനിമയ വിവരങ്ങള്‍ സര്‍ക്കാറിന് കൈമാറി.

ഇവരുടെ ഇ-മെയില്‍ വിനിമയത്തിന്‍െറ

വിശദവിവരങ്ങളടങ്ങിയ ഏഴു ജിഗാ ബൈറ്റുള്ള സീഡികള്‍

ജനുവരി ആദ്യയാഴ്ച പൊലീസ് സ്പെഷല്‍ ബ്രാഞ്ചിന്‍െറ

കൈവശമെത്തി.

ഇ-മെയില്‍ ചോര്‍ത്താന്‍ നിര്‍ദേശിച്ചിരുന്നില്ളെന്ന സര്‍ക്കാര്‍

വാദം ഇതോടെ പൊളിയുകയാണ്. വാര്‍ത്ത

പുറത്തുകൊണ്ടുവന്ന ‘മാധ്യമം’ ആഴ്ചപ്പതിപ്പിന്‍െറ പുതിയ

ലക്കത്തിലാണ് സര്‍ക്കാറിന്‍െറ കള്ളക്കളി വ്യക്തമാക്കുന്നത്.

ആഴ്ചപ്പതിപ്പിനുവേണ്ടി വിജു വി. നായര്‍ നടത്തിയ

അന്വേഷണത്തിന്‍െറ രണ്ടാം ഭാഗമാണിത് .

പട്ടികയിലുള്ളവരുടെ പാസ്വേഡ് അടക്കം തീര്‍ത്തും

സ്വകാര്യമായ വിവരങ്ങള്‍ 23 ഇ-മെയില്‍ സേവന

ദാതാക്കളോട് ഹൈടെക് സെല്‍ കമാന്‍ഡന്‍റ് കഴിഞ്ഞ

നവംബറില്‍തന്നെ ആവശ്യപ്പെട്ടിരുന്നു. ഗൂഗ്ളും യാഹൂവും

ഒഴികെ ചെറുകിട കമ്പനികള്‍ മൂന്നാഴ്ചക്കകം മറുപടി നല്‍കി.

പ്രമുഖ കമ്പനികള്‍ ഡിസംബര്‍ ഏഴു മുതല്‍ക്കാണ് വിവരം

കൈമാറി തുടങ്ങിയത്. കേന്ദ്ര ഇന്‍റലിജന്‍സിന്‍െറ നിര്‍ദേശം

വേണമെന്നു പറഞ്ഞ് പ്രമുഖ കമ്പനികള്‍ വിവരം കൈമാറാന്‍

തുടക്കത്തില്‍ വിസമ്മതിച്ചു. ഭീകരപ്രവര്‍ത്തന

സംഘടനകളുമായി ബന്ധമുള്ളവരുടെ പട്ടികയാണ് തങ്ങള്‍

തരുന്നതെന്ന ഒൗദ്യോഗിക സന്ദേശത്തെ തുടര്‍ന്നാണ് ഗൂഗ്ള്‍

പോലുള്ള കമ്പനികള്‍ ഹൈടെക് സെല്ലിന് വിവരം കൈമാറാന്‍

തയാറായത്. കഴിഞ്ഞ രണ്ടു മാസത്തിനിടെ ഹൈടെക് സെല്‍

വിവിധ സേവന ദാതാക്കള്‍ക്ക് അയച്ച ഇ-മെയില്‍

സന്ദേശങ്ങളില്‍നിന്ന് ഇത് വ്യക്തമാണ്.

പട്ടികയില്‍ പെട്ടവരുടെ വിനിമയങ്ങളുടെ പകര്‍പ്പുകള്‍

ചേര്‍ത്തുള്ള വിപുലശേഖരമാണ് കൈമാറിയതെന്ന് കമ്പനി

വക്താക്കള്‍ പറയുന്നു. വിപുല വിവരങ്ങള്‍ അടങ്ങിയ ഏഴു

ജിഗാ ബൈറ്റുള്ള സീഡികള്‍ ഹൈടെക് സെല്‍ ഡിവൈ.എസ്.പി

വിനയകുമാരന്‍ നായരുടെ നേതൃത്വത്തിലെ അഞ്ചംഗ സംഘം

ഇപ്പോള്‍ പരിശോധിച്ചുവരുകയാണ്.

കേവലം ഇ-മെയില്‍ വിലാസം ഒത്തുനോക്കല്‍ മാത്രമാണ്

നടത്തിയതെന്ന സര്‍ക്കാര്‍ നിലപാട് തെറ്റാണെന്ന് ഇതില്‍നിന്ന്

തെളിയുന്നു. ഇ-മെയില്‍ വിലാസം മാത്രമാണെങ്കില്‍ അത് ഏഴു

ജിഗാ ബൈറ്റ് ഉണ്ടാകില്ല.

അഡീഷനല്‍ ഡി.ജി.പി ഹേമചന്ദ്രനുവേണ്ടി സ്പെഷല്‍ ബ്രാഞ്ച്

ആസ്ഥാനത്തെ സൂപ്രണ്ട് കെ.കെ ജയമോഹന്‍ കഴിഞ്ഞ

നവംബര്‍ മൂന്നിനാണ് 268 പേരുടെ ഇ-മെയില്‍ വിശദാംശങ്ങള്‍

ആവശ്യപ്പെട്ട് ഹൈടെക് സെല്ലിന് കത്തയച്ചത് (P3.2444/2011/SB).

നിരോധിത സംഘടനയായ സിമിയുടെ പ്രവര്‍ത്തനങ്ങളുമായി

ബന്ധമുള്ളവരുടെ പട്ടികയാണ് തങ്ങള്‍ തരുന്നതെന്നും

അവരുടെ ഇ-മെയില്‍ രജിസ്ട്രേഷനും ലോഗ് ഇന്‍

വിശദാംശങ്ങളും ബന്ധപ്പെട്ട സേവന ദാതാക്കളില്‍നിന്ന്

ശേഖരിച്ച് സ്പെഷല്‍ ബ്രാഞ്ചിന് കൈമാറണമെന്നുമായിരുന്നു

കത്തിലെ നിര്‍ദേശം.‘മാധ്യമം’ ആഴ്ചപ്പതിപ്പ് വാര്‍ത്ത

വിവാദമായതോടെ ‘സിമി’

ബന്ധം കാണിച്ച് കത്ത് നല്‍കിയത് പൊലീസ് ഉദ്യോഗസ്ഥന്

പറ്റിയ ചെറിയൊരു പിഴവ് മാത്രമാണെന്നും ഇത്

സര്‍ക്കാറിന്‍െറ സാധാരണ നടപടി മാത്രമാണെന്നും

മുഖ്യമന്ത്രി വിശദീകരിച്ചു. ഇ-മെയില്‍ വിലാസം മാത്രമാണ്

ശേഖരിക്കുന്നതെന്നും പാസ്വേഡ് ആവശ്യപ്പെട്ടിട്ടില്ളെന്നും

അദ്ദേഹം വ്യക്തമാക്കി. എന്നാല്‍, കമ്പനികളില്‍നിന്ന് സമ്മര്‍ദം

ചെലുത്തി വിശദവിവരങ്ങള്‍ ശേഖരിച്ചതോടെ

മുഖ്യമന്ത്രിയുടെ പ്രസ്താവന വാസ്തവമല്ളെന്ന്

വ്യക്തമാകുകയാണ്. പട്ടികയില്‍പെട്ട പലരുടെയും

വീടുകളിലടക്കം പൊലീസെത്തി വിവരങ്ങള്‍

ശേഖരിച്ചതായും തെളിഞ്ഞു.

സംഭവത്തില്‍ അസ്വാഭാവികതയില്ളെന്ന് വ്യക്തമാക്കി

കഴിഞ്ഞ ചൊവ്വാഴ്ച ഡി.ജി.പി ജേക്കബ് പുന്നൂസിന്‍േറതായി

മാധ്യമങ്ങള്‍ക്ക് അയച്ച ഇ-മെയില്‍ സന്ദേശവും

വിവാദമാകുകയാണ്. മുഖ്യമന്ത്രിയുടെ പ്രസ് സെക്രട്ടറിയുടെ

ഇ-മെയില്‍ വിലാസത്തില്‍നിന്നാണ് മാധ്യമ

ഓഫിസുകളിലേക്ക്

ഡി.ജി.പിയുടെ പേരില്‍ സന്ദേശം പോയത്.

ഇതിലൂടെ അതീവ ലാഘവത്തോടെയാണ് സംസ്ഥാന സര്‍ക്കാര്‍

ഇ-മെയില്‍ ചോര്‍ത്തല്‍ സമീപിക്കുന്നതെന്നും

തെളിയുകയാണ്.

കൂടുതല്‍ വിവരങ്ങള്‍ മാധ്യമം ആഴ്ചപ്പതിപ്പിന്‍െറ

തിങ്കളാഴ്ച പുറത്തിറങ്ങുന്ന ലക്കത്തി

madhyamam daily 22.01.12
.

നിറങ്ങള്‍ തന്‍ നൃത്തം

2012-01-20T23:40:00.000-08:00

അമീന്‍ ഷഹന

അമീന്‍ ഷഹനയുടെ ചിത്രങ്ങള്‍.
കണ്ണൂര്‍ ജില്ലയിലെ മണത്തണ ജി.എച്ച്.എസ്.എസില്‍
ആറാം ക്ലാസ് വിദ്യാര്‍ഥിനിയാണ്.
അധ്യാപകരായ കെ.ടി അബ്ദുല്ലയുടെയും
ഷക്കീല ബീവിയുടെയും മകള്‍.

കുഞ്ഞായിരിക്കുമ്പോഴേ
അമീന്‍ ഷഹന വരയ്ക്കാന്‍ തുടങ്ങിയതായി
മാതാപിതാക്കള്‍ ഓര്‍ക്കുന്നു.
മൂന്നു വയസ്സുള്ളപ്പോഴേ വരഞ്ഞു തുടങ്ങിയിരുന്നു.
വായനയും എഴുത്തും ഇഷ്ടമെങ്കിലും
ഈ കുട്ടിയുടെ ലോകം
നിറങ്ങളുടേതാണ്.
സദാ സമയവും ചിത്രം വരയ്ക്കാനാണ്
ആഗ്രഹമെന്ന് ഈ കൊച്ചുമിടുക്കി തന്നെ
സാക്ഷ്യപ്പെടുത്തുന്നു.

നിറങ്ങളുടെ നൃത്തമാണ്
ഷഹനയുടെ ചിത്രങ്ങള്‍.
നൈസര്‍ഗികതയാണ് അതിന്റെ മുഖമുദ്ര.
ഭാവനയുടെ ആളും ആകാശങ്ങളും
സവിശേഷമായ നിറച്ചാര്‍ത്തുകളാല്‍
ഈ ചിത്രങ്ങള്‍ക്ക്തോരണം ചാര്‍ത്തുന്നു

http://www.nalamidam.com/archives/8968

Paintings by ameen shehna

Tawakul Karman

2012-01-20T21:43:00.000-08:00

Anti-regime protesters gesture during a rally to greet Nobel Peace Prize laureate Tawakul Karman, upon her arrival in Sana’a. (Reuters)

തൊഴില്‍ രഹിതരായ മൂന്ന് യുവാക്കള്‍ ആത്മാഹുതിക്ക് ശ്രമിച്ചു

2012-01-20T11:29:00.000-08:00

തൊഴില്‍രഹിതരായ മൂന്ന് യുവാക്കള്‍ സ്വയംതീകൊളത്തി മരിക്കാന്‍ ശ്രമിച്ച്

ഗുരുതരാവസ്ഥയില്‍ ആശുപത്രിയിലായി. മൊറോക്കോയുടെ തലസ്ഥാനമായ

റബാതിലാണ് പ്രതിഷേധപ്രകടനത്തിനിടെ ഈ യുവാക്കള്‍

ആത്മാഹുതിക്കൊരുങ്ങിയത്. തൊഴില്‍രഹിതരും ബിരുദധാരികളുമായ

യുവാക്കളുടെ തൊഴിലിനുവേണ്ടിയുള്ള സമരത്തില്‍ പങ്കെടുത്തവരാണ്

മൂവരും. കഴിഞ്ഞ ഒരുവര്‍ഷം മുമ്പ് ആരംഭിച്ച അറബ്വസന്ത

മുന്നേറ്റങ്ങള്‍ക്കിടയില്‍ ഇത്തരം നിരവധി ആത്മഹത്യാ ശ്രമങ്ങള്‍ നടന്നിട്ടുണ്ട്.

ടുണീഷ്യയില്‍ തൊഴില്‍രഹിതനായ യുവാവ് ആത്മഹത്യ

ചെയ്തതതോടെയാണ് അവിടെ വിപ്ളവ മുന്നേറ്റങ്ങള്‍ തുടങ്ങിയത്. ജനങ്ങള്‍

തെരുവിലിറങ്ങി പ്രക്ഷോഭ സമരങ്ങള്‍ തുടര്‍ന്നതോടെ അവിടുത്തെ

ഭരണാധികാരിക്ക് സ്ഥലം വിടേണ്ടി വന്നു. അതിന്റെ തുടര്‍ച്ചയായാണ്

ഈജിപ്തിലും ലിബിയയിലും മൊറോക്കോയിലുമെല്ലാം അറബ് വസന്ത

മുന്നേറ്റങ്ങള്‍ ആരംഭിച്ചത്.

ഗുരുതരമായി പരിക്കേറ്റ ഇവരെ ആദ്യം റബാത് ആശുപത്രിയിലെത്തിച്ചു.

പിന്നീട് കസാബ്ളാങ്കയിലെ ആശുപത്രിയിലേക്ക് മാറ്റിയിരിക്കയാണ്. 20 നും 30

നും ഇടയില്‍ പ്രായമുള്ളവരാണിവര്‍. ശരീരത്തില്‍ സ്വയം ഇന്ധനമൊഴിച്ച

ശേഷം തീകൊളുത്തുകയായിരുന്നു. വിദ്യാഭ്യാസ മന്ത്രാലയത്തിനു മുമ്പിലാണ്

സംഭവമുണ്ടായത്.

തൊഴില്‍ രഹിതരായ ചെറുപ്പക്കാര്‍ ഇവിടെ കുത്തിയിരിപ്പു സമരം നടത്താന്‍

തുടങ്ങിയിട്ട് കുറെയായി. പൊലീസ് ഇവര്‍ക്കുള്ള ഭക്ഷണം തടയുകയും മറ്റും

ചെയ്തതിലുള്ള പ്രതിഷേധമാണ് ആത്മാഹുതി ശ്രമത്തിനു പിന്നിലെന്ന്

സമരക്കാര്‍ പറയുന്നു. സംഭവം മൊബൈലില്‍ പകര്‍ത്തിയ ചിലര്‍ അത്

സോഷ്യല്‍ സൈറ്റുകളില്‍ പോസ്റ്റ് ചെയ്തതോടെ സംഭവം പെട്ടെന്ന് നാട്ടിലാകെ

പരന്നിരിക്കയാണ്.

ആലിയക്കു പിറകെ സ്വന്തം നഗ്നത പ്രദര്‍ശനവുമായി ഇറാന്‍യുവതി

2012-01-19T22:51:00.000-08:00

ഫേസ്ബുക്കില്‍ വീണ്ടും സ്വന്തം നഗ്നത പ്രകടനം. ഇറാന്‍ നടിയും വിവാദത്തില്‍.

പ്രമുഖ ഇറാന്‍ ചലച്ചിത്ര നടിയും അവാര്‍ഡ് ജേതാവുമായ ഗോല്‍ഷിഫ്തെ

ഫറഹാനി ( Golshifteh Farahani) യാണ് സ്വന്തം നഗ്നനെഞ്ച് ഫേസ്ബുക്കില്‍ പോസ്റ്റ്

ചെയ്ത് വിവാദക്കുരുക്കിലായത്. ചിത്രം ഒരു ഫ്രഞ്ച് മാഗസിന്‍ 'Madame Le

Figaro' പ്രസിദ്ധീകരിക്കുകയും ചെയ്തതോടെ ഇറാനില്‍ അവര്‍ക്കിനി

പ്രവേശനം അസാധ്യമാകുമെന്നാണ് സൂചന. പ്രത്യേകിച്ചും

അമേരിക്കയടക്കമുള്ള പാശ്ചാത്യ ലോകവുമായി ഇറാന്‍ യുദ്ധസമാനമായ

അവസ്ഥയിലെത്തി നില്‍ക്കുമ്പോള്‍. ഇവര്‍ ഇറാനിലെത്തിയാല്‍ ജയിലില്‍

കഴിയേണ്ടി വരുമെന്നാണ് പേടി. ഒരു വര്‍ഷം മുമ്പ് പാരീസിലേക്ക് താമസം

മാറ്റിയ ഇറാന്‍ നടി തന്റെ 14 ാം വയസിലാണ് ആദ്യചിത്രമായ 'പിയര്‍ ട്രീ'

യില്‍ അഭിനയിച്ചത്. ഇറാനിലെ വിപ്ലവത്തിനു ശേഷം മൂന്നു വര്‍ഷം

കഴിഞ്ഞാണ് ഫറഹാനി ജനിച്ചത്. ' Body of Lies' എന്ന നാടകത്തില്‍ ലിയനോര്‍ഡ്

ഡികാപ്റിയോ എന്ന നടനോടൊപ്പം ഇവര്‍ അഭിനയിച്ചിട്ടുണ്ട്. സ്വന്തം നാട്ടില്‍

സ്ത്രീയെന്ന നിലയില്‍ അനുഭവിക്കുന്ന അസ്വാതന്ത്യ്രത്തില്‍ പ്രതിഷേധിച്ചാണ്

താന്‍ സ്വന്തം നഗ്നത പ്രദര്‍ശിപ്പിച്ചതെന്ന് ഫ്രഞ്ച് മാഗസിനായ 'Madame Le Figaro' ല്‍

അവര്‍ പറയുന്നു.

ഈജിപ്തിലെ ജേണലിസം വിദ്യാര്‍ഥിനി അലിയമജ്ദ അല്‍മെഹദി സ്വന്തം

നഗ്ന ചിത്രം ഫേസ്ബുക്കിലും ട്വിറ്ററിലും പ്രസിദ്ധീകരിച്ച് ഈജിപ്തിലെ

മതവാദികളുടെ മുഴുവന്‍ പ്രതിഷേധം എറ്റുവാങ്ങി മാസങ്ങള്‍ക്കകമാണ്

പുതിയ സംഭവം. സ്ത്രീകളോടുള്ള ലിംഗ വിവേചനത്തില്‍

പ്രതിഷേധിച്ചായിരുന്നു അലിയയുടെ നഗ്നത പ്രദര്‍ശനം.

ഇറാനിലെ പ്രമുഖ ചലചിത്രകാരനായ അസ്ഗര്‍ ഫര്‍ഹാദിയുടെ 'എ

സെപറേഷന്‍' (A separation) എന്ന ചിത്രം കഴിഞ്ഞ ദിവസമാണ് പ്രശസ്തമായ

ഗോള്‍ഡന്‍ ഗോള്‍ഡ് അവാര്‍ഡ് നേടിയത്. ഇറാനില്‍ നിരോധിക്കപ്പെട്ട

ചിത്രമാണിത്. ഇതും നിലവിലുള്ള ഇറാന്‍ -അമേരിക്ക സംഘര്‍ഷത്തിനിടയില്‍

ഇറാനിലെ ഇസ്ലാമിക ഭരണകൂടത്തെ തോല്‍പിക്കാന്‍ ഉദ്ദേശിച്ച്

നല്‍കിയതാണെന്ന് ഇറാനില്‍ ആരോപണം ഉയര്‍ന്നു കഴിഞ്ഞിട്ടുണ്ട്. ഫര്‍ഹാദി

ലാസ്ഏഞ്ജല്‍സില്‍ വെച്ച് മഡോണയില്‍ നിന്നാണ് അവാര്‍ഡ്

ഏറ്റുവാങ്ങിയത്. എന്നാല്‍ അവര്‍ക്ക് ഷെയ്ക്ക്ഹാന്‍ഡ് നല്‍കാന്‍ പോലും

ഫര്‍ഹാദി തയാറായില്ല. ഇറാനിലെ സ്വന്തം ജനതയെ കുറിച്ച് മറുപടി

പ്രസംഗത്തില്‍ 'they are truely peace loving people' എന്നാണ് അദ്ദേഹം

വിശേഷിപ്പിച്ചത്. എന്നാല്‍ പാശ്ചാത്യ മാധ്യമങ്ങളില്‍ ചിലത് ഇതിനെയും

വിമര്‍ശിക്കുകയുണ്ടായി. ലോകപ്രശസ്ത ഇറാനിയന്‍ സംവിധായകന്‍

അബ്ബാസ് കിരോസ്തമി 1977 ല്‍ കാന്‍ അവാര്‍ഡ് സ്വീകരിക്കുമ്പോള്‍ കാതറീന്‍

ദെന്യവെയ്ക്ക് kiss നല്‍കിയ കാര്യം ഉദ്ധരിച്ചായിരുന്നു വിമര്‍ശം.

ഏതായാലും ഇസ്ലാമിക ലോകത്ത് ലീംഗവിവേചനത്തിനെതിരെ യുവ

വനിതകളുടെ പ്രതിഷേധം ശക്തമാവുകയാണ് എന്ന് ഇത്തരം സംഭവങ്ങള്‍

വ്യക്തമാക്കുന്നു. എന്നാല്‍ പ്രതിഷേധിക്കാനുള്ള ഏക വഴി സ്വന്തം നഗ്നത

സോഷ്യല്‍ നേറ്റ്വര്‍ക്കുകളില്‍ പ്രസിദ്ധീകരിക്കുകയാണെന്നു വന്നാല്‍ അതിന്റെ

ആത്മാര്‍ഥത സ്ത്രീകള്‍ തന്നെയാകും ചോദ്യം ചെയ്യുക എന്ന കാര്യം

അവശേഷിക്കുന്നു.

ഉമ്മന്‍ചാണ്ടിയുടെ കെട്ടുകഥ പൊളിയുന്നു

2012-01-18T19:54:00.000-08:00

മുഖ്യമന്ത്രി ഉമ്മന്‍ചാണ്ടിയും പൊലീസ് ഡി.ജി.പിയും ഇ-മെയില്‍

വിവാദത്തില്‍ നിന്ന് തല്‍ക്കാലം തലയൂരാന്‍ കെട്ടിയുണ്ടക്കിയ കഥ

അവര്‍ക്കുതന്നെ തിരിച്ചടിക്കുന്നു. ചില ഇ-മെയില്‍ ഐ.ഡികള്‍

ആരുടെതാണെന്നറിയുക മാത്രമായിരുന്നു ഉദ്ദേശ്യമെന്ന ഇവരുടെ വാദം

പൊളിയുന്നു. ഈ ലിസ്റ്റില്‍ പെട്ടവരുടെ വീടുകളിലെത്തി വീട്ടുകാരെ

ചോദ്യം ചെയ്ത സംഭവം ഇത് തെളിക്കുന്നു

വിവാദ ലിസ്റ്റിലെ ഒരാളായ കൊടുങ്ങല്ലൂര്‍ അഴീക്കോട് നടുവിലകത്ത്

എന്‍.എം അബ്ദുസമദിന്റെ വീട്ടില്‍ എത്തി ഇന്റലിജന്‍സുകാര്‍ പ്രായമായ

മാതാപിതാക്കളെ ചോദ്യം ചെയ്ത വിവരം ഇതാ പുറത്തു വന്നിരിക്കുന്നു.

=========================================================================

MADHYAMAM DAILY 19.01.12

ഇ-മെയില്‍ പട്ടികയിലുള്ളയാളുടെ വീട്ടില്‍

ഇന്‍റലിജന്‍സിന്‍െറ ചോദ്യം ചെയ്യല്‍

Published on Wed, 01/18/2012 - 23:59 ( 8 hours 49 min ago)

ദോഹ: ഇ-മെയില്‍ ചോര്‍ത്തപ്പെട്ടവരുടെ

പട്ടികയിലുള്ളയാളുടെ വീട്ടിലെത്തി ഇന്‍റലിന്‍സ്

ഉദ്യോഗസ്ഥന്‍ കുടുംബാംഗങ്ങളെ ചോദ്യം ചെയ്തു. ഇ-മെയില്‍

ചോര്‍ത്തപ്പെട്ട 268 പേരുടെ പട്ടികയില്‍ അവസാനത്തെയാളും

ഖത്തറിലെ ഇന്‍ഫോബാന്‍ കമ്പനിയില്‍ മാനേജരുമായ

കൊടുങ്ങല്ലൂര്‍ അഴീക്കോട് നടുവിലകത്ത് എന്‍.എം

അബ്ദുസലാമിന്‍െറ വീട്ടിലെത്തിയാണ് കഴിഞ്ഞമാസം

ഇന്‍റലിജന്‍സ് ഉദ്യോഗസ്ഥന്‍ വൃദ്ധരായ മാതാപിതാക്കളില്‍

നിന്ന് മൊഴിയെടുത്തത്. ഇ.മെയില്‍ വിലാസങ്ങള്‍ ആരുടെ

പേരിലുള്ളതാണെന്ന് അന്വേഷിക്കാന്‍ മാത്രമാണ്

പോലിസിനോട് ഉത്തരവിട്ടതെന്നും ഇത് ഒരു സാധാരണ

പ്രക്രിയ മാത്രമാണെന്നും മുഖ്യമന്ത്രി ഉമ്മന്‍ചാണ്ടി

ആവര്‍ത്തിക്കുമ്പോഴാണ് ലിസ്റ്റിലുള്ളവരെ

നോട്ടപ്പുള്ളികളാക്കി വേട്ടയാടാനും തുടങ്ങിയിരുന്നു

എന്നതിന്‍െറ തെളിവുകള്‍ പുറത്തുവരുന്നത്.

ഹിന്ദുസ്ഥാന്‍ കമ്പ്യൂട്ടേഴ്സ് ലിമിറ്റഡിന്‍െറ മദ്രാസ്,

തിരുവനന്തപുരം ഓഫീസുകളില്‍ ജോലി ചെയ്തിട്ടുള്ള

അബ്ദുസലാം 15 വര്‍ഷമായി ഖത്തറിലാണ്. നാട്ടില്‍ അവധിക്ക്

പോയ അബ്ദുസ്സലാം കഴിഞ്ഞ ഡിസംബര്‍ ആറിനാണ്

ഖത്തറിലേക്ക് മടങ്ങിയത്. ഇതിന്‍െറ പിറ്റേന്നാണ്

ഇന്‍റലിജന്‍സില്‍ നിന്നാണെന്ന് പരിചയപ്പെടുത്തി പ്രദേശത്തു

തന്നെയുള്ള മുഹമ്മദ് എന്ന പോലിസുകാരന്‍

അബ്ദുസലാമിന്‍െറ അഴീക്കോട്ടെ തറവാട്ടുവീട്ടിലെത്തി ഒറ്റക്ക്

കഴിയുന്ന മാതാപിതാക്കളില്‍ നിന്ന് മൊഴിയെടുത്തത്.

അബ്ദുസലാമിനെ സംബന്ധിച്ച പൊതുവായതും

അല്ലാത്തതുമായ കാര്യങ്ങളാണ് ഉദ്യോഗസ്ഥന്‍

ചോദിച്ചറിഞ്ഞത്. ഗള്‍ഫില്‍ നിന്ന് അബ്ദുസലാം സ്ഥിരമായി

നാട്ടിലെത്തുന്നതിന്‍െറ കാരണങ്ങള്‍, വിദ്യാഭ്യാസവും പഠന

പശ്ചാത്തലവും, മക്കള്‍ ആരൊക്കെ, എവിടെയൊക്കെ,

എന്തിനൊക്കെ പഠിക്കുന്നു? ഖത്തറിലെ ജോലിയുമായി

ബന്ധപ്പെട്ട വിവരങ്ങള്‍ എന്നിവയെല്ലാം വളരെ സൂക്ഷ്മമായി

തന്നെ വന്നയാള്‍ അന്വേഷിച്ചു. രോഗിയായ മാതാപിതാക്കളെ

രണ്ട് മാസത്തിലൊരിക്കല്‍ സന്ദര്‍ശിക്കുന്നത് മൂന്ന് വര്‍ഷമായി

അബ്ദുസലാമിന്‍െറ പതിവാണ്. ഈ വരവിനെയാണ്

ഇന്‍റലജന്‍സ് സംശയത്തോടെ വീക്ഷിച്ചത്. മാതാപിതാക്കള്‍

നല്‍കിയ വിവരങ്ങളുടെ സത്യാവസ്ഥ ഉറപ്പാക്കുന്നതിനായി

നാട്ടിലെ മഹല്ല് പള്ളി ഭാരവാഹികള്‍, സുഹൃത്തുക്കള്‍,

സാമൂഹിക പ്രവര്‍ത്തകര്‍ എന്നിവരോടും സ്പെഷല്‍ ബ്രാഞ്ച്

ഉദ്യോഗസ്ഥന്‍ വിവരങ്ങള്‍ ആരാഞ്ഞിരുന്നതായി

ദോഹയിലുള്ള അബ്ദുസലാം ‘ഗള്‍ഫ്മാധ്യമ’ത്തോട് പറഞ്ഞു.

പിന്നീട് ഗൂഗിള്‍ മെയിലില്‍ പ്രവേശിച്ച അബ്ദുസലാമിന്

മറ്റൊരു ഐ.പി അഡ്രസില്‍ നിന്ന് (117.203.117.95) തന്‍െറ

മെയില്‍ ഡിസംബര്‍ 27ന് ഹാക്ക് ചെയ്യപ്പെട്ട വിവരമാണ്

ഗൂഗിളില്‍ നിന്ന് ലഭിച്ചത്. ഐ.പി അഡ്രസിന്‍െറ ലൊക്കേഷന്‍

തേടിയപ്പോള്‍ ഗൂഗിളില്‍ നിന്ന് ലഭിച്ച സൂചന

കോയമ്പത്തൂരിലേക്കായിരുന്നു. തുടര്‍ന്ന് പാസ്വേഡ് മാറ്റി.

തന്‍െറ ഒൗദ്യോഗിക ഇ-മെയിലും യാഹൂ മെയിലും

ഇതിനിടെ തുറന്ന് പരിശോധിക്കപ്പെട്ടതായാണ് ഇദ്ദേഹം

പറയുന്നത്.

കുടുംബത്തിലും സമൂഹത്തിലും പ്രവര്‍ത്തന സുതാര്യത

നിലനിര്‍ത്തിയ തനിക്ക് സര്‍ക്കാറിന്‍െറ രഹസ്യനീക്കം

വ്യക്തിപരമായും തൊഴില്‍ പരമായും ഉണ്ടാക്കിയ നഷ്ടങ്ങള്‍

വിലയിരുത്താന്‍ തുടങ്ങുന്നതേയുള്ളൂ എന്നും അവ

വേദനാജനകമാണെന്നുമാണ് അബ്ദുസലാം പറയുന്നത്.

സമൂഹത്തിന് മുന്നില്‍ തന്നെ സംശയത്തിന്‍െറ നിഴലില്‍

നിര്‍ത്താന്‍ മാത്രമാണ് ഈ നടപടി സഹായിച്ചത്.

പട്ടികയിലുള്‍പ്പെട്ട എല്ലാ പൗരന്‍മാരുടെയും സുതാര്യമായ

സാമൂഹി കജീവിതത്തിന് ഇക്കാര്യത്തില്‍ കേന്ദ്ര, സംസ്ഥാന

സര്‍ക്കാരുകളുടെ ശക്തമായ നടപടി ആവശ്യമാണ്.

അന്യദേശത്ത് കുടുംബത്തിനും നാടിനും വേണ്ടി

അധ്വാനിക്കുന്ന ഗള്‍ഫുകര്‍ക്ക് സ്വന്തം നാട്ടില്‍ ഭരണകൂടവും

ഉദ്യോഗസ്ഥരും മാധ്യമങ്ങളും നല്‍കുന്ന ഇത്തരം ‘റിമോട്ട്

ഷോക്കുകള്‍’ നാടിനെ എവിടെയെത്തിക്കുമെന്ന്

ഓരോരുത്തരും ചിന്തിക്കണം.

അധമകൃത്യം- സെബാസ്റ്റ്യന്‍ പോള്‍

2012-01-18T11:29:00.000-08:00

കേള്‍ക്കരുതാത്തത് കേള്‍ക്കേണ്ടി വരുന്നത് നമ്മുടെ ദുര്യോഗമാണ്. മുസ്ലിം ലീഗുകാരും പത്രപ്രവര്‍ത്തകരുമടക്കം 258 മുസ്ലിംകളുടെ ഇ-മെയില്‍ ചോര്‍ത്താന്‍ പൊലീസ് ശ്രമിക്കുന്നുവെന്ന വാര്‍ത്ത മുസ്ലിം ലീഗിനെ പ്രകോപിപ്പിച്ചിട്ടില്ളെങ്കിലും പത്രപ്രവര്‍ത്തക യൂനിയന്‍െറ ശക്തമായ പ്രതികരണമുണ്ടായി. ഡി.ജി.പിയുടെ ദുര്‍ബലമായ വിശദീകരണത്തോടെയും അതിന്‍െറ അടിസ്ഥാനത്തിലുള്ള മന്ത്രിസഭയുടെ തൃപ്തികരമല്ലാത്ത തീരുമാനത്തോടെയും അവസാനിപ്പിക്കാവുന്നതല്ല മാധ്യമത്തിലൂടെ പരസ്യമാക്കപ്പെട്ട സര്‍ക്കാറിന്‍െറ രഹസ്യനീക്കം ഉയര്‍ത്തുന്ന ആശങ്ക.
മാധ്യമപ്രവര്‍ത്തകരുടെ ഇ-മെയില്‍ ചോര്‍ത്തുന്നതിനുള്ള നീക്കത്തെ അതീവഗുരുതരമായാണ് കാണേണ്ടത്. സ്വതന്ത്രമായ മാധ്യമപ്രവര്‍ത്തനത്തെ തടസ്സപ്പെടുത്തുന്ന ദുരുപദിഷ്ടമായ നീക്കമാണത്. വല വിരിക്കുന്നതിനും നിരീക്ഷിക്കുന്നതിനും പൊലീസിന് അധികാരമുണ്ട്. എന്നാല്‍, സ്വകാര്യസ്വത്തിലോ സ്വകാര്യതയിലോ കടക്കണമെങ്കില്‍ നിയമം അനുവദിക്കണം. ഭൗതികലോകത്തെപോലെ സൈബര്‍ ലോകത്തും ഈ വിലക്ക് ബാധകമാണ്.
ഈ വിലക്ക് രഹസ്യമായി മറികടക്കുന്നതിനാണ് ഭരണകൂടവും ഭരണകൂടത്തിന്‍െറ ഏജന്‍സികളും ശ്രമിക്കുന്നത്. ആദിയില്‍ കിങ്കരന്മാരുടെ ഒളിഞ്ഞുനോട്ടമായിരുന്നു. പിന്നെ, കത്തുകള്‍ പൊട്ടിക്കുന്നതും ടെലിഫോണ്‍ ചോര്‍ത്തുന്നതും വ്യാപകമായി. ആരുടെ കത്തും നിയമപരമായി പൊട്ടിച്ചു വായിക്കുന്നതിനുള്ള സൗകര്യത്തിനുവേണ്ടിയാണ് രാജീവ് ഗാന്ധി തപാല്‍ നിയമം ഭേദഗതി ചെയ്തത്. സെയില്‍ സിങ് ഒപ്പിടാന്‍ വിസമ്മതിച്ചതുകൊണ്ട് അത് നിയമമായില്ല. പക്ഷേ, നനഞ്ഞ തുണിയില്‍ ചൂടുള്ള തേപ്പുപെട്ടി വെച്ച് പശയിളക്കുന്ന സാങ്കേതികവിദ്യ ഇപ്പോഴും പ്രയോഗത്തിലുണ്ട്. ആരുടെ ഫോണും അനായാസം ചോര്‍ത്താം. ആരുടെ വര്‍ത്തമാനവും രഹസ്യമായി രേഖപ്പെടുത്താം. നമ്മുടെ സ്വകാര്യതയില്‍ പൊലീസിന്‍െറ അദൃശ്യവും നിയമവിരുദ്ധവുമായ സാന്നിധ്യമുണ്ട്.
കുളിക്കടവിലെ ഒളിനോട്ടം പോലെ ഇത്തരം പ്രവൃത്തികള്‍ മാന്യതക്കു നിരക്കുന്നതല്ളെന്ന തിരിച്ചറിവ് പരിഷ്കൃതസമൂഹത്തിനുണ്ട്. ഈ തിരിച്ചറിവ് നിയമത്തിന്‍െറ ഭാഷയില്‍ സ്വകാര്യത എറിയപ്പെടുന്നു. വിലപ്പെട്ടതും അലംഘനീയവുമായ മനുഷ്യാവകാശമായി സ്വകാര്യത ഇന്ന് പരിഗണിക്കപ്പെടുന്നു. എന്നാല്‍, അനഭിമതരാകുന്ന വിഭാഗങ്ങള്‍ക്ക് പല അവകാശങ്ങള്‍ക്കൊപ്പം ഇതും നിഷേധിക്കാവുന്നതാണെന്ന് ഭരണകൂടങ്ങള്‍ കരുതുന്നു. മുസ്ലിം ലീഗില്ളെങ്കില്‍ യു.ഡി.എഫ് ഇല്ളെന്ന അവസ്ഥയിലും കേരളത്തിലെ മുസ്ലിംകള്‍ക്ക് ഇതാണ് അനുഭവമെങ്കില്‍ എന്തിന് വെറുതെ അമേരിക്കയെയും മോഡിയെയും കുറ്റപ്പെടുത്തണം.
ഒളികാമറയും ഒളിഞ്ഞുനോട്ടവും മാധ്യമപ്രവര്‍ത്തനത്തിന്‍െറ ഭാഗമായിട്ടുണ്ട്. സ്റ്റിങ് ഓപറേഷന്‍െറ സാധുതയെക്കുറിച്ച് ഇനിയും അന്തിമവാക്കായിട്ടില്ല. വിലക്കപ്പെട്ട ഇടങ്ങള്‍ മാധ്യമപ്രവര്‍ത്തകര്‍ക്ക് വേണ്ടെന്നു വെക്കാനാവില്ല. അതുകൊണ്ടാണ് പ്രവേശമില്ലാത്തിടത്ത് അവര്‍ ചിപ്പ് വെക്കുന്നത്. എന്നാല്‍, നിയമവിരുദ്ധമായ പ്രവര്‍ത്തനത്തിനു പ്രത്യാഘാതമുണ്ടാകും. റൂപര്‍ട്ട് മര്‍ഡോക്കിന്‍െറ കിരീടത്തിലെ വജ്രം എന്ന് പ്രകീര്‍ത്തിക്കപ്പെട്ടിരുന്ന ലണ്ടനിലെ ന്യൂസ് ഓഫ് ദ വേള്‍ഡ് പൊടുന്നനെ അടച്ചുപൂട്ടേണ്ടി വന്നത് വാര്‍ത്താശേഖരണത്തിന്‍െറ ഭാഗമായി ടെലിഫോണ്‍ ചോര്‍ത്തല്‍ എന്ന നിയമവിരുദ്ധപ്രവര്‍ത്തനം തെളിയിക്കപ്പെട്ടതിനെ തുടര്‍ന്നാണ്.
‘1984’ എന്ന പ്രവചനകൃതിയില്‍ ജോര്‍ജ് ഓര്‍വെല്‍ ചിത്രീകരിച്ച ദൃശ്യങ്ങള്‍ 1984നു മുമ്പേ ദൃശ്യമായി. വാട്ടര്‍ഗേറ്റിലെ ഡെമോക്രാറ്റിക് പാര്‍ട്ടി ആസ്ഥാനത്ത് ചാരപ്പണിക്ക് ഇലക്ട്രോണിക് ഉപകരണങ്ങള്‍ സ്ഥാപിച്ചതിന്‍െറ അനന്തരഫലമായിരുന്നു പ്രസിഡന്‍റ് നിക്സന്‍െറ അപമാനകരമായ രാജി. രാജീവ് ഗാന്ധിയുടെ വസതിയില്‍ പൊലീസ് നടത്തിയ നിരീക്ഷണം കോണ്‍ഗ്രസിനെ പ്രകോപിപ്പിച്ചപ്പോഴാണ് ചന്ദ്രശേഖറിന്‍െറ മന്ത്രിസഭ നിലംപതിച്ചത്. കര്‍ണാടകയിലെ ടെലിഫോണ്‍ ചോര്‍ത്തല്‍ വിവാദമായപ്പോള്‍ ധാര്‍മികമായ ഉത്തരവാദിത്തമേറ്റ് രാമകൃഷ്ണ ഹെഗ്ഡേക്ക് മുഖ്യമന്ത്രിപദം ഒഴിയേണ്ടിവന്നു. ഇപ്രകാരം ഗുരുതരമായ ഭവിഷ്യത്തിനു ഇടയാകുന്ന അധാര്‍മിക പ്രവൃത്തിയാണ് ഉമ്മന്‍ ചാണ്ടിയുടെ പൊലീസ് നടത്തിയത്. ഭാര്യയുടെ വിശ്വസ്തത ഉറപ്പാക്കുന്നതിന് ഡിറ്റക്ടീവിനെ നിയോഗിക്കുന്നതിനു സമാനമായ അധമകൃത്യമാണ് തനിക്കു താങ്ങായി നില്‍ക്കുന്ന മുസ്ലിം ലീഗിന്‍െറ കാര്യത്തില്‍ മുഖ്യമന്ത്രി കാണിച്ചത്. മുസ്ലിംകള്‍ അനുഭവിക്കുന്ന അന്യതാബോധത്തിനു ആക്കം കൂട്ടുന്ന കാര്യമായതിനാല്‍ ഇത് അവരുടെ കാര്യമെന്നു കരുതി നിശ്ശബ്ദമാകാന്‍ പൊതുസമൂഹത്തിനു കഴിയില്ല. മാധ്യമപ്രവര്‍ത്തകര്‍കൂടി അതിനിരയാകുമ്പോള്‍ ജനാധിപത്യസമൂഹത്തിനു പ്രതിഷേധിക്കാതിരിക്കാനുമാവില്ല.
ആരില്‍നിന്നോ കിട്ടിയ ഇ-മെയില്‍ വിലാസങ്ങള്‍ ആരുടേതെന്ന അന്വേഷണം മാത്രമാണ് പൊലീസ് നടത്തിയതെന്ന ഡി.ജി.പിയുടെ വിശദീകരണം വിശ്വസനീയമല്ല. അയാളില്‍നിന്നുതന്നെ കിട്ടാവുന്ന വിവരം മാത്രമാണത്. അല്ളെങ്കില്‍ ആ വിലാസങ്ങളില്‍ ബന്ധപ്പെട്ടിരുന്നെങ്കിലും പ്രതികരണം ഉണ്ടാകുമായിരുന്നു. വഹാബും സമദാനിയും ഉള്‍പ്പെടെ ലിസ്റ്റില്‍ കണ്ട പേരുകാര്‍ രഹസ്യമായി ഇ-മെയില്‍ വിലാസം സൂക്ഷിക്കുന്നവരല്ല. ഡി.ജി.പി പറഞ്ഞതുപോലെ അവരുടെ പേരില്‍ ആരെങ്കിലും വ്യാജവിലാസം ഉണ്ടാക്കിയിട്ടുണ്ടോ എന്ന അന്വേഷണമാണ് പൊലീസ് നടത്തിയതെങ്കില്‍ അവരാരും അങ്ങനെയൊരു പരാതി നല്‍കിയിട്ടുമില്ല.
പൗരസമൂഹത്തിന്‍െറ സ്വകാര്യതയിലേക്ക് പട്ടാളവും പൊലീസും അതിക്രമിച്ചു പ്രവേശിക്കരുതെന്ന കല്‍പന മാഗ്നാ കാര്‍ട്ട മുതലുള്ളതാണ്. പൊലീസിന്‍െറ അര്‍ധരാത്രിയിലെ ഭവനസന്ദര്‍ശനത്തെ ചോദ്യംചെയ്ത കേസില്‍നിന്നാണ് സ്വകാര്യത എന്ന മൗലികാവകാശം സുപ്രീംകോടതി വികസിപ്പിച്ചെടുത്തത്. പൊലീസിന്‍െറ വിളി കേള്‍ക്കാതെ ഉറങ്ങുന്നതിനുള്ള ജനങ്ങളുടെ അവകാശം ജസ്റ്റിസ് മാത്യു പ്രഖ്യാപിച്ച വര്‍ഷംതന്നെ പതിനായിരക്കണക്കിനു വാതിലുകള്‍ അര്‍ധരാത്രി പൊലീസ് ചവിട്ടിത്തുറന്നു. അത് അടിയന്തരാവസ്ഥ. ആ അവസ്ഥയെ അനുസ്മരിപ്പിക്കുന്ന തെറ്റാണ് മെയില്‍ ചോര്‍ത്തലിലൂടെ ഉമ്മന്‍ ചാണ്ടിയുടെ പൊലീസ് ചെയ്തത്.
സെന്‍സര്‍ഷിപ്പിനു സമാനമായ നിയന്ത്രണമാണ് ചോര്‍ത്തല്‍. സ്വതന്ത്രമായ വിവരശേഖരണം അതോടെ അസാധ്യമാകുന്നു. രഹസ്യത്തില്‍ വിനിമയം ചെയ്യപ്പെടുന്ന വിലപ്പെട്ട വസ്തുവാണ് വാര്‍ത്ത. രഹസ്യത്തില്‍ നല്‍കുന്നയാളിന്‍െറ പേരും രഹസ്യമായിരിക്കും. മാധ്യമപ്രവര്‍ത്തകന്‍െറ സ്വാതന്ത്ര്യത്തിന്മേലുള്ള അപകടകരമായ കൈയേറ്റമാണ് ചോര്‍ത്തല്‍ എന്ന നാണംകെട്ട ഏര്‍പ്പാട്. ടെലിഫോണായാലും ഇ-മെയിലായാലും ചോര്‍ത്തലിന്‍െറ സാധ്യത നിലനില്‍ക്കുമ്പോള്‍ സ്വതന്ത്രവും കാര്യക്ഷമവുമായ മാധ്യമപ്രവര്‍ത്തനം അസാധ്യമാകും. അതാകാം സര്‍ക്കാര്‍ ആഗ്രഹിക്കുന്നത്; പക്ഷേ സ്വതന്ത്രസമൂഹത്തിന്‍െറ ആഗ്രഹം അതല്ല.
രഹസ്യമായി സൂക്ഷിക്കേണ്ട കാര്യങ്ങള്‍ പൊതുതാല്‍പര്യം മുന്‍നിര്‍ത്തി പരസ്യപ്പെടുത്തുന്നയാളെ വിസില്‍ ബ്ളോവറെന്നാണ് വിളിക്കുന്നത്. അവര്‍ ആക്രമിക്കപ്പെടുകയും കൊല്ലപ്പെടുകയും ചെയ്ത സംഭവങ്ങള്‍ നിരവധിയാണ്. അതു തടയുന്നതിനുള്ള നിയമപരമായ പരിരക്ഷ നല്‍കാന്‍ പാര്‍ലമെന്‍റ് തയാറായി. വിവരങ്ങള്‍ നല്‍കാന്‍ തയാറുള്ളവരുമായി സ്വതന്ത്രമായി ആശയവിനിമയം നടത്താന്‍ മാധ്യമപ്രവര്‍ത്തകര്‍ക്കു കഴിയുമ്പോഴാണ് പൊതുതാല്‍പര്യമുള്ള വാര്‍ത്തയുണ്ടാകുന്നത്. പൊലീസിന്‍െറ നിരീക്ഷണത്തില്‍ ഈ പ്രവര്‍ത്തനം അസാധ്യമാകും.
ഗുരുതരമായ ഈ വിപത്തിനെക്കുറിച്ചുള്ള അറിയിപ്പാണ് മാധ്യമം വാര്‍ത്തയിലൂടെ നമുക്ക് ലഭിച്ചത്. വിപത്തിനെ മുളയിലേ നുള്ളിക്കളയുന്നതിനു പകരം വളര്‍ത്തിയെടുക്കാനാണ് സര്‍ക്കാര്‍ ശ്രമിക്കുന്നത്. പ്രാകൃതമായ ഈ സമീപനം ഉമ്മന്‍ ചാണ്ടി ഒൗദ്യോഗികനയമായി സ്വീകരിച്ചത് നിര്‍ഭാഗ്യകരമാണ്. ജയിലിലെ ഫോണ്‍വിളി പരസ്യപ്പെടുത്തിയ റിപ്പോര്‍ട്ടര്‍ ചാനലിനെതിരെ സ്വീകരിച്ച ജനാധിപത്യവിരുദ്ധമായ നിലപാട് പൊലീസിന്‍െറ ചോര്‍ത്തല്‍ വെളിപ്പെടുത്തിയ മാധ്യമത്തിനെതിരെ ആവര്‍ത്തിക്കാനാണോ നീക്കം? ബാലകൃഷ്ണപിള്ളയും കുഞ്ഞാലിക്കുട്ടിയും സംപ്രീതരായേക്കാം. പക്ഷേ, അത്തരക്കാരുടെ സംതൃപ്തിയില്‍ സ്വാതന്ത്ര്യബോധമുള്ള പൊതുസമൂഹത്തിന് പങ്കുചേരാനാവില്ല.

MADHYAMAM DAILY 19/01/12

കൊടുംതണുപ്പില്‍ ഉള്ളംപൊള്ളുന്ന അമ്മമാര്‍

2012-01-17T23:20:00.000-08:00

ലോകത്തെ ഏറ്റവും വലിയ ജനാധിപത്യരാജ്യമായ ഇന്ത്യയില്‍,

പതിനായിരക്കണക്കിന് കോടികള്‍ വെള്ളംതൊടാതെ വിഴുങ്ങുന്ന

അഴിമതിക്കാര്‍ ഭരണത്തിലുള്ള ഇന്ത്യയില്‍, അമ്മമാര്‍ തണുത്തു വിറക്കുന്നു.

രാജ്യതലസ്ഥാനമായ ദല്‍ഹിയില്‍ മഞ്ഞും മഞ്ഞുകാറ്റും മൂടല്‍മഞ്ഞും

പൊതിയുന്ന രാത്രികളില്‍ പതിനായിരത്തിലധികം അമ്മമാരാണ്

തലചായ്ക്കാന്‍ ഒരു കൂരയില്ലാതെ ദല്‍ഹിയിലെ തെരുവുകളിലും

കടത്തിണ്ണകളിലും മറ്റും രാത്രി കഴിച്ചു കൂട്ടുന്നത്. മറ്റു നഗരങ്ങളുടെ കാര്യം

പിന്നെന്ത് പറയാന്‍?

ഐക്യരാഷ്ട്ര സംഘടനയുടെ വികസന പരിപാടിയുടെ ഭാഗമായി നടന്ന സര്‍വെ

അനുസരിച്ച് ദല്‍ഹിയില്‍ 56000 ഭവനരഹിതരാണുള്ളത്. ഇതില്‍ സ്ത്രീകളും

കുഞ്ഞുങ്ങളും വൃദ്ധരുമെല്ലാം പെടും. മറ്റു ചില സ്വതന്ത്ര ഏജന്‍സികളുടെ

കണക്കനുസരിച്ച് ഇത് ഒരു ലക്ഷത്തിലധികമാണ്. ഇതില്‍ ഭവനരഹിതരായ

സ്ത്രീകള്‍ പതിനായിരത്തിനു മുകളിലാണ്. ദല്‍ഹിയില്‍ നാല് സ്ഥിരം

ഷെല്‍ട്ടറുകളാണുള്ളത്. ഇതില്‍ പരമാവധി താമസിപ്പിക്കാവുന്ന സ്ത്രീകള്‍

വെറും 200. സഥിരമല്ലാത്ത ഷെല്‍ട്ടറുകള്‍ 72. എന്നാലിവയില്‍ പരിമിതമായ

ആളുകളെ മാത്രമെ ഉള്‍ക്കൊള്ളാനാവൂ.

ചൊവ്വാഴ്ചത്തെ വിവരമനുസരിച്ച് ദല്‍ഹിയില്‍ 5.6 ഡിഗ്രി സെന്റിഗ്രേഡാണ്

ഊഷ്മാവ്. തണുത്തുവിറക്കുമ്പോള്‍ ജീവന്‍ നിലനിര്‍ത്താന്‍ പലര്‍ക്കും

കരിമ്പടങ്ങള്‍ പോലുമില്ല. താജ്യതലസ്ഥാനത്തെ മനുഷ്യ ജീവിതത്തിന്റെ ഈ

വികൃതമുഖം വികസന മുദ്രാവാക്യവുമായി ഓടിനടക്കുന്ന രാഷ്ട്രീയ പാര്‍ട്ടി

നേതാക്കളില്‍ പലരും അറിഞ്ഞിട്ടില്ല. അറിഞ്ഞവര്‍ അതൊന്നും അറിയില്ലെന്ന്

നടിക്കാന്‍ മിടുക്കരാനണ്. സ്വന്തമായി ഐഡന്‍ഡിറ്റി കാര്‍ഡോ, റേഷന്‍

കാര്‍ഡോ ഇല്ലാത്തവര്‍. വാര്‍ധക്യകാല പെന്‍ഷനുപോലും

അവകാശമില്ലാത്തവര്‍.

മൃതദേഹത്തില്‍ മൂത്രമൊഴിച്ചവരെ കുറ്റവിചാരണ ചെയ്യരുതെന്ന്

2012-01-16T07:05:00.001-08:00

അഫ്ഗാനിസതാനിലെ നാല് അമേരിക്കന്‍ സൈനികള്‍ മൃതദേഹങ്ങളില്‍ മൂത്രമൊഴിക്കുന്ന വീഡിയോ ചിത്രം പ്രചരിച്ചതിന്റെ പേരില്‍ സൈനികരെ കുറ്റവിചാരണ ചെയ്യുന്നത് ശരിയല്ലെന്ന് അടുത്ത അമേരിക്കന്‍ പ്രസിഡണ്ട് സ്ഥാനത്തേക്ക് മത്സരിക്കുമെന്ന് പ്രതീക്ഷിക്കുന്ന റിപ്പബ്ലിക്കന്‍ നേതാവ് റിക് പെറി. ഇത്തരം നടപടി സൈന്യത്തിന്റെ ആത്മവിശ്വാസം തകര്‍ക്കുമെന്നു വരെ അദ്ദേഹം മുന്നറിയിപ്പു നല്‍കി. 18 ഉം 19 ഉം വയസുള്ള കുട്ടികള്‍ ചിലമണ്ടത്തരങ്ങള്‍ കാട്ടാറുണ്ട്. പ്രായത്തിന്റെതായ അത്തരം മണ്ടത്തരം മാത്രമാണിതെന്നും ടെക്സാസ് ഗവര്‍ണര്‍ പറഞ്ഞു.
എന്നാല്‍ സൈനികരെ തിരിച്ചറിഞ്ഞിട്ടുണ്ടെന്നും ഇവരെ 'കോര്‍ട്ട് മാര്‍ഷ്യലിന്' വിധേയരാക്കുമെന്നുമാണ് യു.എസ് സൈനിക നേതൃത്വം നല്‍കുന്ന സൂചന. ഇവര്‍ നോര്‍ത്ത് കരോലിനയിലെ കേമ്പ് ലേജുവേനെയിലുള്ളവരാണെന്നു തിരിച്ചറിഞ്ഞിട്ടുണ്ട്. ഇവരില്‍ രണ്ടു പേരെ വ്യാഴാഴ്ച ചോദ്യം ചെയ്യുകയുമുണ്ടായി. രംഗം വീഡിയോയില്‍ പകര്‍ത്തിയ ആളെയും അത് പ്രചരിപ്പിച്ചവരെയും തിരിച്ചറിഞ്ഞിട്ടില്ല. സംഭവം പുറത്തു വന്ന ഉടനെ പ്രതിരോധ സെക്രട്ടറി ലിയോണ്‍ പെനറ്റ സൈനിക നടപടിയെ കടുത്ത ഭാഷയില്‍ അപലപിച്ചിരുന്നു.
സൈനികര്‍ ചെയ്ത അധാര്‍മികവും മനുഷ്യത്വരഹിതവുമായ പ്രവര്‍ത്തിയെ അമേരിക്കയില്‍ ന്യായീകരിക്കാന്‍ ചിലരുണ്ടാകുന്നു എന്നത് പ്രതിഷേധാര്‍ഹം തന്നെയാണ്. മംതദേഹത്തിന് കല്‍പിക്കേണ്ട ധാര്‍മിക ബഹുമാനം പോലും സൈന്യത്തിന് ബാധകമല എന്ന രീയതിയിലുള്ള നിലപാട് അപകടകരവും അപമാനകരവുമാണ്.

പാപിയെ ദൈവം പന പോലെ വളര്‍ത്തും

2012-01-14T02:01:00.000-08:00

പാപിയെ ദൈവം പന പോലെ വളര്‍ത്തുമെന്ന് കേരള കോണ്‍ഗ്രസ്
^ബി വിഭാഗം നേതാവ് ബാലകൃഷ്ണപിള്ള ഒരു ചാനല്‍ അഭിമുഖത്തില്‍ പറഞ്ഞത് വെള്ളിയാഴ്ച. വേദപുസ്തകത്തില്‍ അടുത്ത വാചകം കൂടി നിര്‍ബന്ധമായും ഓര്‍ക്കണം എന്നു കൂടി അദ്ദേഹം പറഞ്ഞു. : പാപിയുടെ മകന്‍ അതിലേറെ വളരും.
വി.എസ് അച്യുതാനന്ദന്‍ ഒരു ബന്ധുവിന് നിയമവിരുദ്ധമായി ഭൂദാനം നടത്തിയെന്ന
പരാതിയില്‍ വിജിലന്‍സ് എഫ്.ഐ.ആര്‍ തയാറാക്കിയെന്ന വാര്‍ത്തയോട്
പ്രതികരിക്കയായിരുന്നു പിള്ള.
തന്നെ കേസുമായി നടന്ന് ജയിലിലടച്ച വി.എസിന്
ഇത് ദൈവം കൊടുത്ത ശിക്ഷയാണെന്ന് ഊറിച്ചിരിക്കാനും പിള്ള മറന്നില്ല.
ഇതാ വെള്ളികഴിഞ്ഞ് ശനിയാഴ്ച.
കേരളകോണ്‍ഗ്രസ് ബിയുടെ വൈസ്ചെയര്‍മാന്‍ സ്ഥാനത്ത് നിന്ന്
പിള്ളയുടെ അധ്യക്ഷതയില്‍ ചേര്‍ന്ന യോഗം
മകനും മന്ത്രിയുമായ ഗണേശ്കുമാറിനെ ഒഴിവാക്കി.
ഗണേശ് വരുന്നതിനു മുമ്പ് യോഗം ചേര്‍ന്ന് ഗണേശന്റെ പേര്‍ ഒഴിവാക്കിയ
ഭാരവാഹി ലിസ്റ്റ് അവതരിപ്പിക്കുകയായിരുന്നു.
ഗണേശ് വന്ന് സംസാരിക്കാന്‍ തുടങ്ങിയപ്പോള്‍ പിള്ള എഴുന്നേറ്റ് പുറത്തേക്ക് പോയി.
മറ്റംഗങ്ങളോടും പുറത്തു പോരാന്‍ പറഞ്ഞു.
ഗണേശാകട്ടെ മന്ത്രി സ്ഥാനവും മുന്നണിയുടെ കണ്‍വീനര്‍ സ്ഥാനവും രാജിവെക്കാന്‍ സന്നദ്ധത പ്രകടിപ്പിച്ചു.
ആരും ആരെയും തോല്‍പിക്കണ്ട.
പേടിപ്പിക്കണ്ട....
ഇങ്ങിനെ കുറെ ഡയലോഗുകള്‍ വായുവില്‍ ഇപ്പോള്‍ ചുറ്റിനടക്കുന്നുണ്ട്.

വെള്ളിയാഴ്ച വേദ പുസ്തകം ഉദ്ധരിച്ച് പാപികളെകുറിച്ചും മക്കളെ

കുറിച്ചും പറയുമ്പോള്‍ പിള്ളയുടെ മനസില്‍ വി.എസിന്റെ മകന്‍

അരുണ്‍കുമാര്‍ തന്നെയായിരുന്നോ? അതോ സ്വന്തം മകന്‍ ഗണേശനോ?

ആര്‍ക്കറിയാം.

ദൈവം ശിക്ഷകകൊടുക്കുന്നത് ഇങ്ങിനെയാണ്.

പണ്ടൊക്കെ കണ്ടത്തില്‍ ജോലിയും വരമ്പത്ത് കൂലിയുമായിരുന്നു.

ഇപ്പോള്‍ വരമ്പത്തെത്താന്‍ കാത്തു നില്‍ക്കില്ല.

കണ്ടത്തില്‍ തന്നെ കൂലി കൊണ്ടു കൊടുക്കും!

ഇവര്‍ മാനവ കുലത്തിന് അപമാനം. മൃഗീയം ഇത്.

2012-01-12T21:00:00.000-08:00

ഇരകളെ കൊന്ന ശേഷം മൃതദേഹത്ത് മൂത്രമൊഴിക്കുന്ന അമേരിക്കന്‍ സൈനികര്‍

മൃഗീയം ഇത്.

വാഷിങ്ടണ്‍: താലിബാന്‍ പോരാളികളുടെ മൃതദേഹത്തില്‍ മൂത്രമൊഴിക്കുന്ന

ദൃശ്യത്തിലെ രണ്ട് സൈനികരെ തിരിച്ചറിഞ്ഞതായി അമേരിക്ക. ഇവരുടെ

മേല്‍ കടുത്ത നടപടിയെടുക്കുമെന്നും യു.എസ് അധികൃതര്‍ അറിയിച്ചു.

താലിബാന്‍ പോരാളികളുടെ മൃതദേഹത്തെ അപമാനിക്കുന്ന സംഭവത്തിന്റെ

ദൃശ്യങ്ങള്‍ കഴിഞ്ഞ ദിവസമാണ് ഇന്റര്‍നെറ്റ് വഴി പുറത്ത് വന്നത്.

മനുഷ്യത്വഹീനമായ ഈ പ്രവര്‍ത്തി വ്യാപക പ്രതിഷേധത്തിനിടയാക്കി.

സംഭവത്തെ അഫ്ഗാന്‍ പ്രസിഡന്റ ഹാമിദ് കര്‍സായി ശക്തമായി

അപലപിച്ചിരുന്നു. താലിബാനുമായി അമേരിക്കയുടെ സമാധാന ചര്‍ച്ചകള്‍

പുരോഗമിക്കുന്നതിടെയാണ് ഈ സംഭവമെന്നത് ശ്രദ്ധേയമാണ്.

പാക്ക് പതാക: രഹസ്യങ്ങള്‍ ചുരുളഴിയുന്നു

2012-01-10T23:39:00.000-08:00

പുതുവര്‍ഷ ദിനത്തില്‍ സിന്ദ്ഗി താലൂക്ക് ഓഫീസിനുമുമ്പില്‍ പാക്കിസ്ഥാന്‍

പതാക ഉയര്‍ത്തി ജില്ലയില്‍ വര്‍ഗീയ കലാപം ഇളക്കി വിടാന്‍ ശ്രമിച്ച

സംഭവത്തിനു പിന്നില്‍ ബി.ജെ.പി നേതാവിനും പങ്ക്. 'ദ ഹിന്ദു' പത്രം

ബുധനാഴ്ച ഒന്നാം പേജില്‍ പ്രസിദ്ധീകരിച്ച വാര്‍ത്ത ഇക്കാര്യം

സ്ഥിരീകരിക്കുന്നു.

( http://www.thehindu.com/news/national/article2790960.ece?homepage=true )

ബി.ജെ.പിയുടെ തെരഞ്ഞെടുക്കപ്പെട്ട ഒരു ജനപ്രതിനിധിയാണ് സംഭവത്തിനു

പിന്നില്‍ എന്നാല്‍ പൊലീസ് നല്‍കിയ വിവരം. തന്റെ പങ്കാളിത്തം

പുറത്താവുന്ന ഒരു തെളിവും ബാക്കിവെക്കരുതെന്ന് ഈ നേതാവ്

ആവശ്യപ്പെട്ടിരുന്നുവത്രെ. രാഷ്ട്രീയ മുതലെടുപ്പിനായി ബെല്ലാരി ജില്ലയില്‍

വര്‍ഗീയ കലാപം സൃഷ്ടിക്കുകയായിരുന്നു ലക്ഷ്യമെന്ന് വാര്‍ത്ത

വ്യക്തമാക്കുന്നു. അടുത്ത നിയമസഭ തെരഞ്ഞെടുപ്പില്‍ വിജയം

ഉറപ്പിക്കാനുള്ള തന്ത്രവുമാകാം. സംഭവത്തിനു ശേഷം ശിവസേനാ

പ്രവര്‍ത്തകള്‍ പിടിയിലായപ്പോള്‍ അവരൊന്നും തങ്ങളുടെ

പാര്‍ട്ടിക്കാരല്ലെന്നും ആര്‍.എസ്.എസ് പ്രവര്‍ത്തകരാണെന്നും ശിവസേനാ

നേതാക്കള്‍ വാര്‍ത്താ സമ്മേളനം നടത്തി പറയുകയുണ്ടായി. ഇതിന്

തെളിവായി ചില ഫോട്ടോകളും ഇവര്‍ വാര്‍ത്താ ലേഖകരെ കാണിച്ചു.

സംഭവവുമായി ബന്ധപ്പെട്ട് ഇതുവരെ ഏഴുപേരെ അറസ്റ്റു ചെയ്തിട്ടുണ്ട്.

റിമാന്‍ഡിലായ പ്രതികളെ ജയിലില്‍ വെച്ച് ചിലര്‍ കൈകാര്യം ചെയ്തതായും

ഹിന്ദു റിപ്പോര്‍ട്ടില്‍ പറയുന്നു. മുഖ്യ പ്രതിയായ രാഖേഷ് മാഥിന് നല്ല

പരിക്കുപറ്റുകയുമുണ്ടായത്രെ. രാഖേഷിന്റെ നേതൃത്വത്തിലാണ് പാക്ക്

പതാക കണ്ട ദിവസം താലൂക്കാശുപത്രിക്കുമുമ്പില്‍ പ്രതിഷേധ പ്രകടനം

നടന്നത്. സംഭവത്തിനു പിന്നിലെ രാജ്യദ്രോഹികളായ പാക്കിസ്ഥാന്‍ അനുകൂല

മുസ്ലിംകളെ കുറ്റപ്പെടുത്തിയായിരുന്നു പ്രകടനം. ജയിലില്‍ നിന്ന് മര്‍ദ്ദനമേറ്റത്

രഹസ്യങ്ങള്‍ പൊലീസിനോട് പറഞ്ഞതിനാണോ എന്ന കാര്യവും

അന്വേഷിക്കേണ്ടതുണ്ട്. രാഷ്ട്ര വിരുദ്ധ പ്രവര്‍ത്തനത്തിന്റെ പേരിലാണ്

മര്‍ദ്ദനമേറ്റതെന്ന് ഹിന്ദു വാര്‍ത്ത പറയുന്നു.

സംഭവത്തിനു പിന്നില്‍ ബി.ജെ.പിയോ ആര്‍.എസ്.എസോ, ശിവസേനയോ

എന്ന ചോദ്യം അത്രവലിയ കാര്യമാണെന്ന് തോന്നുന്നില്ല. പക്ഷെ അത്

ആര്‍.എസ്.എസ് ആണെന്ന് വരാതിരിക്കാന്‍ പൊലീസിലെ ചിലര്‍ക്ക്

താല്‍പര്യമുണ്ട്. ആര്‍.എസ്.എസ് നേതൃത്വം പൊലീസില്‍ ഇതിനായി സമ്മര്‍ദം

ചെലുത്തുന്നുമുണ്ട്.

ബി.ജെ.പി ശിവസേനയടക്കമുള്ള ഹിന്ദുത്വ സംഘടനകളെ രഹസ്യമായി

തങ്ങളുടെ ലക്ഷ്യത്തിന് ഉപയോഗിക്കുകയും ആര്‍.എസ്.എസ് അതിനെ

പിന്തുണക്കുയും ചെയ്യുക എന്നത് പുതിയ കാര്യമല്ല. കേരളത്തില്‍ പോലും

അത് പ്രകടമാണ്. ഇവിടെയും അത് തന്നെയാണ് സംഭവിച്ചിരിക്കുക. സംഭവം

പിടിക്കപ്പെട്ടപ്പോള്‍ ശിവസേനയെ പ്രതികളാക്കി രക്ഷപ്പെടുന്നത് ബി.ജെ.പിയും

ആര്‍.എസ്.എസുമാണ്.

ഇതിലൊക്കെ ആശ്ചര്യകരം മുഖ്യ മലയാള പത്രങ്ങള്‍ക്ക് ഇത് ഒരു

വാര്‍ത്തയായി തോന്നുന്നേയില്ല എന്നതാണ്. ലൌജിഹാദിന്റെ ഇല്ലാ

വാര്‍ത്തകള്‍ പടച്ചുണ്ടാക്കാന്‍ മത്സരിച്ച മലയാള പത്രങ്ങള്‍ക്കും

ചാനലുകള്‍ക്കും ഈ സംഭവം ഒരു വാര്‍ത്തയേയല്ല.

പാക്ക് പതാക: വര്‍ഗീയ കലാപം ഇളക്കിവിടാനുള്ള ഗൂഢനീക്കം
04.01.12

: http://bhoomivaathukkal.blogspot.com/2012/01/blog-post_04.html

ICICLES

2012-01-10T00:22:00.000-08:00

ICICLES

മഞ്ഞുകൊണ്ട് പ്രകൃതി വരഞ്ഞ ചിത്രങ്ങള്‍.
കശ്മീരില്‍ നിന്നുള്ള കാഴ്ചകള്‍.
രണ്ട് വര്‍ഷം മുമ്പ് കശ്മീറും ജമ്മുവും സന്ദര്‍ശിച്ചപ്പോള്‍
കാണാന്‍ കഴിയാതിരുന്ന
മഞ്ഞുകാഴ്ചകള്‍.
ഇത് ICICLES.
കടുത്ത തണുപ്പില്‍ കെട്ടിടങ്ങളില്‍ നിന്നും മരങ്ങളില്‍ നിന്നും
താഴേക്കു വീഴുന്ന ജലം ഉറഞ്ഞുണ്ടാകുന്ന അത്ഭുത ചിത്രങ്ങള്‍.
എ.എഫ്.പി യുടെ ചില ഫോട്ടോഗ്രാഫര്‍മാര്‍ പകര്‍ത്തിയത്.
മഞ്ഞുകാലത്തെ അത്ഭുതങ്ങള്‍.

കള്ളപ്പണം ഒളിപ്പിക്കുന്ന സ്വിസ്ബാങ്കുകള്‍ക്കെതിരെ അമേരിക്ക നടപടിക്കൊരുങ്ങുന്നു

2012-01-08T23:32:00.000-08:00

സ്വിസ് ബാങ്കുകള്‍ക്കെതിരെ നിയമനടപടിക്ക് അമേരിക്ക തയാറെടുക്കുന്നു.

സ്വിറ്റ്സര്‍ലാന്‍ഡിലെ Wegelin&Co എന്ന സ്വകാര്യ ബാങ്കിനെതിരെയാണ്

അമേരിക്കന്‍ സമ്പന്നരുടെ കള്ളപ്പണം ഒളിപ്പിക്കാനും അതുവഴി

അമേരിക്കയില്‍ നികുതി വെട്ടിക്കാനും സഹായിക്കുന്നു എന്ന കുറ്റം ചുമത്തി

നിയമ നടപടിയെടുക്കാനൊരുങ്ങുന്നത്. ബാങ്കിന് അമേരിക്കയുടെതില്‍ നിന്ന്

വ്യത്യസ്തമായ ബാങ്കിങ് നിയമങ്ങളാണുള്ളത്. ബാങ്ക് അധികാരികളുമായി

അമേരിക്ക ചര്‍ച്ച നടത്തി കഴിഞ്ഞു. ചര്‍ച്ച നിര്‍ണായക ഘട്ടത്തില്‍

എത്തിനില്‍ക്കുന്നു.

1741 ല്‍ തുടങ്ങിയ ഈ സ്വകാര്യ ബാങ്കിനെതിരെ കേസെടുക്കാനുള്ള നീക്കം

സ്വിസ് ബാങ്കുകളുടെ രഹസ്യ സ്വഭാവം തകര്‍ക്കുന്നതായിരിക്കും. അതേസമയം

അമേരിക്കന്‍ സമ്പന്നരുടെ നികുതിവെട്ടിപ്പിന്റെ കള്ളക്കഥകള്‍ പുറത്തു

വരാനും ഇത് സഹായിക്കും. ഇന്ത്യയിലും ഇത്തരം നീക്കങ്ങള്‍ നടക്കുന്നുണ്ട്.

സ്വിസ് ബാങ്കുകളില്‍ വന്‍ നിക്ഷേപമുള്ള ചില സമ്പന്നരുടെ കള്ളപ്പണത്തിനെ

കണക്കുകള്‍ നേരത്തെ സുപ്രീം കോടതി നിര്‍ദേശ പ്രകാരം ഇന്ത്യ

ശേഖരിച്ചിരുന്നു. എന്നാല്‍ ഇവരുടെ പേരുകളും കള്ളപ്പണത്തിന്റെ

കണക്കുകളും രഹസ്യമാക്കി വെച്ചിരിക്കയാണ്. ഇവരുടെ പേരും തുകയും

ഇന്‍കംടാക്സ് വിഭാഗത്തിനു കൈമാറി ഇവരില്‍ നിന്ന് നികുതി പിരിച്ച്

രക്ഷപ്പെടുത്താനാണ് ഇന്ത്യ ഇപ്പോള്‍ ശ്രമിക്കുന്നത്. അമേരിക്കയിലെ ജസ്റ്റിസ്

വിഭാഗത്തിന്റെ അന്വേഷണത്തിലാണ് ഇത്തരം 11 ബാങ്കുകളെ കുറിച്ച് വിവരം

ലഭിച്ചത്.

ആയിരക്കണക്കിന് അമേരിക്കക്കാരുടെ കള്ളപ്പണത്തിന്റെ രഹസ്യങ്ങളാണ്

അമേരിക്കന്‍ അധികൃതര്‍ ശേഖരിച്ചിരിക്കുന്നത്. 300 ഓളം ബാങ്കുകളുടെ

കള്ളപ്പണ അക്കൌണ്ടുകളെ കുറിച്ച് അമേരിക്ക ബാങ്ക് അധികാരികളുമായി

ചര്‍ച്ച നടത്തി വരികയാണ്. സമ്പന്നരായ അമേരിക്കക്കാര്‍ക്ക് നികുതി വേട്ടിപ്പു

സേവനം നല്‍കിയതിന് അമേരിക്കയിലെ മന്‍ഹാട്ടന്‍ പ്രോസിക്യുട്ടര്‍മാര്‍ ഈ

സ്വിസ് ബാങ്കിലെ മൂന്ന് ഉദ്യോഗസ്ഥര്‍ക്കെതിരെ ക്രിമിനല്‍ നടപടി എടുക്കാന്‍

തീരുമാനിച്ചിരിക്കയാണ്. 20 ബില്യണ്‍ ഡോളറിന്റെ കള്ളപ്പണം ഒളിപ്പിച്ചതിന്

ജസ്റ്റിസ് വിഭാഗം സ്വീകരിച്ച നിയമ നടപടികളെ തുടര്‍ന്ന്

യുബിഎസ് എന്ന സ്ഥാപനം 7800 ലക്ഷം ഡോളര്‍ പിഴകൊടുക്കേണ്ടി വന്നു. 4450

അമേരിക്കക്കാരുടെ അക്കൌണ്ട് വിവരങ്ങള്‍ യുബിഎസ് അമേരിക്കക്ക്

കൈമാറുകയുമുണ്ടായി. ഇതോടെ നഷ്ടമായിരിക്കുന്നത് സ്വിസ് ബാങ്കുകളുടെ

രഹസ്യ സ്വഭാവമാണ്.

ബ്രസീലില്‍ അണക്കെട്ട് തകര്‍ന്നു. നഗരങ്ങളില്‍ അടിയന്തിരാവസ്ഥ

2012-01-08T11:30:00.000-08:00

ബ്രസീലിലെ റിയോ ഡി ജനീറോവിനടുത്ത് തുടര്‍ച്ചയായ പെരുമഴയെ തുടര്‍ന്ന്

അണക്കെട്ട് തകര്‍ന്നു. ദിവസങ്ങളായി പെയ്യുന്ന മഴയും മണ്ണൊലിപ്പും

ഗുരുതരമായ ദുരന്തത്തിന്റെ അവസ്ഥയിലെത്തിച്ചിരിക്കയാണ് ഈ

പ്രദേശങ്ങളെ. ഒമ്പതുപേര്‍ മരിച്ചതായും 13000 പേര്‍ ഭവനരഹിതരായതായും

റിപ്പോര്‍ട്ടുകള്‍ പറയുന്നു. അണക്കെട്ടു തകര്‍ന്നപ്പോള്‍ വെള്ളവും മണ്ണും

കുത്തിയൊഴുകി നഗരങ്ങളെ ഒറ്റപ്പെടുത്തി. രണ്ടായിരത്തോളം കുടുംബങ്ങളെ

പെട്ടെന്ന് മാറ്റിപ്പാര്‍പിച്ചതിനാല്‍ ദുരന്തത്തില്‍ മരണം പരമാവധി

പരിമിതപ്പെടുത്താന്‍ ബ്രസീലിനു കഴിഞ്ഞു. റിയോ ഡി ജനീറോ സ്റ്റേറ്റിന്റെ

ഉത്തര ഭാഗത്തെ മോരിയേ നദിയിലെ അണക്കെട്ടാണ് തകര്‍ന്നത്. ഇതു കാരണം

പുഴയിലെ ജലനിരപ്പ് മൂന്നര മീറ്ററോളം ഉയര്‍ന്നു. ഹൈവേയില്‍ 20 മീറ്റര്‍

വീതിയുള്ള ഗര്‍ത്തം രൂപപ്പെട്ടതോടെ ഗതാഗതം അസാധ്യമായി. സമീപത്തെ 66

നഗരങ്ങളില്‍ അടിയന്തിരാവസ്ഥ പ്രഖ്യാപിച്ചിരിക്കയാണ്. മറ്റു നിരവധി

പ്രദേശങ്ങളില്‍ റെഡ് അലര്‍ട്ട് പ്രഖ്യാപിച്ചു. ഇവിടെ ഏറ്റവും കൂടുതല്‍

മഴയുണ്ടാകുന്ന സീസണാണിത്. ജനുവരിയില്‍ 4.5 ഇഞ്ച് മഴയാണ് ഇവിടെ

ലഭിക്കാറ്. ഇത്രയും മഴ ഒറ്റ ദിവസം കൊണ്ടു പെയ്തതാണ് അണക്കെട്ടിനെ

അപകടത്തിലാക്കിയത്. വെള്ളമിറങ്ങാന്‍ മൂന്നുമാസമെങ്കിലുമെടുക്കുമെന്നാണ്

സൂചന. ഒരുമാസമായി ഇവിടെ കനത്ത മഴയും മണ്ണൊലിപ്പും തുടരുകയാണ്.

സൈന്യം ഒരുജനതയോട് ചെയ്തത്

2012-01-06T23:42:00.000-08:00

ഹിരോഷിമയിലും നാഗസാക്കിയിലും കാണുന്നതിനെക്കാള്‍ ആണവദുരന്ത

രോഗങ്ങള്‍ ഇറാഖിലെ ഫാലൂജിലെന്ന് പഠനം

അമേരിക്ക അണുബോംബ് വര്‍ഷിച്ച ജപ്പാനിലെ ഹിരോഷിമയിലും

നാഗസാക്കിയിലും കാണുന്നതിനെക്കാള്‍ ഗുരുതരമായ ആരോഗ്യ പ്രശ്നങ്ങള്‍

ഇറാഖില്‍ നിന്ന് റിപ്പോര്‍ട്ട് ചെയ്യുന്നു. 'അല്‍ജസീറ' യുടെ ഏറ്റവും പുതിയ

റിപ്പോര്‍ട്ടനുസരിച്ച് 2004 ല്‍ അമേരിക്കന്‍ സൈന്യം വന്‍ ബോംബു വര്‍ഷം

നടത്തിയ ഫാലൂജയില്‍ അവിടുത്തെ കുഞ്ഞുങ്ങളുടെയും സ്ത്രീകളുടെയും

അവസ്ഥ അതിഗുരുതരമാണ്. ഫലൂജയിലെ ഡോകട്ര്‍സാമിറ അലാനി

ജപ്പാനിലെ ഹിരോഷിമയും നാഗസാക്കിയും സന്ദര്‍ശിക്കുകയും അവിടുത്തെ

ഡോക്ടറമാരുമായി ചര്‍ച്ച ചെയ്യുകയുമുണ്ടായി. ജപ്പാനില്‍ അമേരിക്കന്‍

ബോംബിങ്ങിനെ തുടര്‍ന്നുണ്ടായ റേഡിയേഷന്‍ മൂലം അവിടെയുണ്ടായ

അവസ്ഥയെക്കാള്‍ ഗുരുതരമാണ് ഇറാഖിലെ അവസ്ഥയെന്ന്

ബോധ്യപ്പെട്ടതായും ഡോ. അലാനി പറയുന്നു. ജപ്പാനില്‍

ജന്മവൈകല്യങ്ങളുമായി ജനിക്കുന്നത് ഒന്നു മുതല്‍ രണ്ടു ശതമാനം കുഞ്ഞുങ്ങള്‍

വരെയാണ്. ഫാലൂജയില്‍ ഇത് 14.7 ശതമാനമാണ്. അതായത്

ഹിരോഷിമയെക്കാള്‍ 14 ഇരട്ടി അധികം.

Dr.Samira Alani
ദക്ഷിണ ഇറാഖിലെ ബബീല്‍ പ്രവിശ്യയിലെ കാന്‍സര്‍ സെന്റര്‍ തലവനായ

ഡോ. ശരീഫ് അല്‍ അവാചി പറയുന്നത് 2003 മുതല്‍ ഇവിടെ കാന്‍സര്‍ രോഗ

നിരക്ക് പേടിപ്പിക്കുന്ന തോതില്‍ വര്‍ധിക്കുന്നു എന്നാണ്. അമേരിക്കയുടെ

ഇറാഖി അധിനിവേശ കാലത്ത് ഡിപ്ളീറ്റഡ് യുറേനിയം ആയുധങ്ങള്‍

ഉപയോഗിച്ചതാണ് ഇതിനു കാരണമെന്ന് അദ്ദേഹം അഭിപ്രായപ്പെടുന്നു.

ഇവിടെ പ്രകൃതിയും രാസായുധങ്ങള്‍ കൊണ്ട് മലിനീകരിക്കപ്പെട്ടിരിക്കുന്നു.

ഇവിടെ വായുവും വെള്ളവും മണ്ണും മലനമാക്കപ്പെട്ടിരിക്കുന്നുവെന്ന്

അദ്ദേഹം പറയുന്നു.

ഏറെ നാളായി ഇവിടുത്തെ യുറേനിയം റേഡിയേഷനെ കുറിച്ച് ഗവേഷണം

നടത്തുന്ന അബ്ദുല്ല അല്‍ അനി (യുറാനിയം ഇന്‍ ഇറാഖ് എന്ന ഗ്രന്ഥത്തിന്റെ

രചയിതാവ്) പറയുന്നത് ഖര്‍ബലയിലെയും ബസറയിലെയും റേഡിയേഷന്‍

നിരക്ക് ലോകത്തെങ്ങും കാണാനാവാത്തത്ര വര്‍ധിച്ച അളവിലാണെന്നാണ്.

എല്ലാം അവസാനിപ്പിച്ച് അധിനിവേശത്തിന്റെ തീരാമുറിവരുകളും

ദുരന്തങ്ങളും ബാക്കിവെച്ച് അമേരിക്കന്‍ സൈന്യം ഇറാഖ് വിട്ടതോടെ

ഇപ്പോള്‍ ഇറാഖികളും അവരുടെ ദുരിതങ്ങളും മാത്രം ബാക്കിയാവുന്നു.

ഡിപ്ളീറ്റഡ് യുറേനിയം വൈറ്റ് ഫോസ്ഫറസ് തുടങ്ങിയ മാരക വസ്തുക്കള്‍

ഇവിടെ പ്രയോഗിച്ചതിന്റെ ദുരന്തങ്ങളാണ് ഈ ജനത അനുഭവിക്കുന്നത്.

ഡോ. സാമിറ അലാനിയുടെ വാക്കുകള്‍ ഇങ്ങിനെ:

"We have all kinds of defects now, ranging from congenital heart disease to severe physical abnormalities, both in numbers you cannot imagine,"

2009 ഒക്ടോബര്‍ മുതല്‍ കഴിഞ്ഞ ഡിസംബര്‍ 21 വരെ 677 ജനന വൈകല്യങ്ങള്‍

അവരുടെ ആശുപത്രിയില്‍ റിപ്പോര്‍ട്ട് ചെയ്തതായി അലാനി പറയുമ്പോള്‍

ആരോഗ്യ പ്രശ്നങ്ങളുടെ തീവ്രതയാണ് വെളിവാകുന്നത്.കഴിഞ്ഞ ഡിസംബര്‍

29 ന് ഇത് 699 ആയിരുന്നു. അതായത് എട്ട് ദിവസത്തിനിടയില്‍ പുതിയ 22

കേസുകള്‍!

ഫാലൂജയില്‍ ജനിക്കുന്ന കുഞ്ഞുങ്ങളധികവും ജനിച്ച് അരമണിക്കുറിനകം

മരിക്കുന്നു. ബാക്കി വരുന്ന ജന്മവൈകല്യമുള്ള കുഞ്ഞുങ്ങളുടെ കാര്യം

എത്രയോ കഷ്ടം. ഒരു കുഞ്ഞ് ജനിച്ചത് തന്നെ മുഖത്ത് നടുക്ക് ഒറ്റക്കണ്ണുമായി.

വലിയ ശിരസ്സുകള്‍, വളര്‍ച്ച കൂടിയതോ കുറഞ്ഞതോ ആയ അവയവങ്ങള്‍,

വികൃതമായ ചെവികള്‍, മൂക്ക് ഇങ്ങിനെ പലതരം വൈകല്യങ്ങളുമായാണ്

ഈ കുഞ്ഞുങ്ങളുടെ ജനനം. ഗര്‍ഭം അലസിപ്പോകല്‍ ഇവിടെ വളരെ

സാധാരണം.

ഡോ. അലാനിയും ബ്രിട്ടീഷ് ഡോക്ടറും ആക്ടിവിസ്റ്റുമായ ക്രിസ്റ്റഫര്‍

ബസ്ബിയും ചേര്‍ന്ന് ഇവിടുത്തെ റേഡിയേഷനെ കുറിച്ച് ചില പഠനങ്ങള്‍

നടത്തിയിട്ടുണ്ട്. ജന്മവൈകല്യമുള്ള കുഞ്ഞുങ്ങളുടെ രക്ഷിതാക്കളായ 25

പേരുടെ തലമുടി സാമ്പിളുകള്‍ ശേഖരിച്ച് ജര്‍മനിയിലെ ലബോറട്ടറിയില്‍

അയച്ച് പരിശോധന നടത്തി. ഇവിടുത്തെ വെള്ളവും മണ്ണും ഇതോടൊപ്പം

പരിശോധനക്കയി അയച്ചു. മെര്‍ക്കുറി, യുറേനിയം, ബിസ്മത്ത് അടക്കം

നിരവധി രാസഘടകങ്ങളുടെ സാന്നിധ്യം കണ്ടെത്തുകയുമുണ്ടായി. അവരുടെ

റിപ്പോര്‍ട്ടില്‍ ഇങ്ങിനെ പറയുന്നു:

"Whilst caution must be exercised about ruling out other possibilities, because none of the elements found in excess are reported to cause congenital diseases and cancer except Uranium, these findings suggest the enriched Uranium exposure is either a primary cause or related to the cause of the congenital anomaly and cancer increases. Questions are thus raised about the characteristics and composition of weapons now being deployed in modern battlefields."

ഡോ. ബസ്ബിയുടെ 2010 ജൂലൈയിലെ ഒരു പഠനത്തില്‍ ശിശുക്കളുടെ

ഇടയിലുള്ള കാന്‍സര്‍ 12 മടങ്ങ് വര്‍ധിച്ചതായി വ്യക്തമാക്കുന്നു.

ഒരു സൈന്യം ഒരുജനതയോട് ചെയ്ത ക്രൂരതകള്‍ എല്ലാം മറന്നാലും

ജീവിക്കുന്നവരും ജനിക്കാനിരിക്കുന്നവരുമായ കുഞ്ഞുങ്ങള്‍ അവരുടെ

ക്രൂരതകള്‍ ഓര്‍മിപ്പിച്ചു കൊണ്ടോയിരിക്കും.

ജനിതക പരീക്ഷണം കുരങ്ങുകളില്‍. ഇനി മനുഷ്യരിലേക്കും

2012-01-05T23:30:00.000-08:00

ജനിതക പരീക്ഷണങ്ങള്‍ കുരങ്ങുകളിലും. ആറ് വ്യത്യസ്ത ഭ്രൂണങ്ങളില്‍ നിന്ന്

ശേഖരിച്ച സെല്ലുകള്‍ ഉപയോഗിച്ച് കുരങ്ങുകളെ സൃഷ്ടിച്ചു കഴിഞ്ഞതായി

റിപ്പോര്‍ട്ട്. ഈ കുരങ്ങുകളുടെ സെല്ലുകള്‍ക്ക് ഈ ആറ് സെല്ലുകളില്‍ നിന്നും

വ്യത്യസ്തമായ സ്വഭാവമണെന്ന് പഠനത്തില്‍ പറയുന്നു. എലികളില്‍ നിന്ന്

കുരങ്ങുകളിലേക്കുള്ള ഈ ചാട്ടം അടുത്ത ചുവട് മനുഷ്യരിലേക്കാവും എന്ന

സൂചനയാണ് നല്‍കുന്നത്. ഹോളിവുഡ് സിനിമകളില്‍ കാണുന്ന

പരീക്ഷണങ്ങളിലേക്കു തന്നെയാണ് ശാസ്ത്രത്തിന്റെ മുന്നേറ്റം. എന്നാല്‍

ഇതിലെ അപകടങ്ങളും സങ്കീര്‍ണതകളും വ്യക്തമായി നിരീക്ഷിക്കപ്പെട്ടതിനു

ശേഷം മാത്രം ഇത്തരം പരീക്ഷണങ്ങളിലേക്കിറങ്ങുക എന്ന രീതി ശാസ്ത്രം

സ്വീകരിക്കപ്പെടുമോ എന്നകാര്യത്തില്‍ സംശയം നിലനില്‍ക്കുന്നുണ്ട്.

അമേരിക്കയലെ ഗവേഷകരാണ് പുതിയ സ്വഭാവമുള്ള സെല്ലുകളുമായി

കുരങ്ങുകളെ സൃഷ്ടിച്ചിരിക്കുന്നത്. വ്യത്യസ്ത ഭ്രൂണങ്ങളില്‍ നിന്നെടുത്ത

കോശങ്ങള്‍ ഒന്നിച്ച് കുരങ്ങുകളില്‍ നിക്ഷേപിച്ചാണ് ഈ പരീക്ഷണം

നടത്തിയതെന്ന് പഠനത്തില്‍ പറയുന്നു. ഇത്തരം പരീക്ഷണ ജീവികളെ

ചിമേരാസ് (chimeras) എന്ന് വിളിക്കുന്നു.

വൈദ്യശാസ്ത്ര മേഖലയില്‍ ഈ പരീക്ഷണത്തിന് വലിയ

പ്രാധാന്യമുള്ളതായാണ് ഈ ഗവേഷകര്‍ അവകാശപ്പെടുന്നത്. ജനിച്ച

കുരങ്ങിന്‍ കുട്ടികള്‍ ആരോഗ്യപൂര്‍വം വളരുന്നതായും റിപ്പോര്‍ട്ടില്‍

പറയുന്നു.

ഒറിഗോണ്‍ ഹെല്‍ത്ത് ആന്‍ഡ് സയന്‍സ് യൂനിവേഴ്സിറ്റിയിലെ

( പോര്‍ട്ട്ലാന്‍ഡ്) ഷൌഖ്റാത് മിറ്റലിപോവ് ആണ് ഇതു സംബന്ധിച്ച്

വിശദാംശങ്ങള്‍ വെളിപ്പെടുത്തിയത്.

പാക്ക് പതാക: വര്‍ഗീയ കലാപം ഇളക്കിവിടാനുള്ള ഗൂഢനീക്കം

2012-01-04T23:15:00.000-08:00

പുതുവര്‍ഷത്തിനു തലേനാള്‍ കര്‍ണാടകത്തിലെ ബിജാപൂര്‍ ജില്ലയില്‍ സിന്ദ്ഗി

താലൂക്ക് ഓഫീസിനു മുന്നില്‍ പാക്കിസ്ഥാന്‍ പതാക ഉയര്‍ത്തിയ സംഭവത്തില്‍

അറസ്റ്റിലായത് ശ്രീരാമസേനാ പ്രവര്‍ത്തകര്‍. ദ ഹിന്ദു പത്രം റിപ്പോര്‍ട്ട്

ചെയ്തത് പ്രകാരം രാജേഷ് സിദ്ദ രാമയ്യ, മല്ലങ്ങോട് വിജയകുമാര്‍ പട്ടീല്‍,

പരശുറാം അശോക് വഗ്മുര്‍, അരുണ്‍ വഗ്മുര്‍, രോഹിത് ഈശ്വര്‍ നവി,

സുനില്‍ മടിവാലപ്പ അഗസര്‍ എന്നീ 6 പേരാണ് അറസ്റ്റിലായത്. ജില്ലാ

പൊലീസ് സൂപ്രണ്ട് ഡി.സി രാജപ്പ വാര്‍ത്താ ലേഖകരെ അറിയിച്ചതാണ് ഈ

കാര്യം. ഇതേകുറിച്ച് പ്രതികരിക്കാനില്ലെന്നാണ് മുഖ്യമന്ത്രി ഡി.വി സദാനന്ദ

ഗൌഡ പത്രക്കാരോട് പറഞ്ഞതെന്ന് മനോരമയും പറയുന്നു.

പെണ്‍കുട്ടികളെ പ്രണയ വിവാഹ വലയില്‍ വീഴ്ത്തി നിര്‍ബന്ധിത

മതപരിവര്‍ത്തനത്തിനു ശ്രമം നടത്തുന്നതായി കഴിഞ്ഞ വര്‍ഷം

പത്രമാധ്യമങ്ങള്‍ ആഘോഷിച്ച സംഭവത്തിനു പിന്നില്‍ hindhujagurthy.org എന്ന

വെബ്സൈറ്റാണെന്നു കണ്ടെത്തിയ വാര്‍ത്ത പൊലീസിനെ ഉദ്ദരിച്ച് മനോരമ

റിപ്പോര്‍ട്ട് ചെയ്യുകയുണ്ടായി.

(http://bhoomivaathukkal.blogspot.com/2012/01/blogpost_02.html). മുന്‍പത്തെ പോസ്റ്റ്

കാണുക.

ഈ രണ്ട് വാര്‍ത്തകളും വ്യക്തമാക്കുന്ന ഒരു കാര്യമുണ്ട്. ഒരുവിഭാഗത്തെ

ദേശവിരുദ്ധരും വര്‍ഗീയവാദികളുമാക്കി ചിത്രീകരിക്കാനും സമൂഹത്തില്‍

വര്‍ഗീയ ചേരിതിരിവ് സൃഷ്ടിക്കാനും ഉദ്ദേശിച്ച് ആസൂത്രിതമായി നടത്തിയ

ശ്രമങ്ങള്‍ ഇതിനു പിന്നിലുണ്ട്. പതാക ഉയര്‍ന്ന അന്ന് താലൂക്ക് ഓഫീസിനു

മുന്നില്‍ നിര്‍ത്തിയിട്ടിരുന്ന ഒരു ബൈക്കിനെ ചുറ്റിപ്പറ്റി നടത്തിയ

അന്വേഷണമാണ് പൊലീസിനെ ശ്രീരാമസേന പ്രവര്‍ത്തകരിലെത്തിച്ചത്.

അതിനു കഴിഞ്ഞിരുന്നില്ലെങ്കില്‍ ദേശവിരുദ്ധരായ മുസ്ലിം വിഭാഗമാണതിനു

പിന്നിലെന്ന് വാദിക്കപ്പെടുകയും സ്ഥാപിക്കപ്പെടുകയും ചെയ്യുമായിരുന്നു.

ലൌജിഹാദ് പ്രശ്നത്തിലും ഇതുതന്നെയാണ് കാര്യം. പൊലീസ് പ്രത്യേക

താല്‍പര്യമെടുത്ത് കേരളത്തില്‍ എങ്ങിനെ ഇത്തരമൊരു വ്യാജ വാര്‍ത്ത

മാധ്യമങ്ങള്‍ ഏറ്റുപിടിച്ചു എന്നറിയാനുള്ള ശ്രമം നടത്തിയതുകൊണ്ടു

മാത്രമാണ് ഇതിനു പിന്നില്‍ പ്രവര്‍ത്തിച്ച വെബ് സൈറ്റിനെകുറിച്ചും അതിനു

പിന്നിലെ വര്‍ഗീയ താല്‍പര്യക്കാരെ കുറിച്ചും വിവരം കിട്ടിയത്.

ദേശവിരുദ്ധരും തീവ്രവാദികളും സ്ഫോടനങ്ങള്‍ നടത്തി ഇന്ത്യയെ

ഞെട്ടിച്ചുകൊണ്ടിരുന്നപ്പോള്‍ വെള്ളം കലക്കി മീന്‍പിടിക്കാനിറങ്ങിയവരില്‍

ഹിന്ദുത്വ വര്‍ഗീയ സംഘടനകളുമുണ്ടായിരുന്നു എന്ന് ഇന്ന്

തെയളിയിക്കപ്പെട്ടു. ചില പ്രമുഖര്‍ അന്വേഷണ വിധേയരായി ജയിലിലാണിന്ന്.

കേസില്‍ പ്രതിയായ ഒരു സന്യാസി സത്യം തുറന്നു പറഞ്ഞതു കൊണ്ടാണ് ഇത്

സ്ഥിരീകരിക്കപ്പെട്ടത്. ഇത്തരം അസാധാരണ ഭാഗ്യങ്ങള്‍ കൊണ്ടാണ് ഇത്തരം

ഗൂഢാലോചനകള്‍ കുറച്ചെങ്കിലും പുറത്തു വരാനിടയായയത്.

മലപ്പുറം ജില്ല കുട്ടിപാക്കിസ്ഥാനാണ് എന്നു വരുത്തി തീര്‍ക്കാന്‍ മാധ്യമങ്ങള്‍

വര്‍ഷങ്ങള്‍ക്കു മുമ്പെ ഇതുപോലെ കാര്യമായ ശ്രമങ്ങള്‍ നടത്തിയിരുന്നു.

മലപ്പുറത്തെ ചെറിയഒരുവിഭാഗം പത്രപ്രവര്‍ത്തകരുടെ ഗൌരവമായ

ഇടപെടലുകളിലൂടെ കുറച്ചെങ്കിലും ഈ ശ്രമം പൊളിക്കാന്‍ കഴിഞ്ഞു.

ശ്രീകൃഷ്ണ ഘോഷയാത്രക്കിടയില്‍ ബോംബ് സ്ഫോടനം നടത്തി മലപ്പുറം

ജില്ലയില്‍ വര്‍ഗിയ കലാപം ഇളക്കിവിടാന്‍ വരെ അന്ന് ശ്രമം നടന്നു.

അതിനായി ബോംബ് നിര്‍മിക്കുന്നതിനിടെ അബന്ധത്തില്‍ സ്ഫോടനമുണ്ടായി.

ചിലര്‍ മരിച്ചു. പരിക്കേറ്റവരെ ചോദ്യം ചെയ്തതില്‍ നിന്നാണ് ഇക്കാര്യം

വ്യക്തമായത്. എന്നാല്‍ അന്ന് ഇക്കാര്യം മറച്ചു വെക്കാന്‍ പൊലീസ്

കാര്യമായി ശ്രമിച്ചു. അന്നത്തെ ജില്ലാ പൊലീസ് സൂപ്രണ്ടിനെ ഉദ്ദരിച്ച് പിറ്റെ

ദിവസം ഈ വാര്‍ത്ത പുറത്തുകൊണ്ടു വരാന്‍ കഴിഞ്ഞു. മലപ്പുറം ജില്ലയെ

ദൈവം രക്ഷിച്ചു എന്ന തലക്കെട്ടില്‍ അന്ന് വന്ന വാര്‍ത്ത പിന്നെ നോട്ടീസായും

പോസ്റ്ററുകളായും പ്രചരിക്കുകയുമുണ്ടായി. ഏതായാലും മലപ്പുറം ജില്ല

കുട്ടിപ്പാക്കിസ്ഥാനാണെന്ന് വാദിക്കാന്‍ മാധ്യമങ്ങള്‍ പിന്നീട് കാര്യമായി

ശ്രമിക്കുകയുണ്ടായില്ല.

മലപ്പുറത്ത് പ്രസ്റിപ്പോര്‍ട്ടറായി ജോലി ചെയതതുകൊണ്ട് ഇത്തരം നിരവധി

ഗൂഢാലോചനകള്‍ക്ക് ഞാനും സാക്ഷിയായിരുന്നു. വിഷയം അതല്ല. ഈ രണ്ട്

സംഭവങ്ങള്‍ ഉയര്‍ത്തുന്ന ചില ഗൌരവതരമായ പ്രശ്നങ്ങളുണ്ട്. ഒരുപ്രത്യേക

വിഭാഗത്തെ വര്‍ഗീയ വാദികളാക്കാനും വര്‍ഗീയ കലാപങ്ങള്‍ സൃഷ്ടിക്കാനും

ബോധപൂര്‍വമായ ശ്രമങ്ങള്‍ നടക്കുന്നു. ഇത് അവസാനിച്ചിട്ടില്ല. ഇനിയും

ആവര്‍ത്തിക്കാന്‍ തന്നെയാണ് സാധ്യത. അതുകൊണ്ടു തന്നെ ഗൌരവമായ

അന്വേഷണവും ജാഗ്രതയും ഇത്തരം പ്രശ്നങ്ങളില്‍ ആവശ്യമാണ്.

വര്‍ഗീയ ധ്രുവീകരണം സൃഷ്ടിക്കാന്‍ ബോധപൂര്‍വം സൃഷ്ടിച്ച

ഒരുവെബ്സൈറ്റിനു പിറകെ കേരളത്തിലെ ഒരുവിഭാഗം മാധ്യമങ്ങളും മാധ്യമ

പ്രവര്‍ത്തകരും എന്തുകൊണ്ട് പോയി? അവരെങ്ങിനെ ചിലരുടെ കയ്യിലെ

പാവകളായി? അതറിയാതെ ദിവസവും പുതിയ പുതിയ കെട്ടുകഥകളുമായി

രംഗത്തു വരുന്നതിനു മുമ്പ് എന്തുകൊണ്ട് ഒരു പരിശോധനയും അവര്‍

നടത്താന്‍ ശ്രമിച്ചില്ല? നമ്മുടെ മാധ്യമമേഖലയില്‍ നടക്കേണ്ട ഗൌരവമേറിയ

ഒരന്വേഷണം ഇതാവശ്യപ്പെടുന്നു. ഞാനടക്കം മാധ്യമരംഗത്തു

പ്രവര്‍ത്തിക്കുന്നവര്‍ സ്വയം വിമര്‍ശനത്തോടെ വിലയിരുത്തേണ്ട ഒരു

കാര്യമാണിത്. തീര്‍ച്ചയായും ഈ വിഷയത്തില്‍ ഒരു ചര്‍ച്ചയോ സംവാദമോ

നടക്കേണ്ടതുണ്ട്.

'ലൌ ജിഹാദ്' കുപ്രചാരണത്തിനു പിന്നില്‍ മത സംഘടനയുടെ വെബ്സൈറ്റെന്നു പൊലീസ്

2012-01-02T21:32:00.000-08:00

'ലൌ ജിഹാദ്' കുപ്രചാരണത്തിനു പിന്നില്‍ മത സംഘടനയുടെ വെബ്സൈറ്റെന്നു പൊലീസ്

ജി. വിനോദ്

മലയാള മനോരമ 03.01.12

തിരുവനന്തപുരം: ലൌ ജിഹാദ് എന്ന പേരില്‍ കേരളത്തിലുണ്ടായ

വിവാദത്തിനും പ്രചാരണത്തിനും പിന്നില്‍ ഒരു മതസംഘടനയുടെ

വെബ്സൈറ്റാണെന്നു പൊലീസ് കണ്ടെത്തി. ഇതേത്തുടര്‍ന്നു വെബ്സൈറ്റ്

നടത്തിപ്പുകാര്‍ക്കെതിരെ സംസ്ഥാന സൈബര്‍ പൊലീസ് കേസ് റജിസ്റ്റര്‍

ചെയ്തു. ഇതുമായി ബന്ധപ്പെട്ടു സൈറ്റില്‍ പ്രത്യക്ഷപ്പെട്ട മതവിദ്വേഷം

വളര്‍ത്തുന്ന ലേഖനങ്ങളുടെയും പോസ്റ്ററുകളുടെയും പകര്‍പ്പു ചീഫ്

ജുഡീഷ്യല്‍ മജിസ്ട്രേട്ട് കോടതിയില്‍ പൊലീസ് ഹാജരാക്കി.

കേരളത്തില്‍ ലൌ ജിഹാദ് ഇല്ലെന്ന് ഒരു വര്‍ഷം മുന്‍പു കണ്ടെത്തിയ

പൊലീസ്, തുടരന്വേഷണത്തിലാണ് ഇപ്പോള്‍ വ്യാജ പ്രചാരകരെയും

കുടുക്കിയത്. പെണ്‍കുട്ടികളെ പ്രണയ, വിവാഹ വലയില്‍ വീഴ്ത്തി

നിര്‍ബന്ധിത മതപരിവര്‍ത്തനം നടത്തുന്നുവെന്ന പ്രചാരണത്തിനാണു ലൌ

ജിഹാദ് എന്ന പേരു വീണത്. ഇതിന്റെ പേരില്‍ ഒരു പ്രത്യേക മതവിഭാഗത്തെ

ചിലര്‍ പ്രതിക്കൂട്ടിലാക്കാന്‍ ശ്രമിച്ചിരുന്നു. തുടര്‍ന്ന് ഒരു വര്‍ഷം മുന്‍പു കേരള

പൊലീസ് ഇതേക്കുറിച്ചു വിശദ അന്വേഷണം നടത്തി. കേരളത്തില്‍ ലൌ

ജിഹാദ് എന്ന പരിപാടി ഇല്ലെന്നു സംസ്ഥാന ഡിജിപി ഹൈക്കോടതിയെ

അറിയിച്ചു. അതിന്റെ അടിസ്ഥാനത്തില്‍ ഇത്തരം കേസുകളിലെ തുടര്‍നടപടി

കോടതി അവസാനിപ്പിച്ചു.

എന്നാല്‍ പിന്നീടും ഇത്തരം പ്രചാരണം സജീവമാകുന്നതായി സംസ്ഥാന

ഇന്റലിജന്‍സ് വിഭാഗത്തിനു രഹസ്യ വിവരം ലഭിച്ചു. ഇന്റലിജന്‍സ്

മേധാവി എ. ഹേമചന്ദ്രന്റെ നിര്‍ദേശ പ്രകാരം പൊലീസ് നടത്തിയ രഹസ്യ

അന്വേഷണത്തില്‍ hദ്ധnhഗ്മത്ഥന്റദ്ദഗ്മത്സന്ധhദ്ധ.ഗ്നത്സദ്ദ എന്ന

വെബ്സൈറ്റിലാണ് ഇത്തരം പ്രചാരണം നടക്കുന്നതെന്നു വ്യക്തമായി. ഒരു

മുസ്ലിം യുവജന സംഘടനയുടെ പേരിലുള്ള വ്യാജ പോസ്റ്ററും സൈറ്റില്‍

പ്രത്യക്ഷപ്പെട്ടതായി പൊലീസ് പറഞ്ഞു.

ഇതില്‍ ഓരോ മത വിഭാഗത്തിലെയും പെണ്‍കുട്ടികളെ വശീകരിച്ചു മതം മാറ്റി

വിവാഹം കഴിപ്പിക്കുന്നതിനുള്ള സമ്മാനത്തുകയും (മൂന്നര ലക്ഷം മുതല്‍ എട്ടു

ലക്ഷം രൂപ വരെ) രേഖപ്പെടുത്തിയിരുന്നു. എന്നാല്‍ ആ മുസ്ലിം സംഘടന

അത്തരം പോസ്റ്റര്‍ പുറത്തിറക്കിയില്ലെന്ന് അന്വേഷണത്തില്‍ തെളിഞ്ഞു.

തുടര്‍ന്നാണു കുപ്രചാരണം നടത്തുന്ന വെബ്സൈറ്റ് നടത്തിപ്പുകാര്‍ക്കെതിരെ

കേസ് എടുക്കാന്‍ ഇന്റലിജന്‍സ് മേധാവി ഹേമചന്ദ്രന്‍, ഡിജിപി: ജേക്കബ്

പുന്നൂസിനു റിപ്പോര്‍ട്ട് നല്‍കിയത്.

അദ്ദേഹം കേസ് സൈബര്‍ പൊലീസ് സ്റ്റേഷനു കൈമാറി. അവരുടെ തുടര്‍

അന്വേഷണത്തിലും ആരോപണങ്ങള്‍ ശരിവയ്ക്കുന്ന തരത്തിലായിരുന്നു

കണ്ടെത്തല്‍. സൈബര്‍ പൊലീസിന്റെ അന്വേഷണത്തില്‍ ഉത്തരേന്ത്യക്കാരനായ

മാര്‍ഗിര്‍ഷ് കൃഷ്ണ എന്നയാളാണു വെബ്സൈറ്റ് റജിസ്റ്റര്‍ ചെയ്തതെന്നു

കണ്ടെത്തി. ഇതിന്റെ നടത്തിപ്പുകാരുടെ മുഴുവന്‍ വിവരവും കൈമാറാന്‍

സൈബര്‍ പൊലീസ് ബന്ധപ്പെട്ടവരോടു രേഖാമൂലം ആവശ്യപ്പെട്ടിട്ടുണ്ട്.

ഇപ്പോള്‍ ആരുടെയും പേരു വയ്ക്കാതെയാണു കേസ് എടുത്തത്. പേരും

വിലാസവും കിട്ടുന്ന മുറയ്ക്ക് അതും പ്രഥമവിവര റിപ്പോര്‍ട്ടില്‍

ഉള്‍പ്പെടുത്തുമെന്ന് അധികൃതര്‍ പറഞ്ഞു. വെബ്സൈറ്റ് നിരോധിക്കാനുള്ള

നടപടിയും പൊലീസ് തുടങ്ങി.

നാം ഗിനിപ്പന്നികളോ?-2. ആദിവാസി കുഞ്ഞുങ്ങളിലും മരുന്നു പരീക്ഷണം

2012-01-01T22:05:00.000-08:00

മരുന്നു പരീക്ഷണം നടക്കുന്ന ഭോപാലിലെ ആദിവാസി കുഞ്ഞുങ്ങള്‍

ആദിവാസി കുഞ്ഞുങ്ങളില്‍ നിയമവിരുദ്ധമായി മരുന്നു പരീക്ഷണം.

മനോരോഗികളായ 233 പേരില്‍ നിയമ വിരുദ്ധമായി വിദേശ ഔഷധ കമ്പനി

ലൈംഗിക രോഗ മരുന്നു പരീക്ഷണം നടത്തിയതിന്റെ ഞെട്ടിക്കുന്ന വിവരങ്ങള്‍

പുറത്തു വന്നതിനു പിന്നാലെയാണ് പുതിയ പരീക്ഷണ വിവരങ്ങള്‍

പുറത്തുവന്നത്.
(http://bhoomivaathukkal.blogspot.com/2011/12/233.html)

ക്ഷയ രോഗമുള്ളവരും പോഷകാഹാരകുറവ് അനുഭവിക്കുന്നവരുമായ

ആദിവാസി കുഞ്ഞുങ്ങളിലാണ് ഫുഡ് സപ്ലിമെന്‍ഡ് എന്ന നിലയില്‍

ആയുര്‍വേദ മരുന്ന് പരീക്ഷിക്കുന്നത്. മനോരോഗികളില്‍ ലൈംഗിക മരുന്ന്

പരീക്ഷിച്ച മധ്യപ്രദേശില്‍ നിന്നു തന്നെയാണ് ഞെട്ടിക്കുന്ന ഈ വാര്‍ത്തയും. 20

ക്ഷയരോഗികളായ കുഞ്ഞുങ്ങളിലാണ് ഭോപാലില്‍ മരുന്നു പരീക്ഷണം.

സംസ്ഥാനത്ത് വിവിധ ആശുപത്രികളിലായി നൂറിലധികം കുഞ്ഞുങ്ങളില്‍

ഇതേ മരുന്നു പരീക്ഷണം നടയ്തതുന്നതായാണ് വിവരം. എട്ട് മാസം മുതല്‍

രണ്ടര വയസുവരെ പ്രായമുള്ള കുഞ്ഞുങ്ങളിലാണ് പരീക്ഷണം.

ക്ഷയരോഗത്തിനുള്ള അലോപ്പതി മരുന്നുകളോടൊപ്പമാണ് ബൊന്നിസാന്‍

(bonnisan) എന്ന ഈ ആയുര്‍വേദ മരുന്നും നല്‍കുന്നത്. മധ്യപ്രദേശിലെ

നൈന്‍പുരിലുള്ള ഇന്ത്യന്‍ ഫാര്‍മസ്യൂട്ടിക്കല്‍ കമ്പനിയുടേതാണ് മരുന്ന്. മരുന്നു

പരീക്ഷണം നടത്തുന്നതിനു മുമ്പ് പ്രാദേശികമായി രൂപം നല്‍കിയ ഒരു

എത്തിക്സ് കമ്മിറ്റി പരീക്ഷണം നടത്താന്‍ അനുമതി നല്‍കണമെന്നും അവരുടെ

നിരീക്ഷണമുണ്ടാകണമെന്നുമാണ് നിയമം. എന്നാല്‍ ആ നിയമം ഇവിടെ

പാലിച്ചിട്ടില്ല. സെന്‍ട്രല്‍ ഡ്രഗ സ്റ്റാന്‍ഡേര്‍ഡ് കണ്‍ട്രോള്‍ ഓര്‍ഗനൈസേഷന്റെ

അനുമതിയും വാങ്ങിയിരിക്കണം. ഇന്ത്യന്‍ കൌണ്‍സില്‍ ഓഫ് മെഡിക്കല്‍

കൌണ്‍സിലിന്റെ നിയന്ത്രണത്തിലുള്ള ക്ളിനിക്കല്‍ ട്രയല്‍ രജിസ്ട്രിയില്‍

രജിസ്റ്റര്‍ ചെയ്യുകയും വേണം.

മരുന്നു പരീക്ഷണങ്ങള്‍ക്ക് പരീക്ഷണ മൃഗങ്ങളെ പോലെ ഇന്ത്യയില്‍ മനുഷ്യരെ

ഉപയോഗിക്കുന്നതിന്റെ നിരവധി വിവരങ്ങള്‍ ഇതിനകം പുറത്തു വന്നിട്ടുണ്ട്.

എന്നാല്‍ ഇതില്‍ കുറ്റക്കാരായവരാരും ശിക്ഷിക്കപ്പെടുന്നില്ല. ഇന്ത്യയില്‍

നിലവിലുള്ള നിയമങ്ങളുടെ അപര്യാപ്തതയാണ് കാരണം.

മനോരോഗികളില്‍ ലൈംഗിക മരുന്നു പരീക്ഷണം നടത്തിയ ഇന്‍ഡോറിലെ

മഹാത്മാ ഗാന്ധി മെഡിക്കല്‍ കോളജിലെ 12 ഡോക്ടര്‍മാര്‍ക്ക് മധ്യപ്രദേശ്

സര്‍ക്കാര്‍ ഇന്നലെ വിധിച്ച ശിക്ഷ കേവലം അയ്യായിരം രൂപ ഫൈന്‍ ആണ്.

പരമാവധി 50000 രൂപവരെ ശിക്ഷ നല്‍കാവുന്ന കുറ്റത്തിനാണിത്.

എണ്‍പതോളം രോഗികളില്‍ ഗുരുതരമായ പാര്‍ശ്വ ഫലങ്ങള്‍ക്ക് കാരണമായ

ഈ പരീക്ഷണത്തില്‍ ഈ മനുഷ്യര്‍ക്ക് സര്‍ക്കാര്‍ ഒരു വിലയും കണ്ടില്ല.

നിയമവിരുദ്ധമായി മരുന്നു പരീക്ഷണം നടത്തിയതിന് ഈ ഡോക്ടര്‍മാര്‍ക്ക്

ശിക്ഷയില്ല. പകരം ഈ വിവരം അധികൃതരില്‍ നിന്ന് മറച്ചു വെച്ചു എന്ന

കുറ്റത്തിനാണ് അയ്യായിരം രൂപ ശിക്ഷ വിധിച്ചിരിക്കുന്നത്.

ഇന്ത്യയില്‍ പരീക്ഷണ മൃഗങ്ങളാകുന്ന പാവം മനുഷ്യര്‍ക്ക് സര്‍ക്കാര്‍

ഒരുവിലയും കല്‍പിക്കുന്നില്ല എന്നര്‍ഥം.

റഷ്യയില്‍ പ്രകടനം നടത്തിയതിന് 60 പേര്‍ അറസ്റ്റില്‍

2011-12-31T20:59:00.000-08:00

വര്‍ഷാന്ത്യ ദിനമായ ശനിയാഴ്ച വൈകിട്ട് മോസ്കോയിലും സെന്റ്പീറ്റേഴ്സ്

ബര്‍ഗിലും ഭരണകൂട വിരുദ്ധ പ്രകടനത്തില്‍ പങ്കെടുത്ത അറുപതു

പേരെയെങ്കിലും കലാപവിരുദ്ധ പൊലീസ് അറസ്റ്റ് ചെയ്തു. ഇവരെ ഇതുവരെ

വിട്ടയച്ചിട്ടില്ല. എല്ലാ 31 ാം തിയ്യതിയും നടത്തുന്ന പ്രതിപക്ഷ സമരത്തിന്റെ

ഭാഗമായാണ് ഇന്നലെ നടന്ന പ്രകടനം. പ്രകടനത്തില്‍ പങ്കെടുക്കാന്‍

പുറപ്പെട്ടവരെയും പങ്കെടുത്തവരെയുമെല്ലാം അറസ്റ്റ് ചെയ്തിട്ടുണ്ട്.

പുതുവര്‍ഷം റഷ്യയെ സംബന്ധിച്ച് നിര്‍ണായകമാണ്. 12 വര്‍ഷം തുടര്‍ച്ചയായി

റഷ്യന്‍ ഭരണത്തെ നിയന്ത്രിച്ച വ്ളാദ്മിര്‍ പുടിനും അദ്ദേഹത്തിന്റെ

പാര്‍ട്ടിയായ യുനൈറ്റഡ് റഷ്യാ പാര്‍ട്ടിക്കുമെതിരെ പ്രതിപക്ഷം ശക്തമായ

നിലപാടെടുക്കുകയും അദ്ദേഹത്തെയും പാര്‍ട്ടിയെയും ഇക്കൊല്ലം നടക്കുന്ന

തെരഞ്ഞെടുപ്പില്‍ പരാജയപ്പെടുത്തുമെന്ന് വ്യക്തമാക്കുകയും ചെയ്തിട്ടുണ്ട്.

ഡ്യൂമയിലേക്ക് ഡിസംബര്‍ നാലിനു നടന്ന തെരഞ്ഞെടുപ്പില്‍ പുടിന്റെ

പാര്‍ട്ടിക്ക് ഭൂരിപക്ഷം കാര്യമായി കുറഞ്ഞിട്ടുണ്ടെങ്കിലും വിജയം

ഉറപ്പിച്ചുകഴിഞ്ഞിട്ടുണ്ട്. എന്നാല്‍ വ്യാപകമായ കൃത്രിമത്തിലൂടെയാണ്

നേരിയ വിജയം നേടിയതെന്നും ഡ്യൂമയിലേക്ക് വീണ്ടും തെരഞ്ഞെടുപ്പു

നടത്തണമെന്നും ആവശ്യപ്പെട്ട് പ്രതിപക്ഷം ഡിസംബര്‍ 10 നും 24 നും റഷ്യയില്‍

പ്രതിഷേധ റാലികള്‍ സംഘടിപ്പിക്കുകയുണ്ടായി. 24 ന്റെ റാലി കഴിഞ്ഞ രണ്ടു

പതിറ്റാണ്ടിനിടെ നടന്ന ഏറ്റവും വലിയ റാലിയായിരുന്നു. അറബ്

വിപ്ലവത്തിന്റെ സ്വഭാവമാര്‍ജിച്ചാണ് റഷ്യയിലെ പുതിയ മുന്നേറ്റമെന്ന്

വിലയിരുത്തപ്പെടുന്നുണ്ട്. റഷ്യയിലെ മഞ്ഞുവിപ്ളവമെന്നാണ് (snow revelution)

ഇതിനെ മാധ്യമങ്ങള്‍ വിശേഷിപ്പിക്കുന്നത്. പ്രതിഷേധ റാലികളെ തുടര്‍ന്ന്

രാജ്യത്ത് വിപുലമായ രാഷ്ട്രീയ പരിഷ്കരണം നടപ്പാക്കുമെന്നും അത്

വ്യവസ്ഥയെ നവീകരിക്കുമെന്നും പ്രസിഡണ്ട് മെദ്വദേവിന് പ്രസ്താവിക്കേണ്ടി

വന്നു. പ്രധാനമന്ത്രി പുടിന്‍ പ്രതിഷേധക്കാരുമായി ചര്‍ച്ച നടത്താന്‍

തയാറാണെന്ന് പ്രഖ്യാപിക്കുകയുമുണ്ടായി. എന്നാല്‍ ഈ പ്രഖ്യാപനത്തിന്റെ

വിശ്വാസ്യത ഉറപ്പിക്കാന്‍ കഴിയാത്ത അവസ്ഥയാണ് ഇന്നലത്തെ അറസ്റ്റോടെ

ഉണ്ടായിരിക്കുന്നത്.

പ്രകടനങ്ങള്‍ തകര്‍ത്ത് പ്രതിഷേധം ഇല്ലാതാക്കാനാവില്ലെന്ന് ഭരണകൂടം

തിരിച്ചിയേണ്ട കാലം അതിക്രമിച്ചതായി മനുഷ്യാവകാശ പ്രവര്‍ത്തകയും

മോസ്കൊ ഹെല്‍സിങ്കി വിഭാഗം നേതാവുമായ ല്യൂഡ്മില അലക്സിയേവ

പറഞ്ഞു.

പുടിനെതിരെയുള്ള വികാരം ശക്തമാണെങ്കിലും അടുത്ത പ്രസിഡണ്ട്

തെരഞ്ഞെടുപ്പില്‍ അദ്ദേഹത്തെ പരാജയപ്പെടുത്താനാവുമെന്ന് പ്രതീക്ഷ

പ്രിപക്ഷത്തിനുമില്ല. അതുകൊണ്ടാണ് ഡ്യൂമയിലേക്ക് നടന്ന തെരഞ്ഞെടുപ്പ്

മാറ്റി നടത്തണമെന്ന് പ്രതിപക്ഷം ആവശ്യമുന്നയിച്ചിരിക്കുന്നത്. ഇത്

അംഗീകരിപ്പിക്കാന്‍ പ്രതിപക്ഷത്തിനു കഴിഞ്ഞതുമില്ല. ഈ സാഹചര്യത്തില്‍

റഷ്യയിലെ മഞ്ഞു വിപ്ലവത്തിന്റെ പുതിയ ഗതി എന്താകുമെന്ന്

കണ്ടെറിയണം.

വ്യാജസിലിക്കോണ്‍ മുലകള്‍ വെച്ച ലക്ഷക്കണക്കിന് സ്ത്രീകള്‍ അങ്കലാപ്പില്‍

2011-12-31T10:59:00.000-08:00

സൌന്ദര്യവും വലുപ്പവും മുഴുപ്പും കൂട്ടാന്‍ വ്യാജ സിലിക്കോണ്‍ മുലകള്‍

ഓപറേഷനിലൂടെ വെച്ചു പിടിപ്പിച്ച ലക്ഷക്കണക്കിന് സ്ത്രീകള്‍ അങ്കലാപ്പില്‍.

ഫ്രാന്‍സിലെ 30000 സ്ത്രീകള്‍ ഇത്തരം വിലകുറഞ്ഞ വ്യാജ സിലിക്കോണ്‍

ഉപയോഗിച്ച് നിര്‍മിച്ച മുലകള്‍ വെച്ചു പിടിപ്പിച്ചിട്ടുണ്ടെന്നും അവ ഉടനെ

നീക്കം ചെയ്യണമെന്നും ഫ്രാന്‍സിലെ ആരോഗ്യമന്ത്രി സേവ്യര്‍ ബര്‍ട്രാന്‍ഡ്

കഴിഞ്ഞ വെള്ളിയാഴ്ച ഉത്തരവിട്ടതോടെയാണ് വിഷയം വന്‍ ആരോഗ്യ

പ്രശ്നവും വിവാദവുമായി തീര്‍ന്നത്. കഴിഞ്ഞ ഒരു വര്‍ഷം മുമ്പു തന്നെ

ആരോപണങ്ങളെ തുടര്‍ന്ന് ഫ്രാന്‍സിലെ പി.ഐ.പി കമ്പനി അടച്ചു

പൂട്ടിയിരുന്നു. വ്യാജ മുലകള്‍ നീക്കം ചെയ്യാന്‍ ആവശ്യമായ തുക സര്‍ക്കാര്‍

നല്‍കുമെന്നും മന്ത്രി പ്രഖ്യാപിച്ചിട്ടുണ്ട്. ഇത്തരക്കാരില്‍ എട്ടു പേര്‍ക്ക്

കാന്‍സര്‍ രോഗം ബാധിച്ചതായും ഇതില്‍ ഒരാളുടെ കാന്‍സര്‍ ശരീരത്തിന്റെ

പ്രതിരോധശേഷി തകര്‍ക്കുന്ന അപൂര്‍വ കാന്‍സറാണെന്നും മന്ത്രി

പ്രഖ്യാപിച്ചിരുന്നു. എന്നാല്‍ ബ്രിട്ടനിലെ ആരോഗ്യ വകുപ്പ് ഇക്കാര്യം

അംഗീകരിച്ചിട്ടില്ല. സിലിക്കോണ്‍ മുലകള്‍ കാന്‍സര്‍ ഉണ്ടാക്കുന്നതായി

ശാസ്ത്രീയമായി തെളിഞ്ഞിട്ടില്ലെന്നാണ് ബ്രിട്ടന്‍ അധികാരികളുടെ നിലപാട്.

എന്നാല്‍ ഈ ശാസ്ത്രീയത പ്രസ്താവനകളൊന്നും സ്ത്രീകളുടെ അങ്കലാപ്പ്

മാറ്റാന്‍ പര്യാപ്തമായിട്ടില്ല.

ദക്ഷിണ ഫ്രാന്‍സിലെ പി.ഐ.പി കമ്പനി ഒരുവര്‍ഷം ഒരു ലക്ഷം സിലികോണ്‍

മുലകള്‍ ഉണ്ടാക്കിയിരുന്നതായാണ് കണക്ക്. ഇതില്‍ 20 ശതമാനം മാത്രമാണ്

ഫ്രാന്‍സില്‍ ഉപയോഗിച്ചത്. ബാക്കി 80 ശതമാനവും

കയറ്റിഅയക്കുകയായിരുന്നു. ബ്രിട്ടനെ കൂടാതെ അര്‍ജന്റീന, ബ്രസീല്‍,

കൊളംബിയ, വെനിസ്വേല തുടങ്ങിയ രാജ്യങ്ങളിലേക്കായിരുന്നു പ്രധാന

കയറ്റുമതി. അമേരിക്കയില്‍ ഏതാണ്ട് 1.70 ലക്ഷം പേരെങ്കിലും സിലികോണ്‍

മുലവെച്ചവരായുണ്ട്. മെഡിക്കല്‍ സിലികോണിനുപകരം

വ്യവസായികാവശ്യത്തിനു ഉപയോഗിക്കുന്ന വില കുറഞ്ഞ ഇനം

സിലിക്കോണാണ് ഈ കമ്പനി ഉപയോഗിച്ചതെന്ന് കണ്ടെത്തിയതോടെ ഏതാണ്ട്

ഒരു കൊല്ലം മുമ്പാണ് പ്രശ്നം വിവാദമായത്. ഫ്രാന്‍സില്‍ രണ്ടായിരത്തോളം

സ്ത്രീകള്‍ ഇതിനെതിരെ പൊലീസില്‍ കേസ് കൊടുത്തിട്ടുണ്ട്.

വ്യാജസിലിക്കോണ്‍ മുലകള്‍ വെച്ചവരില്‍ ഏതാണ്ട് 20 ശതമാനം ബ്രസ്റ്റ്

കാന്‍സറിനെ തുടര്‍ന്ന് മുലകള്‍ നീക്കം ചെയ്യേണ്ടി വന്നവരാണ്.

പ്രവാചകനെകുറിച്ച് കാര്‍ട്ടൂണ്‍: ഈജിപ്തില്‍ വര്‍ഗീയ സംഘര്‍ഷം

2011-12-31T07:30:00.000-08:00

വര്‍ഗീയ സംഘര്‍ഷമുണ്ടായ പ്രദേശങ്ങളില്‍ സൈന്യം പട്രോളിങ് നടത്തുന്നു

കൃസ്ത്യന്‍ വിദ്യാര്‍ഥി പ്രവാചകന്റെ കാര്‍ട്ടൂണ്‍ വരച്ചതുമായി ബന്ധപ്പെട്ട

സംഘര്‍ഷം വര്‍ഗീയ കലാപമായി വളര്‍ന്നു. ഈജിപ്തിലെ അസ്യുട്

പ്രവിശ്യയിലാണ് പ്രശ്നം കലാപത്തിന്റെ സ്വഭാവമാര്‍ജിച്ചത്.

പ്രവാചകനെകുറിച്ചുള്ള കാര്‍ട്ടൂണ്‍ ഓണ്‍ലൈനില്‍ പോസ്റ്റ് ചെയ്ത

വിദ്യാര്‍ഥിയുടെ വീടും പിതാവിന്റെ കടയും ആക്രമിക്കാന്‍

ശ്രമിച്ചതോടെയാണ് പ്രശ്നം ആളിക്കത്തിയത്. നിരവധി കൃസ്ത്യന്‍ വീടുകള്‍

കത്തിച്ചതായും അഞ്ച് പൊലീസ് ഓഫീസര്‍മാര്‍ക്ക് പരിക്കേറ്റതായും പൊലീസ്

അറിയിച്ചു. വിദ്യാര്‍ഥിയുടെ വീടിന് പൊലീസ് സംരക്ഷണം ഏര്‍പെടുത്തി.

വിദ്യാര്‍ഥിയെ അറസ്റ്റ് ചെയ്തതായി അസിസ്റ്റന്റ് ഗവര്‍ണര്‍ അബ്ദുല്‍റഹീം

ബോറി പറഞ്ഞു. വിദ്യാര്‍ഥിയുടെ പിതാവിന്റെ തൊട്ടടുത്ത ഗ്രാമത്തിലെ കട

ഒരുവിഭാഗം കത്തിച്ചതോടെ തൊട്ടടുത്ത വീട്ടുകാരുമായി സംഘട്ടനമുണ്ടായി.

സംഘര്‍ഷം തടയാനായി രാഷ്ട്രീയ പാര്‍ട്ടി പ്രതിനിധികളുടെയും കൃസ്ത്യന്‍

പള്ളിയുമായി ബന്ധപ്പെട്ടവരുടെയും കഴിഞ്ഞ തെരഞ്ഞെടുപ്പില്‍ വിജയിച്ച

സലഫിമുസ്ലിം വിഭാഗം നേതാക്കളുടെയും അടിയന്തിര യോഗം വിളിച്ചതായി

അബ്ദുല്‍ റഹീം പറഞ്ഞു. പുതുവര്‍ഷാഘോഷം പ്രമാണിച്ച് കൃസ്ത്യന്‍

പള്ളികള്‍ക്കുള്ള സൈനിക സുരക്ഷ വര്‍ധിപ്പിച്ചതായി സൈനിക തലവന്‍

ഹുസൈന്‍ താന്തവി അറിയിച്ചു.

ക്രിസ്ത്യന്‍ ആരാധനാലയങ്ങള്‍ക്കു നേരെയുള്ള അക്രമങ്ങള്‍ തടയാന്‍ പാര്‍ട്ടി

പ്രവര്‍ത്തകരോട് ഈജിപ്തിലെ പ്രമുഖ സംഘടനയായ മുസ്ലിം ബ്രദര്‍ഹുഡ്

നേരത്തെ ആഹ്വാനം ചെയ്തിരുന്നു. കഴിഞ്ഞ വര്‍ഷം

പുതുവല്‍സരാഘോഷത്തിനിടെ അലക്സാന്‍ഡ്രിയയിലെ ഒരു കൃസ്ത്യന്‍

പള്ളിയിലുണ്ടായ ചാവേര്‍ സ്ഫോടനത്തില്‍ 20 പേര്‍ കൊല്ലപ്പെടുകയുണ്ടായി.

അമേരിക്കയില്‍ ബാങ്കുകള്‍ ജപ്തിചെയ്ത വീടുകള്‍ കയ്യേറാന്‍ പുതിയസമരമുറ

2011-12-30T22:39:00.000-08:00

സമരക്കാര്‍ കയ്യേറിയ മോണിക്കയുടെ വീട്

അമേരിക്കയിലെ ഭവനരഹിതരെ മുന്നില്‍ നിര്‍ത്തി ഒക്യുപൈ വാള്‍സ്ട്രീറ്റ്

പ്രക്ഷോഭകര്‍ പുതിയ സമരമാര്‍ഗം തുറക്കുന്നു. അടവുതെറ്റിയതിന്റെ പേരില്‍

ബാങ്കുകള്‍ ജപ്തി ചെയ്ത വീടുകള്‍ കയ്യേറാനാണ് പുതിയ നീക്കം. ഇങ്ങിനെ

പല ഭാഗങ്ങളിലായി നിരവധി വീടുകള്‍ പ്രക്ഷോഭകര്‍ കയ്യേറിക്കഴിഞ്ഞു.

2008 മുതല്‍ അനുഭവപ്പെടുന്ന സാമ്പത്തിക തകര്‍ച്ചയും തൊഴിലില്ലായ്മയും

കാരണം നിരവധി അമേരിക്കക്കാര്‍ക്ക് സ്വന്തം വീടുകള്‍ നഷ്ടപ്പെട്ടുകഴിഞ്ഞു.

ഏതാണ്ട് ഏഴു ലക്ഷം വീടുകള്‍ ഇപ്പോള്‍ അമേരിക്കയിലെ വിവിധ

ബങ്കുകുളുടെ കയ്യിലാണ്. ഇവിടങ്ങളില്‍ ആള്‍താമസമില്ല. ഈ

സാഹചര്യത്തിലാണ് ഒക്യുപൈ ഹോം എന്ന സമരമുറയുമായി ഇവര്‍

രംഗത്തു വന്നിരിക്കുന്നത്. പുതിയ വര്‍ഷത്തില്‍ ലക്ഷക്കണക്കിനു വീടുകള്‍

പുതിയതായി ബാങ്കുകള്‍ ഏറ്റെടുക്കാന്‍ പോവുകയാണ്. ഏതാണ്ട് 20

നഗരങ്ങളിലാണ് പുതിയ സമരമുറ ആരംഭിക്കുന്നത്. കാല്‍ലക്ഷത്തോളം

പേര്‍ക്ക് വീടുകള്‍ നഷ്ടമായ മിനൊസോട്ടയില്‍ ഒരുവീട് ഇവര്‍ കയ്യേറിയതിന്റെ

വാര്‍ത്ത കഴിഞ്ഞ ആഴ്ച അല്‍ജസീറയുടെ ഒരു ബ്ളോഗില്‍

പ്രസിദ്ധീകരിച്ചിരുന്നു. മോണിക്ക വൈറ്റ് എന്ന സ്ത്രീയുടെ വീട് ജപ്തി

ചെയ്യാനുള്ള നീക്കം തടഞ്ഞ സമരക്കാര്‍ ഇപ്പോള്‍ ഈ ഇരു നില വീടിന് കാവല്‍

കിടക്കുന്നു. മുകളിലത്തെ നിലയില്‍ മോണിക്കയും കുടുംബവും. താഴെ

സമരക്കാരും. നവംബറില്‍ വീട് ജപ്തിചെയ്യാന്‍ ഉദ്യോഗസ്ഥര്‍ എത്തിയിരുന്നു.

എന്നാല്‍ അപ്പോള്‍ തന്നെ വിവിധ വാര്‍ത്താ മാധ്യമങ്ങളെയും ചാനലുകളെയും

ക്യാമറക്കാരെയും വിവരമറിയിച്ച സമരക്കാര്‍ ജപ്തി നടപടി തടയാന്‍

ശ്രമിച്ചു. ക്യാമറക്കാരുടെ മുമ്പില്‍ ഒരുബലപ്രയോഗത്തിനൊരുങ്ങാതെ

ഉദ്യോഗസ്ഥര്‍ പിന്‍വാങ്ങി. ഇനിയെന്തായിരിക്കും ബാങ്കുകാരുടെ

നടപടിയെന്നറിയാതെ കാത്തിരിപ്പിലാണ് മോണിക്കയും സമരക്കാരായ

സുഹൃത്തുക്കളും. അമേരിക്കയില്‍ തെരഞ്ഞെടുപ്പ് ആസന്നമായ ഘട്ടത്തില്‍

പ്രകോപനപരമായ നടപടിയുണ്ടാകില്ലെന്ന പ്രതീക്ഷയിലാണ് പ്രക്ഷോഭകര്‍.

ദാരിദ്യ്രം: അമ്മമാര്‍ കുഞ്ഞുങ്ങളെ ഉപേക്ഷിക്കുന്നു

2011-12-29T21:15:00.000-08:00

കുഞ്ഞുങ്ങള്‍ പള്ളിക്കാര്‍ സൌജന്യമായി നല്‍കിയ ഭക്ഷണവുമായി

ദാരിദ്യ്രവും തൊഴിലില്ലായ്മയും കടുത്തതോടെ ഗ്രീസിലെ ദരിദ്രകുടുംബങ്ങള്‍

മക്കളെ ഉപേക്ഷിക്കുന്നു. ലോകം കോടികളുടെ ആയുധങ്ങള്‍

വാങ്ങിക്കൂട്ടുമ്പോള്‍ അമ്മമാര്‍ സ്വന്തം കുഞ്ഞുങ്ങളെ തെരുവിലോ ആശുപത്രി

ഗേറ്റുകളിലോ പള്ളികളിലോ ചവറ്റു കൂനകളിലോ ഉപേക്ഷിക്കുന്നു.

സാമ്പത്തിക മാന്ദ്യത്തെ തുടര്‍ന്ന് സര്‍ക്കാര്‍ തല ക്ഷേമപ്രവര്‍ത്തനങ്ങള്‍

വെട്ടിക്കുറക്കുകയും ശമ്പളം 60 ശതമാനം വരെയും പെന്‍ഷന്‍ 20 ശതമാനം

വരെയും വെട്ടിക്കുറക്കുന്ന സാഹചര്യത്തില്‍ മക്കളെ പോറ്റാന്‍

ഒരുഗതിയുമില്ലാതായവരാണ് കുഞ്ഞുങ്ങളെ ഉപേക്ഷിക്കുന്നത്. ഗ്രീസിലെ ഒരു

തുറമുഖ നഗരമായ പാട്രാസിലെ ദിമിത്രി ഗാസ്പരിനാറ്റോയും (42) ഭാര്യ

ക്രിസ്റ്റീനയും(37) ചേര്‍ന്ന് പത്തില്‍ നാലു മക്കളെയെങ്കിലും ഏറ്റെടുക്കണമെന്ന്

നഗരപിതാവിനോട് ആവശ്യപ്പെട്ടതോടെയാണ് പ്രശ്നം ലോകമാധ്യമങ്ങളുടെ

മുഖ്യചര്‍ച്ചാ വിഷയമായത്. മൂന്ന് ആണ്‍മക്കളെയും ഒരു മകളെയും

ഏറ്റെടുക്കണമെന്നാണ് ആ്വശ്യം. ബാക്കി ആറുമക്കളെ (മൂന്ന് ആണും മൂന്ന്

പെണ്ണും) നേരാംവണ്ണം നോക്കാന്‍ ഇതല്ലാതെ മറ്റു വഴിയില്ലെന്നും രക്ഷിതാക്കള്‍

പറയുന്നു.

കുഞ്ഞുങ്ങളെ ഉപേക്ഷിക്കാന്‍ തീരുമാനിച്ച ദിമിത്രി ഗാസ്പരിനാറ്റോ

സാമ്പത്തിക തകര്‍ച്ചയിലും കടക്കെണിയിലും പെട്ടുപോയ ഗ്രീസിന്

സാമ്പത്തിക സഹായം നല്‍കാന്‍ യൂറോപ്യന്‍ യൂനിയനും ഐ.എം.എഫും

സമ്മതിച്ചിട്ടുണ്ട്. എന്നാല്‍ ഈ സമ്മതത്തിന്റെ മറവില്‍ ജനക്ഷേമ

പ്രവൃത്തികള്‍ വെട്ടിച്ചുരുക്കാന്‍ ഗ്രീസിനെ കൊണ്ട് അവര്‍ സമ്മതിപ്പിച്ചു.

ഏതന്‍സില്‍ മാത്രം 30000 സര്‍ക്കാര്‍ ജീവനക്കാരുടെ ശമ്പളം 60 ശതമാനം

വെട്ടിച്ചുരുക്കമെന്ന് നോട്ടീസ് നല്‍കിയിരിക്കയാണ്. അതേസമയം കാര്‍ മുതല്‍

സിഗരറ്റ് വരെയുള്ള സാധനങ്ങള്‍ അടക്കം എല്ലാറ്റിനും നികുതി

വര്‍ധിപ്പിക്കുകയും ചെയ്തു. നേരത്തെ ലോണെടുത്ത് വീടുവാങ്ങിയവരും

വീടുണ്ടാക്കിയവരുമായ 20000 പേരെങ്കിലും ലോണടക്കാനാവാതെ

കുടിയിറക്കപ്പെട്ടിരിക്കയാണ്. ഈ ദുരവസ്ഥ ജനങ്ങളില്‍ മദ്യപാനം,

മയക്കുമരുന്നുപയോഗം, മനോരോഗം എന്നിവ സൃഷ്ടിച്ചിരിക്കയാണെന്നും

റിപ്പോര്‍ട്ടുണ്ട്. പുതുവര്‍ഷം ഗ്രീസുകാരുടെ ജീവിതം അതീവ ദുസ്സഹമാകാന്‍

പോകയാണ്. മക്കളെ ഉപേക്ഷിക്കാന്‍ നിര്‍ബന്ധിതരാകുന്നവരുടെ എണ്ണം വരും

ദിനങ്ങളില്‍ ഗണ്യമായി വര്‍ധിക്കുമെന്നാണ് സൂചന. കുട്ടികളെ

ഉപേക്ഷിക്കേണ്ടി വരുന്ന അവസ്ഥയില്‍ നിന്ന് കുടുംബ ആത്മഹത്യകളിലേക്ക്

പ്രശ്നം വഷളാകാനുള്ള സാധ്യതയുമുണ്ട്.

ഇതാ പുതുവര്‍ഷം ആസന്നം. നമ്മുടെ മുന്നിലെ ഭീകരവും ദാരുണവുമായ

യാഥാര്‍സഥ്യങ്ങള്‍ ഇവയൊക്കെയാണ്. ഇവയെ ലോകം എങ്ങിനെ

മറികടക്കുമെന്ന് നമുക്കാര്‍ക്കും പറയാനാവില്ല.

ബോസ്നിയയില്‍ സംയുക്ത സര്‍ക്കാരിന് ധാരണ

2011-12-28T21:52:00.000-08:00

14 മാസമായി സര്‍ക്കാര്‍ നിലവിലില്ലാത്ത ബോസ്നിയയില്‍ മുസ്ലിം, സെര്‍ബ്,

ക്രോട്ട് വിഭാഗങ്ങള്‍ ചേര്‍ന്ന് ഒരു സംയുക്ത സര്‍ക്കാര്‍ രൂപവല്‍കരിക്കാന്‍

മൂന്ന് വിഭാഗങ്ങളുടെയും നേതാക്കള്‍ ധാരണയിലെത്തി. 2010 ഒക്ടോബറില്‍

നടന്ന തെരഞ്ഞെടുപ്പനു ശേഷമാണ് ഇവിടെ സര്‍ക്കാരില്ലതായത്. ഒരു

ലക്ഷത്തോളം പേര്‍ കൊല്ലപ്പെട്ട തൊണ്ണൂറുകളിലെ യുദ്ധത്തിനു ശേഷം

പരസ്പരഐക്യം സ്ഥാപിച്ചെടുക്കാനാവാതെ അനിശ്ചിതാവസ്ഥയില്‍

കഴിയുകയായിരുന്നു രാജ്യം. യുദ്ധാനന്തരം ബോസ്നിയ രണ്ട് അര്‍ധ

സ്വയംഭരണാധികാര റിപ്പബ്ലിക്കുകളായി രൂപം കൊണ്ടു. സെര്‍ബുകള്‍ക്ക്

ഭൂരിപക്ഷമുള്ള ഒരു റിപ്പബ്ലിക്കും (srpska), ബോസ്നിയ ഹെര്‍സഗോവ്നയും.

യൂറോപ്യന്‍ യൂനിയന്റെ നേതൃത്വത്തില്‍ നടന്ന ചര്‍ച്ചകളുടെ ഒടുവിലാണ്

പുതിയ ധാരണയിലെത്തിയത്. ഇതനുസരിച്ച് ബോസ്നിയക്കായി ഒരു

സംയുക്ത ബജറ്റിന് രൂപം നല്‍കണം. പ്രധാനമന്ത്രി ഒരു ബോസ്നിയന്‍ ക്രോട്ട്

വംശജനായിരിക്കും. വിദേശകാര്യ മന്ത്രി ബോസ്നിയന്‍ മുസ്ലിമും. മാസങ്ങള്‍

നീണ്ട മാധ്യസ്ഥ ചര്‍ച്ചകള്‍ക്കൊടുവിലാണ് ഇതതരമൊരു ധാരണ രൂപപ്പെട്ടത്.

രാജ്യത്ത് ഒരു സെന്‍സസ് നടത്താനും അതനുസരിച്ച് സര്‍ക്കാര്‍ സഹായങ്ങള്‍

വിഭജിച്ചു നല്‍കാനും ധാരണയായിട്ടുണ്ട്. പുതിയ കേന്ദ്രീകൃത ബോസ്നിയന്‍

സര്‍ക്കാര്‍ അടുത്തമാസം നിലവില്‍ വരുമെന്നാണ് കരുതുന്നത്.

വംശീയമായ പോരാട്ടങ്ങളും യുദ്ധസമാനമായ അവസ്ഥകളും മറികടന്ന്

വംശീയമായ ഐക്യത്തിലേക്ക് ബോസ്നിയ വികസിക്കുമോ എന്ന് കാലം

തന്നെ തെളിയിക്കണം. വംശീയ അധികാര മത്സരങ്ങളുടെ അവസ്ഥ അതാണ്.

ബോസ്നിയയില്‍ യൂറോപ്യന്‍ യൂനിയന്റെയും നാറ്റോ ശക്തികളുടെയും

താല്‍പര്യം കൂടി അറിഞ്ഞു വേണം ഇക്കാര്യത്തില്‍ ഒരു

അനുമാനത്തിലെത്താന്‍.

for ref: http://news.bbc.co.uk/2/hi/europe/country_profiles/1066886.stm

യാഥാസ്ഥിക വിഭാഗത്തിന്റെ സ്ത്രീവിരുദ്ധ നിലപാട് ഇസ്രായേലിന് അപമാനം

2011-12-27T23:56:00.000-08:00

                                                   നാമയും മാതാവ് ഹദസ്സയും

സ്ത്രീകളെ മാത്രമല്ല കൊച്ചു പെണ്‍കുട്ടികളെ പോലും സമൂഹത്തില്‍ നിന്ന്

അഥവാ പൊതുസ്ഥലത്തു നിന്ന് അകറ്റി നിര്‍ത്തണമെന്ന് വാദിക്കുന്ന തീവ്ര

യാഥാസ്ഥിക വിഭാഗം ഇസ്രായേലിനെ നാണംകെടുത്തുന്നു. ഏതാണ്ട് 77 ലക്ഷം

ജനസംഖ്യയുള്ള ഇസ്രായേലില്‍ കേവലം പത്തു ശതമാനം മാത്രമുള്ള

തീവ്രയാഥാസ്ഥിതിക വിഭാഗത്തില്‍ ചെറിയൊരു വിഭാഗം മാത്രമാണ് ഈ

സ്ത്രീവിരുദ്ധ നിലപാടുമായി ഒരു രാജ്യത്തിനു മാത്രമല്ല മനുഷ്യകുലത്തിനു

തന്നെ അപമാനം സൃഷ്ടിക്കുന്നത്.

പുരുഷന്മാരോടൊപ്പം സ്ത്രീകള്‍ ബസില്‍ യാത്ര ചെയ്യരുത് എന്ന

ആവശ്യവുമായി ഈ വിഭാഗം ഏറെനാളായി ചിലപ്രദേശങ്ങളില്‍ പ്രശ്നം

സൃഷ്ടിക്കുന്നുണ്ട്. പരസ്യ ബോര്‍ഡുകളിലും മറ്റും സ്ത്രീകളുടെ ചിത്രം

ചേര്‍ക്കരുതെന്നും നൃത്തം സംഗീതം തുടങ-ി്യ പൊതുപരിപാടികളില്‍

സ്ത്രീകള്‍ പങ്കെടുക്കരുതെന്നുമൊക്കെയാണ് ഇവരുടെ ആവശ്യം.

എട്ടുവയസുകാരിയായ നാമ മര്‍ഗൊലീസെ എന്ന പെണ്‍കുട്ടിയുടെയും

കുടുംബത്തിന്റെയും കണ്ണീരിന്റെ കഥ ഇസ്രയേലിലെ ഒരുവിഭാഗം

മാധ്യമങ്ങള്‍ പുറത്തു വിട്ടതോടെ സംഭവത്തിന്റെ ഗൌരവം അധികാരികളും

അറിഞ്ഞു. സ്കൂളില്‍ പോകുമ്പോഴും വരുമ്പോഴൂം ഈ അതിതീവ്രവാദ

പുരുഷന്മാര്‍ അവളെ തെറിവിളിക്കുകയും കാര്‍ക്കിച്ചു തുപ്പുകയും മാത്രമല്ല

വേശ്യയെന്നും 'നാസി' എന്നും വിളിച്ച് അധിക്ഷേപിക്കുകയും ചെയ്യുന്നതിന്റെ

ദൃശ്യങ്ങളാണ് പുറത്തുവന്നത്. നാമയുടെ മാതാവ് ഹദസ്സയുടെ

അനുഭവവവും ഇതുതന്നെ.

ഈ ചെറുവിഭാഗത്തിന്റെ ( ഹരേദി വിഭാഗം) തീവ്രവാദ ഉപദ്രവങ്ങളില്‍

നിന്ന് ഭൂരിപക്ഷം വരുന്ന ഇസ്രായേലികളെ രക്ഷിക്കാന്‍ രാഷ്ട്രം ഒന്നിച്ചു

നില്‍ക്കണമെന്ന് ഇസ്രായേല്‍ പ്രസിഡണ്ട് പരസ്യമായി പ്രസ്താവിക്കുന്നതു

വരെയെത്തി പ്രശ്നത്തിന്റെ ഗൌരവം. ലോകത്തിനു മുമ്പില്‍ ഇസ്രയേലിന്റെ

മാനക്കേട് ഇല്ലാതാക്കണമെന്ന് മറ്റു നേതാക്കളും ആവശ്യപ്പെട്ടിരിക്കയാണ്.

എന്നാല്‍ ഈ തീവ്രവാ വിഭാഗത്തെ തൊട്ടുകളിക്കാന്‍ രാഷ്ട്രീയക്കാര്‍ക്ക്

ധൈര്യം പോര. പത്തു ശതമാനം വോട്ട് വലിയ ശക്തിയാണല്ലോ!

ബൈത്ത് ശമേഷിലെ സ്കൂള്‍ വിദ്യാര്‍ഥിനിയുടെ കഥ പ്രക്ഷേപണം

ചെയ്തതിന്റെ രണ്ടാം നാള്‍ ഇവിടെ പ്രശ്നം റിപ്പോര്‍ട്ട് ചെയ്യാനെത്തിയ

സംഘത്തെ ഈ ഹരേദികള്‍ അടിച്ചോടിച്ചു. റിപ്പോര്‍ട്ടര്‍ക്ക് പരിക്കു പറ്റി.

ക്യാമറ അവര്‍ പിടിച്ചെടുത്തു. വാഹനത്തിനു നേരെ കല്ലെറിഞ്ഞു.

കന്യകാത്വപരിശോധനക്ക് കോടതി വിലക്ക്

2011-12-27T22:13:00.000-08:00

samira

ഈജിപ്ത് പട്ടാളം പ്രക്ഷോഭകാരികളായ വനിതകളെ കന്യകാത്വ

പരിശോധനക്ക് വിധേയരാക്കിയത് നിയമവിരുദ്ധവും സ്ത്രീകളുടെ

മനുഷ്യാവകാശത്തിന്റെ ലംഘനവുമാണെന്ന് ഈജിപ്ത് കോടതി വിധിച്ചു.

ചൊവ്വാഴ്ചയാണ് ഈജിപ്തിലെ വിപ്ളവ മുന്നേറ്റങ്ങള്‍ക്ക് ശക്തിപകരുന്ന

ഈ വിധി വന്നത്. ഈജിപ്തിന്റെ ഭരണം സൈനിക കൌണ്‍സിലിന്റെ

നിയന്ത്രണത്തിലിരിക്കെയാണ് ഈ വിധി.

കഴിഞ്ഞ മാര്‍ച്ച് 9 ന് തെഹരീര്‍ സ്ക്വയറിലെ സമരങ്ങള്‍ക്കിടയിലാണ്

ആക്ടിവിസ്റ്റായ സമീറാ ഇബ്രാഹിം(25) അടക്കം ഇരുപത് സ്ത്രീകളെ പട്ടാളം

കസ്റ്റഡിയിലെടുത്തത്. ഇതില്‍ ഏഴൂ സ്ത്രീകളെ പട്ടാളക്കാരുടെ മുന്നില്‍ വെച്ച്

പുരുഷ പട്ടാള ഡോക്ടര്‍ കന്യകാത്വ പരിശോധനക്ക് വിധേയരാക്കി.

ഇതിനെതിരെ സമീറ നല്‍കിയ പരാതിയിലാണ് കോടതി വിധി.

പിന്നീട് ഇവരെ വിട്ടയക്കുകയും പട്ടാളമേധാവികളുടെ നിര്‍ദ്ദേശ പ്രകാരം

ജോലിയില്‍ നിന്ന് സസ്പെന്‍ഡ് ചെയ്യുകയുമുണ്ടായി. മനുഷ്യാവകാശ

പ്രവര്‍ത്തകയായ സമീറ മാത്രമാണ് കന്യകാത്വ പരിശോധനക്കെതിരെ

പട്ടാളമേധാവികളുടെ പേരില്‍ കേസ് കൊടുക്കാന്‍ തയാറായത്.

പട്ടാളത്തിന്റെ കന്യകാത്വ പരിശോധന ഉടന്‍ നിര്‍ത്തി വെക്കാുനും കോടതി

നിര്‍ദ്ദേശിച്ചിട്ടുണ്ട്.

'വിധിയില്‍ താന്‍ സന്തോഷവതിയാണെന്നും പട്ടാളത്തിനെതിരായ ഒന്നാം ഘട്ട

വിജയം മാത്രമാണിതെന്നും രണ്ടാം ഘട്ടവും ദൈവാനുഗ്രഹത്താല്‍ വൈകാതെ

ഉണ്ടാകുമെന്നും' സാമിറ പറഞ്ഞു.

സൈനിക ജയിലിനകത്തെ കന്യകാത്വ പരിശോധന നിര്‍ത്താന്‍

ഉത്തരവിടുന്നതായി വിധി പ്രഖ്യാപിച്ചു കൊണ്ട് ജഡ്ജി അലി ഫക്രി

പ്രഖ്യാപിക്കുകയായിരുന്നു. എന്നാല്‍ കന്യകാത്വ പരിശോധന നടത്താന്‍

തീരുമാനിച്ചിട്ടില്ലെന്നും അത് സൈനിക നടപടിയല്ലെന്നും അതിനാല്‍ അത്

തടയേണ്ട ആവശ്യം ഉദിക്കുന്നില്ലെന്നും സൈനിക നീതിന്യായ അതോറിറ്റി

ജനറല്‍ ആദല്‍ മുര്‍സി പറഞ്ഞു. സൈനിക നേതൃത്വം വിധിയുടെ ഗൌരവമോ

പ്രശ്നത്തിന്റെ ഗൌരവമോ അംഗീകരിക്കുന്നില്ലെന്ന് വ്യക്തമാക്കുന്നതാണ്

ഈ പ്രതികരണം.

മാര്‍ച്ചിനു ശേഷവും ബലമായി കന്യകാത്വം പരിശോധിക്കുക എന്നനടപടി

പലതവണ ആവര്‍ത്തിക്കപ്പെട്ടു. കഴിഞ്ഞ മാസം പത്രപ്രവര്‍ത്തകകൂടിയായ

മോന എല്‍താ ഹാവിയെ പട്ടാളം കസ്റ്റഡിയിലെടുക്കുയും ലൈംഗികമായി

പീഡിപ്പിക്കുകയും കന്യകാത്വ പരിശോധനക്ക് വിധേയയാക്കുകയും

ചെയ്തിരുന്നു. ഇതിനെതിരെ അന്താരാഷ്ട്ര തലത്തില്‍ തന്നെ പ്രതിഷേധം

ശക്തമാവുകയുണ്ടായി.

(http://bhoomivaathukkal.blogspot.com/search?updatedmax=20111127T02:04:0008:00&maxresults=7)

തന്നെ ലൈംഗികമായി മാത്രമല്ല ശാരീരികമായും പീഢിപ്പിച്ചതായി ജയിലിനു

പുറത്തു വന്ന മോന എഴുതുകയുണ്ടായി. പട്ടാളക്കാരുടെ മര്‍ദ്ദന ഫലമായി

ഇരു കൈകളിലെയും എല്ലിന് ക്ഷതം സംഭവിച്ചിരുന്നു.
(http://www.facebook.com/l.php?u=http%3A%2F%2Fwww.guardian.co.uk%2Fworld%2F2011%2Fdec%2F23%2Fmonaeltahawyassaultegyptianforces&h=7AQEQLSLgAQFaCNfG6CD7PsYFzlsJUQhhT0lrPuknOo5Q)

പട്ടാളത്തിന്റെ മര്‍ദ്ദനത്തില്ഇരുകൈകള്‍ക്കും പരിക്കേറ്റ പത്രപ്രവര്‍ത്തകയും ബ്ളോഗറുമായ എല്‍താഹാവി
.

റഷ്യന്‍ എഴുത്തുകാരന്‍ ഉദാല്‍സൊവിന് വീണ്ടും ജയില്‍ ശിക്ഷ

2011-12-26T22:51:00.000-08:00

റഷ്യന്‍ പ്രതിപക്ഷ നേതാവ് സെര്‍ജി ഉദാല്‍സൊവിന് വീണ്ടും ജയില്‍ ശിക്ഷ.

ഇപ്പോള്‍ പത്ത് ദിവസത്തേക്കാണ് ശിക്ഷ. ഇതിനെതിരെ പ്രതിപക്ഷ

സംഘടനകള്‍ പ്രക്ഷോഭത്തിനൊരുങ്ങുകയാണ്. പുടിന്റെ തെരഞ്ഞെടുപ്പ്

ക്രമക്കേടുകള്‍ക്കെതിരെ രണ്ടാം ഘട്ട പ്രതിഷേധ പ്രകടനം കഴിഞ്ഞ

ഞായറാഴ്ചയാണ് നടന്നത്. ഉദാല്‍സൊവിന്റെ ശിക്ഷക്കെതിരെ വീണ്ടും

പ്രതിഷേധപ്രകടനം നടത്താനൊരുങ്ങുകയാണ് റഷ്യക്കാര്‍. റഷ്യന്‍

ബ്ളോഗര്‍മാര്‍ ഇതിനെതിരെ കാമ്പയിന്‍ ആരംഭിച്ചു കഴിഞ്ഞു. ജയില്‍

മോചനം ആവശ്യപ്പെട്ട് ഇതിനകം ഫേസ്ബുക്കില്‍ 1500 ല്‍ അധികം പേര്‍

സൈനപ്ചെയ്തു കഴിഞ്ഞു. കഴിഞ്ഞ ഞായറാഴ്ച ജഡ്ജി ഓല്‍ഗാ

ബൊറോവ്കോവയാണ് പത്തു ദിവസത്തെ ജയില്‍ ശിക്ഷ വിധിച്ചത്.

ഒരുമാസത്തെ ജയില്‍ ശിക്ഷ കഴിഞ്ഞ് പുറത്തുവന്ന ഉടനെയാണ് വീണ്ടും

ജയില്‍ ശിക്ഷ. കഴിഞ്ഞ തവണ ജയിലില്‍ തുടര്‍ച്ചയായി നിരാഹാര സമരം

നടത്തിയതിനെ തുടര്‍ന്നാണ് ഉദാല്‍സൊവിനെ മോചിപ്പിച്ചത്. ഇക്കൊല്ലത്തെ

അദ്ദേഹത്തിന്റെ 14 ാമത് അറസ്റ്റും ശിക്ഷയുമാണിത്. തെരഞ്ഞെടുപ്പ് കമീഷന്‍

ഓഫീസിനു മുമ്പില്‍ ഒറ്റയാള്‍ പിക്കറ്റിങ് നടത്തിയപ്പോള്‍ അറസ്റ്റ്

ചെയ്യാനെത്തിയ പൊലീസിനെ അനുസരിച്ചില്ല എന്നതായിരുന്നു ജഡ്ജി

ബൊറോവ്കോവ കണ്ട കുറ്റം. ശിക്ഷ വിധിക്കുമ്പോള്‍ കോടതിക്ക് അകത്തും

പുറത്തും നൂറുകണക്കിന് പ്രതിഷേധക്കാര്‍ നിലയുറപ്പിച്ചിരുന്നു. '

ബൊറോവ്കോവ ചെകുത്താന്റെ ജോലിക്കാരി' യാണെന്ന് മുദ്രാവാക്യം

വിളിച്ചായിരുന്നു അവരുടെ പ്രതിഷേധം. പ്രതിഷേധക്കാരില്‍ ഒരാളായ

പരിസ്ഥിതി പ്രവര്‍ത്തകന്‍ യാരോസ്ലാവ് നികിതെന്‍കൊവിനെ പൊലീസ്

അറസ്റ്റ് ചെയ്തു. ഇദ്ദേഹത്തിനും കോടതി പത്തു ദിവസത്തെ ശിക്ഷ വിധിച്ചു.

അനുമതിയില്ലാതെ റാലി നടത്തിയതിനായിരുന്നു ശിക്ഷ. പ്രമുഖ ബ്ളോഗറും

പ്രതിപക്ഷ നേതാവുമായ അലക്സീ നവല്‍നിയും നൂറുകണക്കിനു

പ്രവര്‍ത്തകരും അറസ്റ്റില്‍ പ്രതിഷേധിച്ച് തിങ്കളാഴ്ച തന്നെ പ്രകടനം

നടത്തുകയുമുണ്ടായി.

പാക്കിസ്ഥാനിലും മാറ്റത്തിന്റെ ദിനങ്ങള്‍ ആസന്നം

2011-12-25T23:25:00.000-08:00

പാക്കിസ്താനികളും മാറ്റം കൊതിക്കുന്നു. അക്രമാസക്തമായ രാഷ്ട്രീയവും

ബോബ്-ഭീകരാക്രമണരാഷ്ട്രീയവും അവര്‍ക്കു മടുത്തിരിക്കുന്നു.

അഴിമതിക്കും അക്രമത്തിനും എതിരെ പാക്കിസതാനിലും ജനങ്ങള്‍

സംഘടിക്കുകയാണ് എന്നു വേണം പുതിയ മാറ്റങ്ങളില്‍ നിന്ന് മനസിലാക്കാന്‍.

ഞായറാഴ് കറാച്ചിയില്‍ നടന്ന പാക്കിസതാന്‍ തഹ്രീകെ ഇന്‍സാഫ് പാര്‍ട്ടിയുടെ

റാലിയില്‍ അണിനിരന്ന ഒരു ലക്ഷത്തോളം ജനങ്ങള്‍ ഇതിന്റെ

സൂചനയാണെന്നാണ് നിരീക്ഷകര്‍ വ്യക്തമാക്കുന്നത്. പാക്ക് ക്രിക്കറ്റര്‍

ഇമ്രാന്‍ഖാന്‍ സ്ഥാപിച്ച പാര്‍ട്ടിയായാണ് തഹ്രീകെ ഇന്‍സാഫ് പാര്‍ട്ടി.

നീതിയാണ് അതിന്റെ പ്രധാനമുദ്രാവക്യം. ഇന്‍സാഫ് എന്ന പേര് അതിന്റെ

തെളിവാണ്.

2013 ലാണ് പാക്കിസഥാനില്‍ പൊതു തെരഞ്ഞെടുപ്പു നടക്കേണ്ടത്. കഴിഞ്ഞ

രണ്ടുമൂന്നു റാലികളില്‍ ഇതുതന്നെയാണ് പാക്കിസ്ഥാനിലെ വിവിധ

പ്രവിശ്യകളിലെ ജനങ്ങളുടെ പ്രതികരണം.

പാക്കിസ്ഥാനെ ഒരു ഇസ്ലാമിക ക്ഷേമരാഷ്ട്രമാക്കുകയാണ് തന്റെ

ലക്ഷ്യമെന്നാണ് ഇമ്രാന്‍ഖാന്റെ പ്രഖ്യാപനം. പാക്കിസ്ഥാനിലെ പ്രമുഖ

രാഷ്ട്രീയ പാര്‍ട്ടികളില്‍ ജനങ്ങള്‍ക്ക് വിശ്വാസം നഷ്ടപ്പെട്ടു കഴിഞ്ഞ

സാഹചര്യത്തിലാണ് ഇന്‍സാഫ് പാര്‍ട്ടിയിലുള്ള ജനങ്ങളുടെ പ്രതീക്ഷ

തീവ്രമായിരിക്കുന്നത്.

പാക്കിസ്ഥാനിലെ അമേരിക്കന്‍ ഇടപെടലുകളെ കടുത്ത ഭാഷയില്‍

വിമര്‍ശിക്കുന്ന ഇമ്രാന് ജനങ്ങളുടെ പിന്തുണയുമുണ്ട്. വരും ദിവസങ്ങളില്യ്‍

പാക്കിസ്ഥാനില്‍ നാം കാണാന്‍ പോകുന്ന മുല്ലപ്പൂ വിപ്ളവം

ഇതായിരിക്കുമെന്നു വേണം കരുതാന്‍.

ബ്ളോഗര്‍ അലാ ജയില്‍ മോചിതനായി. മകനെ കണ്ടു

2011-12-25T21:53:00.000-08:00

അലാ അബ്ദല്‍ ഫതാഹ് മകനെയും ഭാര്യയെയും മൂന്നു മാസത്തെ ജയില്‍ വാസത്തിനു ശേഷം കണ്ടപ്പോള്‍

ബ്ളോഗര്‍ അലാ അബ്ദല്‍ ഫതാഹ് ജയില്‍ മോചിതനായി.

സഹപ്രവര്‍ത്തകയും ആക്ടിവിസ്റ്റുമായ

ഭാര്യ മനാല്‍ ഹസനെയും താന്‍ ജയിലില്‍ കിടക്കുമ്പോള്‍ ജനിച്ച മകനെയും

കണ്‍കുളിര്‍ക്കെ കണ്ടു. ജയില്‍ മോചിതനായ ഉടനെ അലാ പോയത് തന്റെ

കുഞ്ഞിനെ കാണാനാണ്. കഴിഞ്ഞ ഒക്ടോബറിലാണ് അലായെ ഈജിപ്തിലെ

സൈനിക ഭരണകൂടം അറസ്റ്റ് ചെയ്ത് ജയിലിലടച്ചത്. പട്ടാളത്തെ ആക്രമിക്കാന്‍

തന്റെ ബ്ളോഗെഴുത്തിലൂടെ ജനങ്ങളെ പ്രേരിപ്പിച്ചു എന്നതായിരുന്നു

ചുമത്തിയ കുറ്റം. ഡിസംബറില്‍ ഇങ്ങിനെ തടവിലായ 27 പ്രക്ഷോഭകരെ

സൈന്യം മോചിപ്പിച്ചിട്ടുണ്ട്.

ബ്ളോഗര്‍ അല അബ്ദല്‍ ഫതാഹ് ഉടന്‍ ജയില്‍ മോചിതനാകും

2011-12-25T09:11:00.000-08:00

അലായും ഭാര്യ മനാലും

ഈജിപ്തിലെ വിപ്ളവമുന്നളി പോരാളികളിലൊരാളായ ബ്ളോഗര്‍ അലാ

അബദല്‍ ഫതാഹ് ഉടന്‍ ജയില്‍ മോചിതനാകുമെന്ന് അദ്ദേഹത്തിന്റെ

ബന്ധുക്കള്‍ അറിയിച്ചു. കഴിഞ്ഞ ഒക്ടോബറ 30 നാണ് അലാ അറസ്റ്റിലായത്.

തഹരീര്‍ ചത്വരത്തിലെ പ്രക്ഷോഭങ്ങള്‍ക്കിടയിലായിരുന്നു പട്ടാളം അലായെ

അറസ്റ്റു ചെയ്തത്. പട്ടാളത്തിനു നേരെ ആക്രമണത്തിന് പ്രേരണ

നല്‍കിയെന്നതായിരുന്നു കുറ്റം. വിദേശ രാജ്യങ്ങളില്‍ നിന്നടക്കം നിരവധി പേര്‍

അലായെ സ്വതന്ത്രനാക്കണമെന്ന ആവശ്യവുമായി രംഗത്തു വന്നിരുന്നു.

അലായുടെ അറസ്റ്റില്‍ പ്രതിഷേധിച്ച് ലോകമാകെയുള്ള പ്രതിഷേധ സമരക്കാര്‍

ഒരുദിവസം റാലി സംഘടിപ്പിച്ചിരുന്നു.

അലാ ഉടന്‍ മോചിതനാകുമെന്ന് അദ്ദേഹത്തിന്റെ സഹോദരിയും

ആക്ടിവിസ്റ്റുമായ മോന സൈഫ് ആണ് ട്വിറ്ററിലൂടെ അറിയിച്ചത്.

ജയില്‍ മോചിതനായാല്‍ അലാ ആദ്യം തന്റെ വീട്ടിലേക്കാകും പോകുക.

അവിടെ അലായുടെ ആദ്യ സന്തതിയെ ഒരു നോക്കുകാണുകയാണ് പ്രധാനം.

സുരക്ഷാ സേനയുടെ ആക്രമണത്തില്‍ കൊല്ലപ്പെട്ട ഖാലിദിന്റെ പേരാണ് മകന്

നല്‍കിയിരിക്കുന്നത്. ഖാലിദിന്റെ വധത്തെ തുടര്‍ന്നുണ്ടായ പ്രക്ഷോഭ

സമരങ്ങളാണ് ഈജിപ്തിലെ പ്രസിഡണ്ട് ഹുസ്നി മുബാറക്കിനെ

പുറത്താക്കുന്നതില്‍ എത്തിയത്. സഹപ്രവര്‍ത്തകയും ആക്ടിവിസ്റ്റുമായ

മനാല്‍ ബാഹേ അല്‍ദിന്‍ ഹസനാണ് അലായുടെ പ്രിയതമ. അലാ

അറസ്റ്റിലായതിനു ശേഷം ഡിസംബര്‍ 11നാണ് ഖാലിദ് ജനിച്ചത്. ജയിലില്‍ നിന്ന്

തന്റെ മകന്റെ പിറവി സമയത്ത് അവളുടെ അടുത്തില്ലാതായതിന്റെ

വേദനകള്‍ അലാ എഴുതിയിട്ടുണ്ട്.

"How can I bear not being next to Manal [his wife] at this time? How can I bear waiting for news, waiting to hear if they're okay or not? How can I bear not seeing his face, not seeing his mother's face when she sees his?"

ആദ്യ മകനെ കാണാന്‍ അലാ ഉടന്‍ ജയിലില്‍ നിന്ന് പുറത്തുവരുമെന്ന്

ആശിക്കാം. മനാലിനെയും മകന്‍ ഖാലിദിനെയും കാണാന്‍ അലാ അബ്ദല്‍

ഫതാഹിന് ഉടനെ ഭാഗ്യമുണ്ടാകുമെന്ന് നമുക്ക് പ്രത്യാശിക്കാം.

റഷയില്‍ ചുകന്ന മുല്ലപ്പൂ വിപ്ലവം ആരംഭിച്ചു

2011-12-24T12:05:00.000-08:00

റഷയില്‍ ചുകന്ന മുല്ലപ്പൂ വിപ്ലവം ആരംഭിച്ചു

1991 ല്‍ സോവിയറ്റ് യൂനിയന്റെ തകര്‍ച്ചക്കു ശേഷം ഇത്രയും വലിയ ജനകീയ

പ്രക്ഷോഭം റഷ്യയില്‍ നടക്കുന്നത് ഇതാദ്യം. റഷ്യന്‍ ഭരണകക്ഷിക്കെതിരെ

നടക്കുന്ന അതിശക്തമായ സമരം. മോസ്കൊ അടക്കം റഷ്യയില്‍ 95 ഇടങ്ങളില്‍

ഇത്തരം പ്രതിഷധ സമരങ്ങള്‍ ഇന്നലെ നടന്നതായാണ് വിവരം. വ്ളാദ്മീര്‍

പുടിനെതിരെ രൂപം കൊണ്ട ഈ സമരം ഡിസംബര്‍ നാലിന് നടന്ന

തെരഞ്ഞെടുപ്പിലെ കൃത്രിമങ്ങള്‍ക്കെതിരെ സംഘടിപ്പിച്ച സമരങ്ങളെക്കാള്‍

ജനാപങ്കാളിത്തത്തില്‍ വളരെ മുന്നില്‍ നില്‍ക്കുന്നു. മോസ്കൊയില്‍ അരലക്ഷം

പേരുടെ പ്രകടനം നടത്താനാണ് അധികൃതര്‍ അനുമതി നല്‍കിയിരുന്നത്.

എന്നാല്‍ മുക്കാല്‍ ലക്ഷത്തിലധകം പേറ പ്രതിഷേധത്തില്‍ പങ്കെടുത്തു

എന്നാണ് വിവിരം. പുടിന്റെ ഭൂരിപക്ഷത്തിന് കനത്ത ഇടിവു തട്ടിയ ഈ

തെരഞ്ഞെടുപ്പില്‍ വ്യാപക കൃത്രിമങ്ങള്‍ നടന്നതായി ആരോപണം

ഉയര്‍ന്നിരുന്നു. ഇതിനെതിരെ നടന്ന ഒന്നാംഘട്ട സമരതത്തിന്റെ തുടര്‍ച്ചയാണ്

ഇന്നലെ നടന്ന രണ്ടാം ഘട്ട സമരം. ഒന്നാം ഘട്ടത്തില്‍ നിരവധി നേതാക്കളെ

അറസ്റ്റ് ചെയ്ത് ജയിലിലടച്ചിരുന്നുേ. എന്നാല്‍ ഇതൊന്നും പുടിനെതിരായ

ജനവികാരത്തിന് കുറവൊന്നുമുണ്ടാക്കിയില്ല. പകരം അത് അതിശക്തമായി

രാജ്യത്തുടനീളം അലയടിക്കുകയാണ്. റഷ്യയില്‍ പുതിയ , ചുകന്ന ഒരു മുല്ലപ്പൂ

വിപ്ലവം അരങ്ങത്തുണരുകയാണ്. പ്രസിഡണ്ട് മെദ്വദേവ് നിയമിച്ച

തെരഞ്ഞെടുപ്പു കൃത്രിമം അനേഷിക്കാനുള്ള സമിതി ഡിസംബര്‍ നാലിന് നടന്ന

തെരഞ്ഞെടുപ്പു മാറ്റി നടത്തണമെന്ന് റിപ്പോര്‍ട്ടില്‍ ആവശ്യപ്പെട്ടിരിക്കയാണ്.

പുടിന്‍ ഇത് അംഗീകരിക്കുകയും ചെയ്തിരിക്കുന്നു. തെരഞ്ഞെടുപ്പു

പരിഷ്കാരങ്ങള്‍ പുടിന്‍ അംഗീകരിച്ചിട്ടുണ്ട്. ഏതായാലും റഷ്യയില്‍

ചുകന്നൊരു മുല്ലപ്പൂ വിപ്ലവം നടന്നു തുടങ്ങിയിരിക്കുന്നു. ഇതിന്റെ

ഫലപ്രാപ്തി എന്തായിരിക്കുമെന്ന് കുറച്ചു കൂടി കാത്തിരിക്കേണ്ടി വരും.
-

ബ്ളോഗറമാര്‍ക്കും പത്രപ്രവര്‍ത്തകര്‍ക്കും വരാനിരിക്കുന്നത് പീഢനകാലം

2011-12-24T00:13:00.000-08:00

പാക്കിനിലെ പത്രപ്രവര്‍ത്തകന്‍ സൈദ് സലിം ഷഹസാദിന്റെ മൃതദേഹം സംസ്കരിക്കാന്‍ കൊണ്ടു പോകുന്നു.

ആഗോളവല്‍കരണം ലോകത്ത് സൃഷ്ടിച്ച മനുഷ്യവിരുദ്ധമായ

ലാഭക്കൊതിയുടെ സംസ്കാരത്തോടൊപ്പം അതിന്റെ സംഘാടകര്‍ പോലും

ഓര്‍ക്കാതെ വന്നുപെട്ട മാറ്റമാണ് സ്വാതന്ത്യ്രത്തിനും നീതിക്കും വേണ്ടിയുള്ള

ദാഹവും അതിനു വേണ്ടിയുള്ള ജനകീയ പോരാട്ടങ്ങളും. ടുണീഷ്യയില്‍

തുടങ്ങി ഈജിപ്ത്, സിറിയ, ലിബിയ, യമന്‍.... അമേരിക്കയിലും ബ്രിട്ടനിലും

ഫ്രാന്‍സിലുമെല്ലാം മാറ്റങ്ങളുടെ ഈ കൊടുങ്കാറ്റ് ആരംഭിക്കുകയോ,

ഭരണകൂടത്തെ ഇളക്കിമറിക്കുകയോ, പിഴുതെറിയുകയോ ചെയ്തിരിക്കുന്നു.

ഇന്നത് ഗ്രീസടക്കമുള്ള യൂറോപ്പിനെ മാത്രമല്ല കമ്യൂണിറ്റ് രാജ്യങ്ങളായ

ചൈനയിലും റഷ്യയിലുമെല്ലാം അതിന്റെ ചലനങ്ങള്‍

സൃഷ്ടിച്ചുകൊണൃണ്ടിരിക്കുന്നു. ചൈനയിലെ ടിയാനന്‍മെന്‍ സ്ക്വയറില്‍ നടന്ന

പഴയ വിപ്ളവത്തെ ലോകത്തെത്തിച്ചത് ഫാക്സ് എന്ന യന്ത്രമായിരുന്നു

എങ്കില്‍ ഇന്നതിന്റെ സ്ഥാനം അതിവിദഗ്ധമായി സോഷ്യല്‍ മീഡിയകള്‍

നിര്‍വഹിക്കുന്നു. ഇന്ന് സ്വാതന്ത്യ്രന്നും നീതിക്കും വേണ്ടി നടക്കുന്ന എല്ലാ

സമരമുന്നേറ്റങ്ങള്‍ക്കും ഉപയോഗിക്കപ്പെടുന്നത് ബ്ളോഗുകളും ഗൂഗിള്‍ ,

ഫേസ്ബുക്ക്, ട്വിറ്റര്‍ തുടങ്ങിയ സോഷ്യല്‍ മീഡിയകളും ചുരുക്കം ചില

മാധ്യമങമാണ്. അതുകൊണ്ടു തന്നെ ഇവ ഭരണകൂടങ്ങളുടെ

ശത്രുവായിമാറിയിരിക്കുന്നു. സോഷ്യല്‍ മീഡിയകള്‍ക്ക് നിയന്ത്രണങ്ങളും

സെന്‍സര്‍ഷിപ്പും നടപ്പാക്കാന്‍ ശ്രമിക്കയാകണ് പല ഭരണകൂടങ്ങളും. കഴിഞ്ഞ

ആഴ്ച ഇന്ത്യന്‍ സര്‍ക്കാരിന്റെ ഭാഗത്തുനിന്ന് ഉണ്ടായ സെന്‍ണസര്‍ഷിപ്പ്

നീക്കം ഇതിന്റെ ഭാഗം തന്നെയാണ്. നേരത്തെ ബ്രിട്ടനില്‍ ഇത്തരമൊരു

നീക്കമുണ്ടായിരുന്നുവെങ്കിലും വിജയിച്ചില്ല. ലിബിയയിലും സിറിയയിലും

ബഹറൈനിലും ഗ്രീസിലും ചൈനയിലും റഷ്യയിലും മറ്റും ജയിലിലടക്കപ്പെട്ട

നൂറുകണക്കിന് ബ്ളോഗര്‍മാരും

സോഷ്യല്‍ മീഡിയ പ്രവര്‍ത്തകരും പത്രവ്രര്‍ത്തകരുമെല്ലാം ഈ

സമരമുന്നേറ്റങ്ങളുടെ പേരിലാണ് അതാത് ഭരണകൂടങ്ങളാല്‍

ശിക്ഷിക്കപ്പെട്ടിരിക്കുന്നത്.

ചില കണക്കുകള്‍ കാണുക:

ഇക്കൊല്ലം 66 പത്രപ്രവര്‍ത്തകര്‍ ലോകത്ത് കൊല്ലപ്പെട്ടിരിക്കുന്നു.

നൂറുകണക്കിന് ബ്ളോഗര്‍മാര്‍ ജയിലില്‍ കഴിയുന്നു. പീഢനങ്ങള്‍

സഹിക്കേണ്ടി വരുന്നവര്‍ ഇതിലും അധികം. കൊല്ലപ്പെട്ടവരില്‍ നിരവധി

പത്രപ്രവര്‍ത്തകര്‍ അറബ് റവലൂഷന്റെ ഭാഗമായാണ് കൊല്ലപ്പെട്ടിരിക്കുന്നത്.

പാക്കിസ്ഥാനിലാണ് ഏറ്റവും കൂടുതല്‍ പത്രപ്രവര്‍ത്തകര്‍ കൊല്ലപ്പെട്ടത്.

പത്തുപേര്‍. അറബ്വസന്തവുമായി ബന്ധപ്പെട്ട മുന്നേറ്റങ്ങള്‍ നടക്കുന്ന

മിഡില്‍ഈസ്റ്റില്‍ 20 പേരാണ് കൊല്ലപ്പെട്ടത്. 1044 പത്രപ്രവര്‍ത്തകരെയാണ്

ഇക്കൊല്ലം ജയിലിലടച്ചത്. മുന്‍ വര്‍ഷത്തെക്കാള്‍ ഏതാണ്ട് ഇരട്ടിയാണിത്.

കഴിഞ്ഞ വര്‍ഷം 57 പത്രപ്രവര്‍ത്തകരാണ് കൊല്ലപ്പെട്ടത്. 2007 ലെ ഇറാഖ്

യുദ്ധം നടന്ന കാലത്താണ് ഏറ്റവും കൂടുതല്‍ പത്രപ്രവര്‍ത്തകര്‍ കൊല്ലപ്പെട്ടത്- 87.

റഷ്യയിലെ ഭരണാധിപന്‍ പുടിനെതിരെ തെരഞ്ഞെടുപ്പ് അഴിമതിയാരോപിച്ച്

പ്രകടനം നടത്തിയ ബ്ളോഗര്‍ അലക്സി നവല്‍നി ജയില്‍മോചിതനായിട്ട് രണ്ടു

ദിവസമായതേയുള്ളു. ചൈനയിലെ ബ്ളോഗറും എഴുത്തുകാരനുമായ ചെന്‍

വീ ജയില്‍ ശിക്ഷ വിധിച്ചത് വ്യാഴാഴ്ചയാണ്. ഈജിപ്തിലെ ബ്ളോഗര്‍

നബീല്‍ രണ്ടുവര്‍ഷത്തെ ജയില്‍ ശിക്ഷ വിധിക്കപ്പെട്ട് ഇപ്പോള്‍ ജയിലിലാണ്.

ഇവിടെ തന്നെ അല അബ്ദുല്‍ ഫതാഹ് അടക്കം നിരവധി ബ്ളോഗര്‍മാര്‍

ഇപ്പോള്‍ ജയിലിലാണ്. സിറിയയില്‍ തടവിലായിരുന്നു ബ്ളോഗര്‍ റസാന്‍

ഗസ്സാവി മോചിതയായാത് കഴിഞ്ഞ ആഴ്ചയാണ്. ചിലിയിലും ഗ്രീസിലും

യമനിലുമെല്ലാം നിരവധി ബ്ളേവഗര്‍മാര്‍ ജയിലിലാണ്. വനിതാ

ബ്ളോഗര്‍മാരെ ഭരണകൂടവും പൊലീസും പട്ടാളവും കിരാത പീഢനങ്ങള്‍ക്ക്

ഇരകളാക്കുകയാണ്. സമരത്തിനിറങ്ങുന്ന വനിതകളുടെ ലൈംഗിക

പീഠനങ്ങള്‍ക്കിരയാക്കുക, നിര്‍ബന്ധ കന്യകാത്വ പരിശോധന നടത്തുക

തുടങ്ങിയവ സ്ഥിരം കലാപരിപാടിയായി മാറിയിരിക്കയാണ്. ഇതില്‍

ഏറ്റവും കുപ്രസിദ്ധമായിട്ടുള്ളത് ഈജിപ്തിലെ പട്ടാള ഭരണകൂകൂടവുമാണ്.

ലോകം ബ്ളോഗര്‍മാര്‍ക്കും പത്രപ്രവര്‍ത്തകര്‍ക്കും (എന്നെ പേലെ സുരക്ഷിത

പത്രപ്രവര്‍ത്തനം നടത്തുന്നവരല്ല) ഏറ്റവും അപകടം പിടിച്ച ഇടമായി

മാറിയിരിക്കുന്നു. അതോടൊപ്പം ലോകഭരണാധികാരികള്‍ ഏറ്റവും ഭയക്കുന്ന

വിഭാഗമായും ഇവര്‍ മാറിയിരിക്കുന്നു. അതുകൊണ്ടുതന്നെ ഭരണകൂട

ഭീകരതക്ക് ഏറ്റവും കൂടുതല്‍ ഇരയാവുക ഇവര്‍ തന്നെയായിരിക്കും.

ബ്ളോഗര്‍ അല അബ്ദുല്‍ ഫതാഹ്

ബ്ളോഗര്‍ അലക്സി നവല്‍നി

ബ്ളോഗര്‍ റസാന്‍ ഗസ്സാവി

ബ്ളോഗറമാര്‍ക്കും പത്രപ്രവര്‍ത്തകര്‍ക്കും വരാനിരിക്കുന്നത് പീഢനകാലം

നാം ഇന്ത്യക്കാര്‍ വെറും ഗിനിപ്പന്നികളോ? ഇന്‍ഡോറില്‍ 233 മനോരോഗികളില്‍ മരുന്നു പരീക്ഷണം

2011-12-22T23:42:00.000-08:00

നാം ഇന്ത്യക്കാര്‍ വീണ്ടും വീണ്ടും ഗിനിപ്പന്നികളെ പോലെ ബഹുരാഷ്ട്ര ഔഷധ

കമ്പനികളുടെ പരീക്ഷണങ്ങള്‍ക്ക് ഇരയായിക്കൊണ്ടിരിക്കുന്നു. ഇതാ

മധ്യപ്രദേശിലെ മഹാത്മാ ഗാന്ധി മെഡിക്കല്‍ കോളജിലെ ഡോക്ടര്‍മാര്‍ 233

മനോരോഗികളെ വിവിധ മരുന്നുകളുടെ പരീക്ഷണങ്ങള്‍ക്ക് ഉപയോഗിച്ച

വിവരമാണ് ഇപ്പോള്‍ പുറത്തു വന്നിരിക്കുന്നത്. പരീക്ഷണങ്ങള്‍ക്ക്

വിധേയരായ രോഗികളുടെ ബന്ധുക്കളുടെ അനുമതിയില്ലാതെയാണ് ഈ

ക്രിമിനല്‍ ക്രൂരതക്ക് സര്‍ക്കാര്‍ ഡോക്ടര്‍മാര്‍ തയാറായത്. ഇതില്‍ 80

രോഗികളില്‍ ഗുരുതരമായ പാര്‍ശ്വഫലങ്ങള്‍ അനുഭവപ്പെടുന്നതായി

റിപ്പോര്‍ട്ടുകളുണ്ട്. ലൈംഗിക ശേഷിക്കുറവുമായി ബന്ധപ്പെട്ട് ചികിത്സയ്ക്ക്

ഉപയോഗിക്കുന്ന Depoxetine എന്ന മരുന്നിന്റെ പ്രയേജന ക്ഷമത

പരീക്ഷിക്കാനും ഈ പാവങ്ങളെ ഉപയോഗിച്ചതായാണ് വിവരം. 42

പേരിലാണ് ഈ പരീക്ഷണം നടന്നത്. ഇന്‍ഡോര്‍ മഹാത്മാ മെഡിക്കല്‍ കോളജ്

മനോരോഗ ചികിത്സാ വിഭാഗത്തിലെ ഡോക്ടറമാറ ഒരു സ്വകാര്യ

ക്ളിനിക്കിന്റെ സൌകര്യങ്ങള്‍ ഉപയോഗിച്ചാണ് ഈ പരീക്ഷണം 2008 മുതല്‍

നടത്തി വന്നത്. നിയമ വിരുദ്ധമായി മനുഷ്യരില്‍ ഇത്തരം പരീക്ഷണം

നടത്തിയ സംഭവത്തെ കുറിച്ച് അന്വേഷണം നടത്തി കുറ്റക്കാരെ

ശിക്ഷിക്കുമെന്ന് സര്‍ക്കാര്‍ പ്രഖ്യാപനം നടത്തിയിരിക്കുന്നു. എന്നാല്‍

ഇന്ത്യയില്‍ ഇന്നേവരെ നടന്ന ഒരു മരുന്നു പരീക്ഷണത്തിലും അതിന്റെ

നേതൃത്വം വഹിച്ചവരായ ഡോക്ടര്‍മാര്‍ ശിക്ഷിച്ചതായി അറിവില്ല.

വൈദ്യ ചികിത്സാ രംഗത്ത് പ്രവര്‍ത്തിക്കുന്ന ഡോ. ആനന്ദ് റായ് ആണ് ഈ

മനുഷ്യവിരുദ്ധ പരീക്ഷണക്കുറ്റം ദേശീയ മനുഷ്യാവകാശ കമീഷന്റെയും

അസംബ്ളിയുടെയും ശ്രദ്ധയില്‍ കൊണ്ടു വന്നത്.

അമേരിക്കയടക്കമുള്ള വികസിത രാജ്യങ്ങളില്‍ മനുഷ്യരില്‍ നടത്തുന്ന മരുന്ന

പരീക്ഷണങ്ങള്‍ക്ക് കര്‍ശന നിയന്ത്രണങ്ങളുണ്ട്. വലിയ സാമ്പത്തിക ചിലവും

വരും. ഇന്ത്യയില്‍ ഇതൊന്നും അത്ര കര്‍ശനമല്ല. അതാണ് വിദേശ

ഔഷധക്കമ്പനികള്‍ക്ക് ഇന്ത്യ പ്രിയപ്പെട്ട നാടാകുന്നത്. ഇവിടെ നിയമങ്ങള്‍

കറശനമല്ല. ചിലവും കുറവ്. ഇന്ത്യക്കാരായ മനുഷ്യരുടെ വിലയെന്താണ്?

എനിക്കും നിങ്ങള്‍ക്കും എന്തു വില വരും? ഒരു വിലയുമില്ല എന്നാണ് ഔഷധ

പരീക്ഷണങ്ങള്‍ക്കിറങ്ങുന്ന ഡോക്ടറമാര്‍ കരുതിയിരിക്കുന്നത്. അവര്‍

ഇന്ത്യക്കാരായ ഡോക്ടര്‍മാരായാല്‍ വില വീണ്ടും കുറയും. നാം ശരിക്കും

ഗിനിപ്പന്നികളല്ലാതെ മറ്റെന്ത്?